Заложничка криза во Англија поради ладни ќебапи -пукале на полицијата, драмата траела 14 часа - Канал 5

Живот

Заложничка криза во Англија поради ладни ќебапи -пукале на полицијата, драмата траела 14 часа

Двајца дрогирани мажи пукале во полицијата која дошле да ги спасат станарите и доставувачот на храна, кого го зеле како заложник откако им донел ладен ќебап!

Заложничка криза во Англија поради ладни ќебапи -пукале на полицијата, драмата траела 14 часа

Пол Бартон (45) и Нејтан Тарнер (37) се уапсени откако пукале со воздушна пушка кон полициската патрола од нивниот стан во Бедфорд, Англија.

Осомничените, кои пиеле алкохол и консумирале наркотици, побарале од доставувачот да им ги врати парите бидејќи храната што им ја донел се изладила. Несреќниот човек го затвориле во лифтот, а дури по еден час го ослободиле, откако сопственикот на брза храна дошол да го спаси.

Во видеото кое се емитуваше во живо на Фејсбук, Бартон го обвини доставувачот дека задоцнил и ја заборавил салатата што ја нарачал, пренесува Дејли Меил.

Утрото околу 6 часот влегле во конфликт со сосетката која им заѕвонила на врата бидејќи музиката била прегласна. Отпрвин малку ја намалиле музиката, па повторно ја засилиле, а таа повторно се побунила, поради што и впериле пиштол кон неа.

Исплашена, верувајќи дека се работи за вистинско оружје, сосетката повикала полиција.

Кога тешко вооружените полицајци пристигнале на нивната врата, дрогираните мажи рекле дека нема да го напуштат станот.

„Ако влезе некој од вас, ќе биде мртов“, им се заканувале на полицајците.

После тоа пукале во патролното возило и го скршиле ветробранското стакло. За малку ќе раниле маж кој си одел дома по улица.

Застрашувачките снимки од еден од ходниците на зградата го покажуваат Тарнер како држи оружје слично на снајпер, опремено со телескопски нишан и пригушувач.

Тарнер продолжил да фрла боја и саксии од дворот, при што оштетил неколку автомобили.

На полицијата ѝ се предал околу 12:30 часот, а Бартон дури околу 18 часот.

Полицијата на крајот упаднала во станот и ја одземала воздушната пушка со која пукале, а во станот било пронајдено оружје.

Во станот бил пронајден и огромен питон, како и некои други влекачи.

Тарнер и неговиот придружник се обвинети дека го чинеле градот повеќе од 90.000 евра. Имено, речиси исто толку ќе ги чини даночните обврзници излегувањето на специјалците на терен и причинетата штета на полициското возило.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Можна е средба со Русите во Мајами

Официјални лица од Украина, САД и Русија би можеле да се сретнат за време на самитот на Г20 во Мајами во декември.

Зеленски: Можна е средба со Русите во Мајами

Сепак, Вашингтон и Москва не ја потврдија средбата, изјави денес украинскиот претседател Володимир Зеленски, додавајќи дека се можни и други места.

„Средбата би можела да се одржи во САД за време на самитот на Г20. Сепак, засега нема потврда ниту од Русија ниту од САД. Може да се одржи и во некоја европска земја“, рече Зеленски во разговор со новинарите преку апликацијата „WhatsApp“.

Тој додаде дека средбата би можела да се одржи и во една од земјите од Блискиот Исток, објави Ројтерс.

„САД постојано ги споменуваат Обединетите Арапски Емирати или Саудиска Арабија“, рече Зеленски, додавајќи дека украинските преговарачи разговарале со американски претставници во петокот, но не даде детали.

Тој рече дека на Европа ѝ е потребен свој колосек за разговори со Русија, со која односите се затегнати поради војната во Украина. Групата од 20 водечки економии, во која се вклучени САД и Русија, но не и Украина, треба да одржи самит во Мајами во декември.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Голема Речица, лишено од слобода едно лице, пронајдено оружје и дрога

На ден 16.10.2026 во времето од 15:00 до 16:30 часот, врз основа на судска наредба, извршен е претрес во дом и други помошни простории во село Голема Речици кај А.А.(57) поради сомнение за сторено кривично дело по член 215 од Кривичниот законик.

Претрес во Голема Речица, лишено од слобода едно лице, пронајдено оружје и дрога

При претресот, во една од собите во подрумската просторија под кревет пронајден е еден пиштол марка „екол дуал“ со една празна рамка, додека во помошна просторија во склоп на куќата во навлаката од перница пронајдени се 22 мали најлонски кесички со кокаин и една поголема најлонска кеса со кокаин.

За време на претресот лицето упатило закани кон полициските службеници и е лишен од слобода и задржан во Полициската станица Тетово за понатамошна постапка, По документирање на случајот против него ќе следува соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести ја тресат Франција, речиси 300 приведени во неколку градови

Во Франција изби нов бран масовни протести, придружени со насилство и судири со полицијата. најмалку 270 луѓе се уапсени во судирите во кои полицијата употреби солзавец во повеќе градови.

Масовни протести ја тресат Франција, речиси 300 приведени во неколку градови

Демонстрантите протестираат поради високите цени и бараат повисоки плати и пензии, како и подобри јавни услуги. Немири ги зафатија Париз, Марсеј, Лион и Стразбур, Гренобл, Тулуз, каде многу објекти се демолирани или запалени, а во Лион во оган пламнал туристичкиот информативен центар на плоштадот Белкур.

Според „Гардијан“, протестите се насочени и против слабеењето на францускиот систем на социјална заштита. Незадоволството се прошири од училиштата кон работниците, пензионерите и земјоделците, на кои им се придружија и припадници на движењето „жолти елеци“. Премиерот Лекорну изјави дека протестите се меѓу најнасилните во последните неколку децении.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер