Заменик министерот за здравство Асим Муса поднесе оставка - Канал 5

Македонија

Заменик министерот за здравство Асим Муса поднесе оставка

Струшкото јавно обвинителство ќе го истражува случајот со митото на заменик министерот за здравство Асим Муса. 

Заменик министерот за здравство Асим Муса поднесе оставка

Веќе е отворен предмет, а во предистражната постапка обвинителството ќе ги бара оригиналните снимки од албанската телевизија Топ ченел кадешто беше објавена снимка во која се тврди дека тој бара поткуп од 1.000 евра, за да направи операција на пациент од Албанија во земјава, кој е, според тврдењата, новинар со прикриен идентитет.

По бројните реакции Муса денеска поднесе оставка, но прес-конференцијата на која ја соопшти одлуката се сведе само на негова изјава, бидејќи ги избегна новинарските прашања. Тврди дека станува збор за стапица, како и медиумска и политичка хајка со бомбастични наслови за да се наруши неговиот интегритет.

ДУИ ја поздравува оставката на заменик министерот за здравство Муса, изјави Артан Груби по одлуката. Прашан дали дали верува во тврдењата на Муса дека е наместен и не е виновен, Груби рече дека тоа прашање веќе е апсолвирано.

Министерот за здравство Венко Филипче јавно ја осуди постапката на заменик министерот во оставка.

По оставката на Муса реагираа и од Алијансата за Албанците од каде побараа правна разрешница и одговорност од владата и од ДУИ.

Инаку, на видеото кое го објави албанската Топ Ченел се гледа како заменик министерот се пазари со пациентот, односно со новинарот, како бара 1.000 евра, а како аванс зема 50 евра. По состанокот во Институтот за нефрологија во Струга, тој и „пациентот“ го одредуваат денот на операцијата.

Муса бил три години директор на две болници во Струга. Две години во општата болница и една година во болницата за нефрологија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Ѕвер“ со големина на Франција ја погоди Кина: Два милиони евакуирани (ВИДЕО)

Тајфунот Бави, најсилната бура што ја погоди континентална Кина оваа година, донесе обилни дождови на источниот брег со силни ветрови, тестирајќи ја способноста на властите да се справат со екстремни временски услови.

„Ѕвер“ со големина на Франција ја погоди Кина: Два милиони евакуирани (ВИДЕО)

Бави ослабе во тропска бура до недела наутро додека се движеше кон внатрешноста, но метеоролозите предупредија дека системот со големина на Франција може да донесе продолжени и обилни дождови низ источна и северна Кина во наредните денови, објави Ројтерс.

Речиси два милиони луѓе беа евакуирани пред пристигнувањето на Бави, главно во покраината Џеџијанг, економскиот и технолошкиот центар на втората најголема економија во светот.

Бави го погоди крајбрежниот град Јухуан во Џеџијанг околу 23:20 часот по локално време во саботата, пред да удри втор пат во Јуеќинг околу полноќ.

„Слушнавме како паѓаат ќерамиди и гранки од дрвја. Секако дека бевме исплашени, но живееме покрај морето, па затоа сме навикнати на тоа“, рече еден жител.

Државниот радиодифузен сервис „CCTV“ објави дека повеќе од 1.300 дрвја паднале во Јуеќинг, а повеќе од 700 се целосно искорнати.

Поплавите достигнаа ниво од половина висина на гума од автомобил.

Спасувачките екипи денес користеа багери и моторни пили за да ги исчистат улиците покриени со вода и паднати дрвја.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на жртви во Венецуела се искачи на 4.333

Бројот на жртви од земјотресите што ја погодија Венецуела на 24 јуни се искачи на 4.333, а 16.740 се повредени, изјави претседателот на Националното собрание и раководител на привремените кампови, Хорхе Родригез.

Бројот на жртви во Венецуела се искачи на 4.333

Тој рече дека 315 лица сè уште не се идентификувани меѓу жртвите, додека 6.462 лица се спасени од урнатините, а околу 17.000 жители останаа без покрив над главата.

Родригез нагласи дека операциите за пребарување и спасување продолжуваат.

„Додека има живот, има надеж. Сè уште имаме едно или две места каде што ситуацијата останува неизвесна, каде што активно бараме преживеани“, рече тој на својата последна прес-конференција.

Родригез објави дека вршителот на должноста претседател на Венецуела, Делси Родригез, ќе ги додели првите 200 станови на ранливи семејства следната недела.

Според официјалните бројки, оштетени се 856 згради, од кои 190 се целосно уништени или претрпеле сериозни структурни оштетувања.

Властите проценуваат дека се потребни околу 25.000 станбени единици. Идентификувани се околу 40 локации со вкупна површина од околу 584.000 квадратни метри за изградба на нови населби во областите Осма и Чуспа.

Како дел од дневниот извештај, Родригез изјави дека 86.794 семејства добиле помош и дека се дистрибуирани 9.766 тони храна и 16.617.508 литри вода.

Дополнително, претседателот на венецуелскиот парламент изјави дека се поставени 94 привремени кампови за да се помогне на населението погодено од земјотресите, кои предизвикаа 1.202 последователни потреси. Тој, исто така, истакна дека медицинска помош им е пружена на 31.193 пациенти.

Родригез на прес-конференција изјави дека 91 процент од пациентите погодени од земјотресот кои се лекуваат во меѓународни теренски болници или национални болници веќе се отпуштени и се надвор од опасност.

Тој, исто така, рече дека 2.422 меѓународни спасувачи остануваат во земјата за да соработуваат во спасувачките напори, додека 31.837 национални спасувачи се распоредени во различни бригади во земјата.

Извор: Б92

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Успешно евакуирани три лица од непристапен терен на Бистрица на Шар Планина

Лицата безбедно се спроведени до регионалниот пат кај с.Лешок, каде пристигнала екипа на Итна медицинска помош од Тетово.

Успешно евакуирани три лица од непристапен терен на Бистрица на Шар Планина

На 11.07.2026 во 18:46 часот во СВР Тетово, А.Ч.(38) од село Жеровјане побарал помош за него и уште две лица, Н.М. од с.Слатино и Б.А. од с.Глоѓи. Пријавителот известил дека со возило пристигнале до местото викано „Три води“, атар на село Теарце, по што пешки се упатиле кон Бистрица на Шар Планина, каде поради тежок и непристапен терен останале заглавени, а притоа оддеднаш му се влошила здравствената состојба со болки во градите и отежнато дишење.

Веднаш по добиената пријава се известени Полициското одделение Теарце и Територијалната противпожарна единица лоцирана во село Лешок. Н.М. и Б.А. успеале да го симнат А.Ч. до местото викано „Бачило“, каде биле пречекани од спасувачката екипа на Територијалната противпожарна единица.

По пронаоѓањето, групата заедно со спасувачите пешки се спуштила до нивното возило, а во 20:40 часот кај местото „Три води“ биле прифатени од полициски службеници од ПО Теарце. Лицата безбедно се спроведени до регионалниот пат кај с.Лешок, каде пристигнала екипа на Итна медицинска помош од Тетово, при што А.Ч. на 12.07.2026 во 00:55 часот со амбулантно возило е пренесен во Клиничката болница Тетово за укажување лекарска помош.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер