Иако врската помеѓу загадениот воздух и белодробните заболувања е добро позната, анализата на 27 студии, кои ќе бидат објавени утре во Антиканцер Рисрч, покажува дека загадувањето е директно поврзано и со ракот, меѓу другите, на дојката и на простатата, пишува Дејли Мејл.

Долготрајната изложеност на загаден воздух ја зголемува можноста за развој на рак на дојка за 45 отсто, а рак на простата за 20 до 28 отсто. Загадувањето го зголемува ризикот од умирање од рак на дојка за 80 отсто и од кој било друг вид на рак за 22 отсто во споредба со неизложените луѓе.

„Ова го прави исто толку важен фактор на ризик како пушењето, дебелината и алкохолот“, вели професорот Кефах Мокбела, еден од водечките британски хирурзи на дојка кои ја спровеле анализата.

Гореспоменатите 27 студии се идентификувани од базата на податоци на стотици рецензирани публикации кои ја истражуваат улогата на загадувањето кај човечките болести. Многу студии опфатиле милиони пациенти кои биле следени со децении.

Посебно загрижувачки се честичките ПМ2.5, ситните честички загадување (потенки од човечко влакно) кои доаѓаат од издувните гасови, производството, шпоретите на дрва, готвењето, пушењето и испарувањето. Овие честички влегуваат во белите дробови, потоа во крвотокот и потоа циркулираат низ телото.

„PM2.5 нема да предизвика кашлица, но има сѐ повеќе докази дека кога ќе влезе во телото може да предизвика оштетување на ДНК, што може да доведе до рак“, изјави професорот Мокбел за Good Health.

„Може да предизвика воспаление и оксидативен стрес, каде што рамнотежата помеѓу слободните радикали, штетните молекули поврзани со болеста и антиоксидансите кои ги чистат слободните радикали, предизвикувајќи оштетување на клеточната ДНК, е нарушена. И двата се познати фактори на ризик за рак“, вели Мокбел и продолжува:

„ПМ2.5, исто така, ја нарушува работата на жлездите низ телото кои произведуваат хормони. Ова е особено загрижувачко поради ракот на дојката и простатата, кој може да биде поттикнат од хормоните. Во време кога се зголемува бројот на жени со рак на дојка, особено младите жени, луѓето треба да бидат свесни дека загадениот воздух е главниот фактор на ризик за оваа болест и за полоша прогноза кај болните“.

На пример, истражувањето објавено во 2019 година во списанието Medicine, кое ги комбинира резултатите од 14 студии со повеќе од милион случаи на рак на дојка, покажува дека на секои 10 микрограми на кубен метар зголемување на PM2,5, ризикот од смрт од оваа болест се зголемува за 17 отсто.

Американско истражување објавено минатата година во списанието Environmental Epidemiology, кое ги анализирало податоците од 2,2 милиони мажи, покажало дека мажите на кои им бил дијагностициран рак на простата имале поголема веројатност дека биле изложени на PM2,5 во текот на десет години пред дијагнозата.

Други видови на малигни заболувања поврзани со изложеност на PM2.5 вклучуваат рак на желудникот, белите дробови, мочниот меур, цревата, јајниците и матката.

„Ова значи јадење риба, овошје како калинка, јагоди, боровинки и домати, зеленчук како кељ и брокула и пиење зелен чај дневно. Луѓето исто така треба да бидат свесни дека испарувањето не е безбедна алтернатива за пушењето бидејќи има повеќе докази за сугерираат дека загадениот воздух доставува PM2 ,5 директно во белите дробови“, вели Мокбел.

„Важно е луѓето да бидат свесни за длабоките здравствени ризици од загадувањето на воздухот. Потребни се повеќе истражувања, но непобитните ризици од рак поврзани со загадувањето ја нагласуваат потребата да се интензивираат напорите и иницијативите за чиста енергија“, додава тој.

Портпаролот на Cancer Research UK рече: „Досегашното истражување покажа дека има убедливи докази кои го поврзуваат загадувањето на воздухот на отворено со ракот на белите дробови. Но, важно е да се има перспектива. Пушењето предизвикува околу девет пати повеќе случаи на рак на белите дробови во Британија отколку загадувањето на воздухот. Непушењето, одржувањето здрава тежина, намалувањето на изложувањето на сонце и пиењето алкохол се докажани начини за намалување на ризикот од рак“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.