Загина девојче (9), сестричката се бори за живот по тешка сообраќајка во Грција- биле на одмор, мајката се забила во дрво - Канал 5

Балкан

Загина девојче (9), сестричката се бори за живот по тешка сообраќајка во Грција- биле на одмор, мајката се забила во дрво

Девојче (9) загина, а нејзината постара сестричка (11) е тешко повредена во сообраќајна несреќа во Грција.

Загина девојче (9), сестричката се бори за живот по тешка сообраќајка во Грција- биле на одмор, мајката се забила во дрво

Девојчињата биле во автомобилот со нивната мајка кога се случила несреќата. Според медиумските извештаи, несреќата се случила на покраинскиот пат Катерини-Дион во Неа Ефесос, кога, под сè уште нејасни околности, мајката ја изгубила контролата врз автомобилот, поради што излетала од патот и удрила во дрво.

Помладата сестра починала на лице место, додека постарото девојче е однесено во болница со тешки повреди. Нејзината состојба е сериозна, но стабилна, соопштија лекарите. Мајката се здобила со полесни повреди во несреќата.

Семејството живее во Германија и дошло во Грција на одмор и во посета на роднините, бидејќи таткото на девојчето е Грк. Според информациите од нивното семејство, автомобилот ѝ припаѓал на свекрвата на жената и таа отишла на шопинг со децата кога се случила трагедијата.

По несреќата, мајката била уапсена и пуштена по усна наредба од обвинителот на Кривичниот суд во Катерини. Дополнително, резултатот од тестот за алкохол направен врз мајката на децата бил негативен. Како што беше утврдено по пристигнувањето на полицијата на местото на трагедијата, ниту мајката ниту двете девојчиња кои биле во автомобилот не користеле безбедносни појаси.

Тагови: грција девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер