Законите од реформската агенда ќе се донесат до јуни, вклучително и новиот Кривичен законик, уверува Филков - Канал 5

Македонија

Законите од реформската агенда ќе се донесат до јуни, вклучително и новиот Кривичен законик, уверува Филков

„Соѕиданите 350.000 евра кои се пронајдоа кај апелациски судија не се само скандал, туку симбол на системска слабост“ – порача министерот за правда Игор Филков за последниот случај од правосудството кој ја разбранува јавноста

Законите од реформската агенда ќе се донесат до јуни, вклучително и новиот Кривичен законик, уверува Филков

„Соѕиданите 350.000 евра кои се пронајдоа кај апелациски судија не се само скандал, туку симбол на системска слабост“ – порача министерот за правда Игор Филков за последниот случај од правосудството кој ја разбранува јавноста, а кој оцени дека дополнително ја нарушува веќе нарушената доверба во судството. Сепак, механизмот против овие појави „лежи“ во законите од реформската агенда, чие носење се одложи во неколку наврати, односно од 13 закони се донесе само оној за судскиот совет. Причината за тоа Филков ја гледа во локалните избори и уверува дека новиот, јунскиот рок, ќе биде испочитуван, а вели, веќе голем дел од нив се во владина процедура.

-Случајот со апелациониот судија, кај кого беа пронајдени 350.000 евра, скриени, соѕидани во ѕид не е само скандал, тоа е симбол на длабока системска слабост, симбол на култура на неказнивост, молк и меѓусебна заштита што предолго ја разјадува довербата во правосудниот систем. Нема застој, туку има реално поместување на роковите затоа што во ек на избори вие не можете да носите закони, така да поместени се приоритетите, роковите се до јуни – 2026та, зошто сме влезени во грејс период, дотогаш сите закони ќе бидат донесени,- - Игор Филков – Министер за правда.

Филков надополни дека подобра доверба нема ниту обвинителството, кое во анкетите исто така е перцепирано дека се „дави“ во корупција. Ваквите состојби во правосудниот систем ги припишува и на сериозниот недостаток на кадар кој го покажал спроведениот надзор во сите судови во земјата, а најзагрижувачки е вели тоа што недостасуваат судски и обвинителски служби, кадар без кој, вели, нема ефикасно правосудство.

-Наодите сериозно укажаа на сериозен недостаток на кадар, пополнетоста на судските места изнесува околу 67%, додека пополнетоста на судската служба е само 36%. Овие бројки не се апстракни статистики, тие значат одложени рочишта, натрупани предмети, преоптоварени судови и сериозен ризик на повреда на фер судење. Министерството за правда вчера достави до министерството за финансии известување со кое укажуваме дека се неопходни вработувања судската и јавнообвинителска служба, барање засновано на податоци,- - Игор Филков – Министер за правда.

Што се однесува до новиот Кривичен законик, Филков вели дека ќе биде за брзо време готов, бидејќи се работело на усогласување на четири директиви на ЕУ и очекувањата му се дека и тој до месец јуни ќе биде донесен.

YouTube video

Тагови: Ѓоко Ристов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер