Законите се реформски и нивната примена ќе ги унапреди високото образование и науката, сметаат ректори на државните универзитети - Канал 5

Македонија

Законите се реформски и нивната примена ќе ги унапреди високото образование и науката, сметаат ректори на државните универзитети

Ректорите од јавните универзитети, кои денеска присуствуваа и се обратија на прес-конференцијата во Владата, посветена на новите закони за високо образование и за наука, се задоволни од законските решенија.

Законите се реформски и нивната примена ќе ги унапреди високото образование и науката, сметаат ректори на државните универзитети

Ректорите од јавните универзитети, кои денеска присуствуваа и се обратија на прес-конференцијата во Владата, посветена на новите закони за високо образование и за наука, се задоволни од законските решенија и сметаат дека новините што тие ги предвидуваат ќе го унапредат квалитетот на образованието, што ќе резултира и со подобро меѓународно позиционирање на нашите универзитети.

Ректорката на Универзитетот „Св. Кирил и Методиј“ - Скопје, Биљана Ангелова, рече дека со големо внимание ги разгледале законите. Ставовите и заклучоците на УКИМ биле донесени во, како што рече, максимално инклузивна постапка и вклученост на сите универзитетски единици, кои потоа биле усвоени на највисоките тела - Ректорската управа и Сенатот на УКИМ.

- Беа дебатирани со МОН, односно со министерката, и може да кажам дека во овој момент ние имаме закон што ги рефлектира ставовите на нашиот универзитет. Законот е донесен во партнерство со МОН, нашиот најзначаен партнер, и имаме закон кој, конечно, е реформски затоа што со него се зголемени критериумите за избори и реизбори во звања. Тоа за краток период ќе резултура со многу подобар ранг на нашите универзитети. За нашиот УКИМ сум убедена дека бргу ќе имаме резултат во меѓународната видливост и подобар ранг на интернационалните сервиси за рангирање - рече Ангелова.

Нагласи дека со овој закон е заштитена автономијата - функционалната и организациската.

- А кај финансиската автономија, првпат во овој закон имаме цело едно поглавје за финансирањето, каде што се овозможува долгорочно буџетско планирање, петгодишен буџетски план, кој ни овозможува континуитет и сигурност во секојдневното работење - посочи ректорката на најголемиот и најстар универзитет во земјата.

Беким Фетаи, ректор на Универзитетот „Мајка Тереза“ - Скопје, изјави дека ја поздравуваат иницијативата за повисок квалитет во високото образование. Рече дека поднеле консолидирани предлози за унапредување на трите нацрт-закони, усвоени од највисоките универзитетски органи, и дека со одговорно учество и максимален ангажман придонеле во процесот за изградба на современ систем на високото образование и наука.

Дејан Мираковски, ректор на Универзитетот „Гоце Делчев“ во Штип, соопшти дека имале консензус за потребата од исчекор во квалитетно високо образование и за неопходноста македонската наука да биде препознаена регионално и глобално.

- За мене е особено важна можноста за проектно ангажирање млад кадар бидејќи тој модел недостигаше. Ни треба применлив, изводлив модел, кој ќе одговори на едно од најгорливите прашања - одливот на младите кадри. Сега им даваме можности да го градат својот пат тука, во својата земја - рече Мираковски.

Веланд Рамадани од Универзитетот на Југосисточна Европа посочи дека заклучокот од дебатите на нивниот универзитет е дека треба да се поддржи иницијативата „како основа за идно зајакнување на системот и негово усогласување со европските и глобалните образовни стандарди“.

- Само преку искрена соработка, конструктивен дијалог и заемна доверба помеѓу универзитите и државните институции може да постигнеме вистински, долгорочни и одржливи резултати - порача Рамадани.

Александар Николовски, досегашен претседател на Универзистетското студентско собрание (УСС) на УКИМ, претседавач со Националното студентско тело и дел од координативната група за реформи во високото образование, на прес-конференцијата рече дека студентите биле вклучени во процесот на креирање на законите, но укажува на неколку предизвици со кои во моментот тие се соочуваат и се поврзани со предложениот закон.

- Националното студентско тело, кое треба да биде претставник на сите студенти во државата, не е никаде вклучено во законот за високо образование. Тоа беше клучно барање на сите универзитетски студентски собранија, односно на 11, кои се функционални - рече Николовски. Соопшти дека имаат забелешки за траењето на мандатите на претставниците во УСС, бараат да траат две наместо предлогот за мандат од четири години, а проблематично за нив е и намалувањето на бројот на членови претставници на студентите во Универзитетскиот совет и кумулатиувниот просек што се зема за прием на нов кадар, односно пресметката на просечниот успех во условите за избор во наставно-научен кадар.

Николовски смета дека постои нерамномерно финансирање и побара да се внимава при инвестирањето во инфраструктура и подобрување на условите на универзитетите, односно вложените средства да бидат пропориционални со бројот на студенти што универзитетите ги имаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Венс им порачува на Британците: Имавте шест премиери, нешто е длабоко пореметено

Потпретседателот на САД, Џ.Д. Венс, изрази надеж дека следниот британски премиер ќе може да ја „поправи“ земјата по години „неуспешно лидерство“.

Венс им порачува на Британците: Имавте шест премиери, нешто е длабоко пореметено

Во едно интервју, тој нагласи дека Обединетото Кралство долго време е разочарано од своите лидери и дека се надева дека наследникот на Кир Стармер ќе се справи со структурните промени што ги бараат гласачите, објавува „The Telegraph“.

„Нешто е длабоко пореметено во британската политика“

Венс ги наведе честите промени во владата како доказ за политичка нестабилност. „Гледам дека имавте шест премиери во последните неколку години“, рече тој. „Тоа ми кажува дека нешто е длабоко пореметено во британската политика и дека луѓето навистина бараат значајни структурни промени. Се надевам дека Енди Бернам - или ако не тој, тогаш некој друг - може да го испорача тоа“.

Тој додаде дека се надева дека оној кој ќе го наследи Кир Стармер, кој ја објави својата оставка минатиот месец по помалку од две години на функцијата, ќе „најде начин да ја врати Британија на вистинскиот пат“.

Односи Вашингтон-Лондон

Стармер работеше на обнова на односите со Доналд Трамп на почетокот на неговиот мандат, но тие се влошија откако тој се спротивстави на амбициите на американскиот претседател да го преземе Гренланд и одби да му се придружи на војната против Иран. Трамп оттогаш е многу критичен, вклучително и во пораките по оставката на Стармер, кон неговата „неспособност да ја ограничи нелегалната имиграција и да ја реши енергетската криза во Велика Британија“.

Иако упатуваше слични критики, вицепремиерот Венс одржуваше потврден став кон Велика Британија. Тој изгради силен личен однос со вицепремиерот Дејвид Лами, со кого се зближи преку дискусии за верата, семејството и риболовот. Венс ја опиша Велика Британија како „неверојатно место“ со „најневеројатните луѓе во светот“ надвор од САД.

Меѓусебни критики кон Трамп и Бернам

Од друга страна, Енди Бернам, поранешниот градоначалник на Манчестер и главен кандидат за нов премиер, со години е многу критичен кон Трамп и неговата администрација. „Патот по кој сме, ако не сме внимателни, нè води кон политиката што ја гледаме во Соединетите Американски Држави“, рече Бернам за време на кампањата во јуни.

Иако не го критикуваше директно Трамп, тој тврдеше дека Американците се во средината на „поларизирана, токсична политика каде што луѓето во заедниците повеќе не соработуваат“. Во интервју минатата година, тој рече дека верува оти Трамп внесува „нестабилност“ во САД со својата десничарска политика.

Американскиот претседател и функционерите во неговата администрација возвратија со иста мера, тврдејќи дека левичарските политики на Бернам „на неограничена миграција и деструктивен глобализам ги направија некогаш големите градови во Европа непрепознатливи, дозволувајќи им на криминалците да беснеат, а антисемитизмот да цвета“.

Во своите први јавни коментари за Бернам, Трамп го опиша како „многу либерален градоначалник на град“ и предвиде дека нема да продолжи со дупчењето за нафта и гас во Северното Море. Венс рече дека знае малку за Бернам, но додаде: „Кој и да е премиер, ќе соработуваме со него што е можно поуспешно“.

Извор: Индекс.хр

Тагови: Џ.Д. Венс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ги погоди Филипините

Земјотрес со магнитуда од 5,8 степени го погоди филипинскиот остров Минданао, со епицентар на длабочина од 10 километри, соопшти сеизмолошката служба.

Силен земјотрес ги погоди Филипините

Земјотрес со магнитуда од 5,8 степени денес го погоди филипинскиот остров Минданао, соопшти Германскиот истражувачки центар за геонауки (GFZ).

Епицентарот на земјотресот бил на длабочина од 10 километри, објави Ројтерс.

Филипинската сеизмолошка агенција соопшти дека не се очекуваат штети или последователни потреси по земјотресот, чиј епицентар бил на море.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп објави фотомонтажа од Барак и Мишел Обама

Доналд Трамп повторно предизвика контроверзии на својата социјална мрежа „Truth Social“ објавувајќи бизарна фотомонтажа од американскиот претседателски авион „Air Force One“.

Трамп објави фотомонтажа од Барак и Мишел Обама

Фотомонтажата ги прикажува поранешниот американски претседател Барак Обама и неговата сопруга Мишел како мавтаат од вратата на претседателскиот авион, кој е целосно покриен со графити. Меѓу другото, трупот е украсен со зборовите „Yes We Can“ (слоганот на кампањата на Обама), акронимот за движењето „BLM“ (Black Lives Matter) и арапскиот натпис „Алхамдулилах“, што се преведува како „Фала му на Бога“.

Оживување на старите теории на заговор

Додавањето на арапско писмо на трупот на авионот е јасен обид да се оживее стара, постојано негирана теорија на заговор што самиот Трамп ја промовира со години - дека Барак Обама е таен муслиман кој дури и не е роден во Соединетите Држави.

Тимот на Трамп редовно користи вакви визуелни провокации за да поттикне културно и религиозно непријателство кон семејството Обама меѓу своите гласачи.

Скандалот со расистичко видео и префрлање на вината

Оваа објава доаѓа како продолжение на долгогодишниот, честопати отворен расистички наратив на Трамп насочен против поранешната претседателска двојка. Јавноста сè уште се сеќава на скандалот од почетокот на оваа година кога на официјалниот профил на Трамп на „Truth Social“ се појави одвратно видео генерирано од вештачка интелигенција, во кое Барак и Мишел Обама беа изменети како мајмуни во џунглата.

Овој потег предизвика широко огорченост и непосредна осуда од јавноста, како и од водечките политичари од двете страни на спектарот - вклучувајќи ги и истакнатите републиканци како сенаторот Тим ​​Скот, кој го нарече видеото „најрасистичкото нешто што некогаш го видел од таа Бела куќа“.

По дванаесет часа интензивен притисок, контроверзното видео беше избришано, а Белата куќа првично се обиде да го оправда како „безопасно интернет меме од Кралот лав“ и ги нападна медиумите за „лажен бес“.

Кога тоа не успеа, одговорноста официјално беше префрлена на подредените, со образложение дека „член на персоналот погрешно го објавил видеото“. Самиот Трамп им рече на новинарите во „Air Force One“ дека „го гледал само првиот дел од видеото“ за наводната изборна измама во 2020 година и дека дури и не го видел спорниот расистички дел на крајот. Иако рече дека не му се допаѓа тој дел, гордо одби да упати какво било извинување до семејството Обама, отсечно велејќи: „Не направив грешка“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер