Заменик-министерот Исени претседаваше со 14 состанок на Секторската работна подгрупа „Внатрешни работи“ - Канал 5

Заменик-министерот Исени претседаваше со 14 состанок на Секторската работна подгрупа „Внатрешни работи“

Во своето обраќање заменик-министерот Исени потенцирал дека Министерството интензивно и посветено работи на спроведување на клучните реформски приоритети.

Заменик-министерот Исени претседаваше со 14 состанок на Секторската работна подгрупа „Внатрешни работи“

Заменик-министерот за внатрешни работи, Астрит Исени, денеска претседаваше со 14 состанок на Секторската работна подгрупа „Внатрешни работи“, која претставува форум за меѓуресорска соработка за спроведување задачи на експертско ниво поврзани со формулирање и имплементација на националните секторски политики вклучително и оние релевантни за интегрирање во ЕУ, како и користењето на донаторска помош и инструментот за претпристапна помош ИПА.

На настанот, како што соопшти МВР, присуствувале претставници од Делегацијата на Европската Унија, претставници на меѓународните организации, амбасадите, како и членови на работната подгрупа од институциите со надлежност за спроведување на законот.

Во своето обраќање заменик-министерот Исени потенцирал дека Министерството интензивно и посветено работи на спроведување на клучните реформски приоритети, кои се неопходен предуслов за напредок во процесот на европската интеграција.

-Денес можеме да констатираме дека се постигнати значајни резултати, особено во делот на реформите на безбедносниот и разузнавачкиот систем, зајакнувањето на капацитетите за борба против организираниот криминал и корупцијата, како и унапредувањето на владеењето на правото- истакна Исени.

Тој искажал благодарност за поддршката што Европската Унија ја обезбедува преку Инструментот за претпристапна помош.

-Преку ИПА 3 програмата, во изминатите години беа имплементирани бројни проекти кои значително придонесоа за јакнење на институционалните капацитети – човечки, технички и инфраструктурни. Оваа поддршка има суштинско значење за модернизација на министерството и неговото усогласување со европските стандарди- нагласил Исени.

На состанокот биле презентирани стратешките плански документи, индикатори и програмски документи. Дополнително било презентирано портфолиото на проекти кои што во моментот се имплементираат во Министерството за внатрешни работи, како и проектите кои ќе започнат во следниот период поддржани од Европската Унија и од други донатори.

Заменик-министерот Исени се осврнал на клучните аспекти поврзани со реформската агенда, анализата на препораките од годишните извештаи на Европската комисија, како и заклучоците произлезени од скрининг-процесот, при што уште еднаш се заблагодарил за континуираната поддршка што ја добиваме од Европската Унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: Владата гради посилна економија, просечната нето-плата зголемена за скоро 8000 денари

Владата предводена од ВМРО-ДПМНЕ покажува дека економската политика дава резултати. Стандардот на граѓаните постојано се подобрува, а платите континуирано растат.

ВМРО-ДПМНЕ: Владата гради посилна економија, просечната нето-плата зголемена за скоро 8000 денари

Македонската економија бележи стабилен раст веќе 7 квартали по ред, со БДП од 3%, што е јасен показател дека земјата е на вистинскиот пат.

Резултатот на конкретната и посветена политика на Владата ги става граѓаните на прво место, се покачија платите на просветните работници, здравствените работници, припадниците на полицијата и одбраната.

Бројките го потврдуваат ова. Просечната нето-плата пораснала од 40.496 денари на 48.433 денари за само две години, зголемување од 19,6%. Дури и кога ќе се земе предвид поскапувањето, реалната куповна моќ на граѓаните е значително зголемена, односно платите растат побрзо од цените.

Оваа позитивна тенденција не е ограничена само на одредени сектори, раст бележат информациите и комуникациите, транспортот, рударството, недвижностите, и многу други дејности, што покажува дека напредокот е широк и го опфаќа целото општество.

Инфлацијата се стабилизира, економијата расте, а платите продолжуваат нагорна патека. И ова е само почетокот, ВМРО-ДПМНЕ останува посветена на уште подобри економски резултати во иднина.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Тендер коалицијата се префарба - стари министри, нови криминални тендери

Организираната криминална група ВМРО и нејзината тендер коалиција со ЗНАМ завршија со првичните разговори за реконструкција на Владата. Сега следуваат „финални консултации“.

СДСМ: Тендер коалицијата се префарба - стари министри, нови криминални тендери

Преведено на јазикот на реалноста: тендер коалицијата се префарба за да продолжи со истата политика на криминални тендери, задолжувања и изолација.

ЗНАМ, приватно здружение на Максим Димитриевски финансирано од Мицкоски, како партнер кој повеќе не постои во вистинска смисла на зборот, сега треба да се појави со „нови“ лица.

Прашањето е: кого да вметнат кога веќе нема никого? Можеби Максо? Тој е нов.

Целта на оваа реконструкција не е подобра Влада. Целта е мачкање очи на граѓаните и продолжување со криминалните тендери, зачувување на коруптивните мрежи и купување на уште малку време. Сè друго е шарена лага за граѓаните.

Додека Организираната криминална група ВМРО се занимава со преуредување на фотелји, економијата е во тешка криза.

Буџетот е пред колапс, странските инвестиции се намалени за 60%, македонските работници се со најниски плати во Европа, младите масовно ја напуштаат земјата. Нема зголемување на минималната плата на 600 евра, цените отидоа до плафон, а потрошувачката кошничка достигна 70.000 денари само за основни потреби.

Наместо да се соочат со овие проблеми, тие прават театар наречен реконструкција.

Оваа Влада не може да се реформира. Таа може само да се маскира. И токму тоа го прави сега - со нови министри од истата тендер коалиција, со истите криминални практики и со истата политика која ја турка Македонија во изолација и сиромаштија.

Граѓаните не сакаат нови министри, тие сакаат крај на криминалните тендери, крај на лажењето и крај на политиката која ја уништува државата.

Оваа Влада може да доживее реформа само кога ќе се реформира правосудството, кога ќе има европско обвинителство и кога ќе одговараат за криминал и корупција.

Таа реформа ја чекаат граѓаните и тоа време набрзо доаѓа.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рама: Албанците од Македонија на протестите во Тирана се жртви на политички каравани

Албанскиот премиер Еди Рама, го критикуваше учеството на Албанците од Косово и Македонија на протестите организирани против него на движењето „Фламинго револуција“.

Рама: Албанците од Македонија на протестите во Тирана се жртви на политички каравани

Митинг беше обележан со масовно учество на Албанци од дијаспората, кои во голем број се придружија на маршот кон зградата на владата во Тирана. Рама ги критикуваше организаторите кои, според него, донеле Албанци од Приштина и од Тетово на протестите, а учесниците ги нарече „жртви на политички каравани“.

„Албанците од Македонија не се дијаспора на Албанија на туѓа територија. Заедно со Македонците, тие се составен народ во својата земја. Дијаспората се емигранти кои живеат во странски земји, а не тие, ниту Албанците од косово, кои имаат своја независна држава“, напиша Рама во објава на социјалните мрежи. Албанија 20-на дена се соочува со континуирани протести, предизвикани од контроверзен проект поврзан со планираната изградба на луксузен туристички комплекс поврзан со зетот на претседателот на Соединетите Американски Држави, Доналд Трамп, Џаред Кушнер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер