Свет

Заленски: Пред 10 години востанието на Мајдан беше првата победа

Украинскиот претседател Володимир Зеленски денеска изјави дека историски проевропското востание на Мајдан пред десет години е „првата победа“ во војната против рускиот окупатор.

„Прва победа во тековната војна. Победа против рамнодушноста. Победа на храброста. Победа на револуцијата на достоинството“, рече Зеленски по повод 10-годишнината од почетокот со кој беше соборен прорускиот режим и покрај неговите обиди да го задуши.

„Пред десет години, Украинците за првпат започнаа контраофанзива против самоволниот обид да ја спречат нашата европска иднина“, рече тој.

Револуцијата на Мајдан, централниот плоштад во главниот град на Украина, каде се собраа демонстрантите, избувна откако, под притисок на Москва, тогашниот проруски претседател Виктор Јанукович во последен момент одби да го потпише договорот за пристапот на Украина кон Европската унија.

Во февруари 2014 година, движењето успеа да го принуди Јанукович да побегне во Русија по крвавото задушување на протестот, со околу стотина мртви меѓу демонстрантите и околу дваесет меѓу полицијата. Истата година, рускиот претседател Владимир Путин го анектираше украинскиот полуостров Крим и го организираше избувнувањето на конфликтот во источна Украина предводена од проруските сепаратисти, а во 2022 година руската армија почна да ја напаѓа Украина.

Зеленски во денешниот говор рече „се развива нов циклус од нашата историја“.

„Нашата генерација ќе одлучи во која насока ќе се движи и тоа ќе остане запишано во нашите историски книги“, рече Зеленски.

Во говорот под знамињата на Украина и на Европската унија во центарот на Киев, Зеленски ги повика своите сонародници да останат единствени, а западните сојузници да не влегуваат во никаков компромис со Русија.

„Ако цивилизираниот свет почне да бара компромис со терористите и да им дава отстапки, сите ќе загубиме“, рече Зеленски.

Европската унија и додели на Украина статус на кандидат за членство во 2022 година, а во ноември даде зелено светло за официјално отворање на преговорите, како и на соседна Молдавија, чија претседателка во вторникот го посети Киев.

Свет

Жена дошла во болница окована во синџири, на полицијата ѝ открила детали за ужасот

Неименуваната 40-годишна жена успеала да се оттргне од претходно осуден педофил од Шпанија и се појавила во болница со модринки на лицето и синџири околу вратот.

Лекарите од болницата „Свети Јаков“ останале во шок кога здогледале жена на која рацете и вратот ѝ биле врзани со синџири, објави Дејли Меил.

Имено, жената на полицијата ѝ рекла дека била во болница за да посети хоспитализиран пријател, а откако заминала, мажот ѝ понудил да ја повози до дома. По пат ѝ рекол дека мора да застанат кај неговата куќа за да ги земат потребните работи.

Ја повикал да влезе во неговата куќа, а откако ја затворил влезната врата, ја претепал до смрт, пишува Олив прес.

Исто така, жената изјавила дека се онесвестила од тепањето, а кога дошла на себе видела дека има синџири околу вратот и рацете. Напаѓачот се обидел да ја удави, а кога не успеал, почнал да ја навредува и тепа.

Жената успеала да побегне низ прозорецот кога оценила дека напаѓачот не гледа. За помош се обратила кај член на семејството кој веднаш ја однел во болница.

Осомничениот маж, претходно осуден педофил, по пријавата веднаш е уапсен, а моментално се наоѓа во притвор каде ќе го чека натамошна истрага за случајот.

Осомничениот и претходно бил осуден за киднапирање и малтретирање на деветгодишно девојче во Бургалеса, објавија локалните медиуми.

Живот

Ѝ посветил бизарна тетоважа на девојката, сите му се смеат- снимката има 13 милиони прегледи

Момче стана вирална сензација откако на TikTok се појави видео на кое се тетовира во студиото Betty Zoo Tattoo Studio во Копенхаген.

Момчето решило да направи уникатна тетоважа како почит кон својата девојка, а видеото е прегледано повеќе од 13 милиони пати.

На видеото може да видите како девојката го гризе за рака, а тетоважата потоа со мастило ги црта трагите од нејзиниот гриз. Резултатот е, хм, што е, и не требало многу време за луѓето да почнат да се потсмеваат во коментарите.

@bettyzootattoo Bite Mark tattoo #fyp #bf #tattoo #bitemarktattoo #foryou #trending #onthisday #fypviralシ ♬ My Love Mine All Mine - Mitski

„Која е најглупата тетоважа што можете да ја смислите? прашал тиктокер, а друг додал: „А што кога ќе раскинете?“

„Најглупавата идеја за тетоважа...сакам таква“, „Ова е навистина лоша идеја“, „Не можам да замислам полоша тетоважа“, „Едвард Кален би го сакал ова“, „Зошто?“, се некои од коментарите. Сепак, имало и такви на кои овој потег им бил „сладок“.

Забава

Иги Азалеа годинава заработи рекордни 48 милиони долари од разголени снимки на OnlyFans (ФОТО)

Од Бела Торн и Карди Би, до Кети Прајс и Дри де Матео од серијата Sopranos, има многу ѕвезди на OnlyFans, еротска платформа која беше основана во 2016 година.

Но, кој заработи најмногу оваа година? Можеби ќе бидете изненадени од она што го откри извештајот на LELO.

Поранешната девојка на Канје Вест, Амбер Роуз моментално е на петтото место и досега има заработено импресивни 26 милиони долари на платформата (каде што наплаќа месечна претплата од 5 долари).

Поранешната ѕвезда на Дизни, Торн заработи 32 милиони долари.

На третото место е Блек Чајна, која откако наплатуваше 19,99 долари месечно за гледање содржини, заработи 35 милиони долари - но ја деактивираше својата сметка во март.

На второ место е раперката Карди Би, која неодамна заработи дополнителни 10 милиони долари, со што нејзината вкупна заработка достигна неверојатни 45 милиони долари.

На прво место е австралиската раперка Иги Азалеа - која две години нема издадено нова музика.

Раперката досега заработила 48 милиони долари на OnlyFans, а тоа го направила за помалку од една година откако го отвори својот профил. 33-годишната раперка се приклучи на платформата дури во јануари, додека, на пример, Карди Б е на OnlyFans од 2020 година.

Други познати личности кои се на врвот на листата богати на OnlyFans се Тајга, Крис Браун и Остин Махон.

Зборувајќи за тоа кога се приклучи на OnlyFans претходно оваа година, Иги (вистинското име Аметист Амелија Кели) рече дека не знаела дека може да биде толку креативна на платформата. „Да се ​​признае, никогаш не знаев дека OnlyFans е место каде што можам да бидам креативна, па не очекував дека ќе работам со нив на мојот најголем проект досега“, изјави таа за Variety.

„Откако навлегов подлабоко во тоа што значи да се има OnlyFans, сфатив дека тоа е совршена платформа за лансирање на мултимедијален концепт“, додаде таа.

притисни ентер