Закерберг ги предупреди вработените во „Мета“: Подгответе се, нѐ очекува интензивна година - Канал 5

Технологија

Закерберг ги предупреди вработените во „Мета“: Подгответе се, нѐ очекува интензивна година

Марк Закерберг, извршен директор на Мета, им порача на вработените „да ги врзат појасите“ бидејќи им претстои исклучително интензивна година.

Закерберг ги предупреди вработените во „Мета“: Подгответе се, нѐ очекува интензивна година

Овие предупредувања дојдоа на интерен состанок, чија снимка протече во јавноста, а компанијата Мета одби да ја коментира нејзината содржина.

"Ова е маратон, а не спринт. Но, искрено, оваа година ми е повеќе како спринт", рече Закерберг, нагласувајќи дека до крајот на 2025 година ќе има појасна слика за траекторијата на компанијата.

Во поширокото обраќање до вработените, Закерберг особено ја нагласил улогата на вештачката интелигенција. Според него, 2025 година би можела да биде година кога „високо интелигентниот и персонализиран“ дигитален асистент ќе достигне милијарда корисници, а компанијата што прва ќе ја достигне таа цел ќе има долгорочна предност во создавањето на еден од најважните производи во историјата.

Кога станува збор за влијанието на вештачката интелигенција врз работните места, главниот извршен директор на Мета призна дека е „тешко да се знае“ дали ќе има отпуштања. Иако некои работни места може да станат непотребни, Закерберг верува дека компанијата би можела да вработи повеќе инженери кои знаат како да ги искористат предностите на вештачката интелигенција.

Закерберг најави и значителни промени во политиките на компанијата. Мета планира да го промени својот систем за верификација на информациите, преминувајќи од независни проверувачи на факти во систем сличен на оној што го користи X (поранешен Твитер).

„По последните неколку години, сега имаме можност за продуктивно партнерство со владата на Соединетите држави и ќе ја искористиме“, рече Закерберг, додавајќи дека компанијата ќе соработува на начин што нема да ги загрози нејзините „принципи и вредности“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер