Заклучоците на ГАК не се големо изненадување за експертите од Македонија и Бугарија

Заклучоците на Советот за општи работи не се големо изненадување со оглед на последните пораки од официјална Софија – сметаат дел од експертите ден по потврдата на бугарската блокада за земјава. 

Мораме да бидеме подготвени дека решение со Бугарија можеби нема да се најде наскоро, а иако има некаква шанса за почеток на преговори во март под палката на француското претедателство, сепак најреални за Македонија би биле јуни или септември – вели Симонида Кацарска од интитутот за европски политики.

Темата за блокадата на македонските евроинтеграции и односите на релација Скопје-Софија беа дел и од дебатата организирана од бугарскиот институт за регионални и меѓународни студии. Проблемот според професорот Огњан Минчев не е во историјата, туку во политиката и долгогодишните заладени односи меѓу двете држави. Поранешниот минситер за надворешни работи Денко Малески пак порача дека решението може да се најде само преку заемна почит од двете страни.

-Бугарија има потреба од јасна поддршка од Македонија која се изразува преку тоа, да паднат анти-бугарските елементи од државно политичката доктрина на Македонија. Од друга страна, бугарската држава треба многу добро да разбере дека Македонија исто така со нејзината политичка елита и граѓани исто така имаат свои граници и црвени линиии за промените кои би можеле да ги направат.-Огњан Минчев – Доцент по политологија на Универзитет „Св. Климент Охридски“ - Бугарија.

Во заклучоците кои вчера беа увоени на советот за општи работи за Македонија беше изразена надеж дека ќе ги започне преговорите со Унијата што е можно поскоро, а повторно беа споменати и договорите со Грција и Бугарија и важнота за нивно спроведувањесо добра волја.

Сопругата на Арбен Таравари на 7 февруари се вработила во Министерството за образование

Сопругата на претседателскиот кандидат на албанската опозиција и лидер на Алијанса за Албанците, Арбен Таравари на 7 февруари е вработена во Министерството за образование.

Според одлуката, до која што дојде Канал 5 , Нора Таравари е вработена на местото помошник раководител на сектор за еквиваленција и нострификација во Министерството за образование.

Бреговиќ ја продал луксузната вила во центарот на Истанбул, пред 8 години ја платил 2 милиона

Музичарот Горан Бреговиќ ја продал вилата што ја купил во Истанбул во 2014 година, ексклузивно дознава Курир.

Имено, додека новинарите на споменатиот портал биле во Турција, дознале дека познатиот музичар повеќе не поседува имот во Истанбул. Тој пред точно десет години купил вила на Босфор, во елитниот дел на Истанбул, каде што недвижностите се најскапи, за што тогаш пренесоа бројни медиуми. Недвижностите во оваа населба на еден од најубавите градови во Европа вредат околу милион и пол евра, а Бреговиќ за својот искеширал дури два милиони. Сепак, засега не е познато за колку го продал.

Поранешниот имот на семејството Бреговиќ гледа на теснецот што ги дели Европа и Азија од една страна, а шумата од друга.

- Пред извесно време се зборуваше дека Брега има куќа овде во Истанбул, но моите сознанија се поинакви. Никој од нас не поседува недвижен имот во тој дел на Босфорот, па најверојатно го продал својот. Не ги знам деталите, но го знам целото маало. Овде живеам 30 години и би знаел дека уште има куќа. Го сретнав неколку пати со пријатели во ресторани на европскиот брег на Босфор, но последниве години не го видов овде во Истанбул - вели агент за недвижности, по потекло од Србија, кој живее во Истанбул и продава луксузни вили и апартмани.

Иако познатиот член на Бијело Дугмет не одговорил на барањето на Курир, познато е дека Бреговиќ има куќи ширум светот: во Белград, Црна Гора, Париз, Загреб и Сараево. Тој е препознатлива личност во Турција, а популарност му ја донесе соработката со Емир Кустурица на филмовите „Hanging House“, „Arizona Dream“ и „Underground“. Пред една година ја компонираше музиката за претставата „Мустафа“, за која сценариото го напиша и режираше турскиот новинар Кан Дундар.

Николовски од Кочани: За 300% ги зголемивме субвенциите за ориз

Министерот за земјоделство, шумарство и водостопанство, Љупчо Николовски заедно со државниот советник за рурален развој, Трајан Димковски денеска беа во работна посета на Кочани.

Николовски заедно со државниот советник за рурален развој, Трајан Димковски денеска беа во работна посета на Кочани, каде остварија повеќе средби со земјоделците производители на ориз, добитници на мерката за набавка на специјализирани комбајни за жнеење на ориз и набавка на сушари за ориз.

„Ориозот, нашето македонско бело злато, со новиот модел за субвенционирање го издигнавме во листата на статешки важни култури за државата, а за оризопроизводителите креирани се мерки, со кој можат да го модернизираат и олеснат своето производство“, изјави министерот Николовски.

До сега за 300% се зголемени субвенциите за ориз. Со новиот модел за субвенционирање оризопроизводителите добиваат основна субвенција од 6.000 денари по хектар и дополнителна субвенција од 19.000 денари по хектар со употреба на сертифициран семенски материјал, или 12.000 денари по хректар доколку не се употреби сертифициран семенски материјал.

Оризопроизводителите, како и сите други земјоделци, на крајот од 2023 година, на своите сметки авасно ја добија основната субвенција, нагласи министерот Николовски.

Производителите на ориз, преку програмата за руруален развој, имаат на располагање мерка со која можат да набават специјализиран комбајн за жнеење на оризот, или сушара за ориз. Поддршка со која можат да го модернизираат своето производство. Ваквата можност, до сега, ја имаат искористено повеќе од 30 оризопроизводители, набавувајќи специјализиран комбајн за жнеење на ориз.

Македонскиот ориз, како важна култура ја заштитивме од увоз, со предвидена 35% заштитна царина, а го помагаме извозот на македонски ориз. Давајќи поддршка во трошоците за амбалажа на извезен македонски ориз. Висината на поддршката која ја даваме изнесува 2,5 денари за пакување во најлонска амбалажа до 500 грама, потоа 5 денари за пакување во најлонска амбалажа до 1 килограм и 10 денари по пакување во хартиена амбалажа до 1 килограм или по пакување во најлонска амбалажа од 3 до 5 килограми.

Од оваа година, како што ветивме пред земјоделците, поддршката за зелена нафта се зголемува за 100%, а оризопроизводителите сега ќе добиваат зелена нафта во износ од 3.200 денари по хектар.

Постојано, сите овие години, сме на терен меѓу земјоделците, ги слушаме нивните предлози, нивните барања и заеднички креираме мерки. Искрен партнер сме на секој еден земјоделец. Креираме мерки кои даваат резултати и го развиваат македонското земјоделство, соопштуваат од МЗШВ.

притисни ентер