Според првичните информации од обвинителството и МВР, загинатиот малолетник немал возачка дозвола ниту кацига, а возел и со прекумерна брзина мотор од 400тини кубици, кој според Законот не смеел да го вози. 14 годишникот завршил со повреди на Клиника каде е задржан на лекување...

-Во СВР Скопје е пријавено дека на ул. Цветан Димов во Скопје случила сообраќајна несреќа помеѓу мотоцикл „Пиаџо Беверли“ со скопски регистарски ознаки, управуван од 16 годишник од Скопје и електричен тротинет, управуван од 14 годишник од Скопје. - МВР – Гоце Андреевски – Портпарол

Нем сведок за трагичната несреќа остануваат трагите кои се правеле при увидот доцна синоќа, а во меѓувреме се обезбедени и снимки од околните објекти кои треба да помогнат во расчистување на случајот...

-Несреќата се случила токму на ова место, кога моторџијата со огромна брзина се приближил до тротинетот, удрил во него, загубил контрола, паднал, каде што настанала и самата смрт...

Според искусните моторџии, кои со децении возат на две тркала и најмалите грешки во сообраќајот доведуваат до смрт на мотоциклситите.. Ленин Јовановски, долгогодишен лидер на моторџиите „Ноќни волци“ вели, како и за секое друго возило, пред да се седне на мотор треба да се поминат обуки и да се положат возачки испити, но и да се созрее, бидејќи во спротивно животната опасноста е огромна, особено во градските средини...

-Возење на моторите без возачки дозволи е незамисливо, особено на малолетните деца никако не смее да им се дозволува да се качуваат на мотори кои не се прилагодени за нивната возраст, дури и на оние кои што имаат право да ги користат до одредена година или кубикажа, безразлика што за нив не се бараат возачки дозволи. Незамисливо е да се дозволи да толку млад човек се качи на толку голем мотор. Практично е самоубиство да се качите на голем мотор и да возите, особено ако немате возачка дозвола и немате претходно искуство и не му се плашите на моторот. - Ленин Јовановски – Мотоциклист

Обвинтиелството во меѓувреме поведе уште една истражна постапка за 33 годишен моторџија без возачка, кој исто така во Чаир на пешачки премин пред училиште удри 10 годишно девојче кое од ударот заврши со тешка повреда – скршеница – а, возачот доби домашен притвор. Вчера во Чаир беше удрен и 70 годишен велосипедист од автомобил, и тој заврши на Клиника со тешки повреди.

А, во билтенот на МВР, кој секојдневно се полни со несовесни возачи, вчера, по полициските контроли завршија уште три лица од Куманово и Кратово кои биле приведени. Возеле пијани, кај двајца бил измерен алкохол во крвта над 1,5 промили, додека пак кај оној од Кратово кој не застанал на полицијата и се обидел да им побегне, биле измерени дури 2,28 промили алкохол. Сите тројца ќе се гонат поради „безобѕирно управување со моторно возило“.