Заострени критериуми за земјоделски субвенции и засилени теренски контроли - Канал 5

Македонија

Заострени критериуми за земјоделски субвенции и засилени теренски контроли

Нема да се намалуваат парите предвидени за субвенции во земјоделството - министерот за земјоделство, Цветан Трипуновски категорично ги отфла обвинувањата на опозицијата дека се кратат субвенциите за 40 милиони евра.

Заострени критериуми за земјоделски субвенции и засилени теренски контроли

. Вели дека единствената новина е што ќе се заоструваат критериумите за добивање на истите, бидејќи, како што рече, нелогично е државата да има милиони евра поддршка, а производството да бележи опаѓање.

-Немаме кратење на субвенциите, имаме само дополнителни условувања коишто ќе значат зголемување на продукцијата на храна во Република Македонија.Постојат категории на луѓе, не би ги нарекол земјоделци кои се обиделе да го злоупотребат системот и да користат земјоделски субвенции. Затоа повторувам, со новите капацитети кои ќе бидат ставени на располагање на платежната агенција, контролите на терен, ќе се елиминираат сите они коишто сакаат да печалат на грбот на државата, да земаат субвенции, а да не учествуваат во земјоделскиот процес,- -Цветан Трипуновски – Министер за земјоделство.

Во однос на платежната агенција за земјоделство, Трипуновски тврди дека ќе продолжи да функционира тековно. Додава дека не може да каже кога ќе има нови ИПАРД повици, по скандлот во кој со мито беше фатен претходноит директор, но рече дека се работи на документација за одблокирање нови мерки.

-Веќе како сите надлежни институции кои се од областа на платежната агенција и националните авторитети работат на утврдување на конкретните пропусти кои евентуално се случиле. Во комуникација со Брисел во следниот период очекуваме да си продолжи нормалното тековно работење во делот на ИПАРД средствата,- -Цветан Трипуновски – Министер за земјоделство.

Трипуновски на брингот со новинарите кажа и дека е се уште рано да се каже колку од земјоделските површини претрпеа штети по поројните врнежи.

Сега, рече, се работи на санација и нормално функционирање на речните корита за да нема поплавувања на површините, а по санирањето на состојбите, ќе се формираат општински комисии, кои ќе ги прибираат барања од сите што ќе пријават штети.

YouTube video

Тагови: ИПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Северина позира во бикини (ВИДЕО)

Северина објави фотографии од одмор на социјалните мрежи на кои позира во впечатлива зелена комбинација, која веднаш привлече внимание. 

Северина позира во бикини (ВИДЕО)

Пејачката носи бикини и долго здолниште изработено од лелеав материјал во ист дезен, а целиот аутфит оддава летна, бохо атмосфера.

Сетот се издвојува со светло зелен дезен што потсетува на крилја од пеперутки, црни детали и кроеви што ја следат линијата на телото. Се издвојува долга здолниште со шлиц и странични врвки што може да се носи на неколку начини, во зависност од стилот што сакате да го постигнете.

Тагови: Северина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се врати на бината и ги исмеа новинарите: Кога ќе ме нема, ќе нема за што да известувате (ВИДЕО)

Американскиот претседател Доналд Трамп на одложената вечера на Здружението на дописници од Белата куќа упати остри критики кон медиумите.

Трамп се врати на бината и ги исмеа новинарите: Кога ќе ме нема, ќе нема за што да известувате (ВИДЕО)

Американскиот претседател Доналд Трамп на одложената вечера на Здружението на дописници од Белата куќа упати остри критики кон медиумите, но дел од говорот го искористи и за шеги и помирувачки пораки. Церемонијата, на која се слави слободата на медиумите, се одржа три месеци откако првичниот настан беше откажан поради пукањето, пишува Би-Би-Си.

Критики, шеги и покана за дебата

Иако многу дописници очекуваа Трамп остро да ги осуди медиумите, неговиот говор, кој траеше еден час, доби променлив тон. Понекогаш беше срдечен и помирувачки. Се пошегува дека „вториот пат е секогаш подобар“ и додаде дека ги почитува „повеќето“ од присутните новинари. „Како што реков пред три месеци, претставата мора да продолжи“, рече Трамп.

Од друга страна, тој обвини многу присутни дека страдаат од „синдром на растројство на Трамп“ и упати директни навреди кон неколку новинари. Личните напади се проширија и на демократски политичари и познати личности. Во еден момент тој изјави: „Ова е навистина најголемата група луѓе со „синдром на растројство на Трамп“ што некогаш се собрале на едно место“.

Претседателот се пошегува дека медиумската индустрија ќе пропадне откако ќе ја напушти функцијата бидејќи „нема што да се известува“, потоа облече шапка „Трамп 2028“ и рече дека ќе се кандидира за уште еден мандат.

Во говорот, тој исто така ги повика Американците да ја почитуваат слободата на говорот. „Ние не ги решаваме нашите разлики со куршуми, туку со отворена и енергична дискусија. И ниеден пореметен губитник со пиштол никогаш нема да го промени тоа. Не смееме да дозволиме тоа никогаш да се случи“, рече тој.

Церемонијата во сенка на нападот

Настанот се одржа во значително различни околности од вообичаените. Оригиналната вечера во април беше прекината поради пукањето, а поранешната раководителка на здружението изјави дека „таа нема да дозволи чин на насилство да го има последниот збор“. Новата претседателка на WHCA, Веиџија Џијанг од CBS News, објави дека следната година настанот ќе се врати во хотелот Вашингтон Хилтон, местото на нападот.

Во текот на вечерта, Трамп му додели награда на Виктор Гонзалез, агентот на Тајната служба кој беше ранет во април, за неговиот одговор ноќта на пукањето. Осомничениот за нападот, 31-годишниот Кол Томас Ален, е обвинет за обид за атентат врз претседателот. Агентите го совладале непосредно пред скалите што воделе до салата каде што требало да започне вечерата.

Поради овие околности, настанот бил значително помал, со околу 700 присутни во споредба со повеќе од 2.000 во април. Безбедносните мерки биле исклучително строги, со блокирани улици околу хотелот и силно присуство на полицијата и Националната гарда. Гостите поминале низ две безбедносни проверки, а во еден момент морале да одат во ред покрај агенти на Тајната служба со пушки.

Затегнатите односи со медиумите продолжуваат

Односите меѓу Белата куќа и медиумите остануваат затегнати, што се гледа од неодамнешната закана на Трамп да ги одземе лиценците на телевизиските мрежи што не го емитувале неговиот говор за безбедноста на изборите. За време на вечерата, претседателот седел додека новинарите од медиумите со кои е во конфликт, како што се Њујорк Тајмс, Си-Ен-Ен и Волстрит Џурнал, примале награди.

Тој стана и се ракуваше со победниците, меѓу кои беше и тимот на „Волстрит џурнал“, награден за известување за врските на Трамп со покојниот финансиер Џефри Епштајн. Меѓу другите гости на вечерата беа министерот за одбрана Пит Хегсет, вршителот на должноста министер за правда Тод Бланш, директорот на ФБИ, Кеш Пател, секретарот за финансии Скот Бесент и министерот за трговија Хауард Лутник.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ и Синер го откажаа настапот на важен турнир во Монтреал

Моментално, тенисерот број еден во светот, Италијанецот Јаник Синер, го откажа својот настап на овогодинешниот турнир АТП Мастерс 1000 во Монтреал.

Ѓоковиќ и Синер го откажаа настапот на важен турнир во Монтреал

Моментално, тенисерот број еден во светот, Италијанецот Јаник Синер, го откажа својот настап на овогодинешниот турнир АТП Мастерс 1000 во Монтреал, кој ќе се игра од 2 до 13 август, а својот настап го откажа и 39-годишниот српски ветеран Новак Ѓоковиќ.

Победникот на неодамна завршениот Вимблдон, Синер, и 24-кратниот освојувач на титулата Гренд слем, Ѓоковиќ, кого Синер го победи во полуфиналето на Вимблдон, му се придружија на Шпанецот Карлос Алкараз како најпознати имиња кои ќе го пропуштат овој голем подготвителен турнир пред последниот Гренд слем во сезоната, Отвореното првенство на САД.

Со повлекувањето на Синер, статусот на прв носител во Монтреал треба да му припадне на Германецот Александар Зверев, моментално втор играч во светот и победник на овогодинешниот Ролан Гарос и финалист на Вимблдон, додека втор носител треба да биде локалниот фаворит Феликс Оже-Алијасиме.

Тагови: Јаник Синер Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер