„Ова е голем, историски ден за сите граѓани. Денес, најголемиот безбедносен сојуз на светот, НАТО, ни кажа добредојде. Обезбедивме трајна стабилност за нашата земја, сигурност, безбедност и мир. Прогресот и развојот сега се незапирливи. Нека ни е честито, да бидеме горди“, напиша премеирот Зоран Заев по потпишувањето на протоколот за членство на земјава во НАТО од страна на 29-те земји членки.
Членството на во НАТО освен што ќе донесе донесе загарантирана безбедноста, сигруност и иднината на нашата земја, позитивно ќе влијае и на македонската економија, смета поранешниот премиер Владо Бучковски. Очекува македонското знаме до крајот на годината да се вее пред седиштето на НАТО во Брисел.
На огромините бенефити кои ќе ги има заемјава од членството во најмоќниот воен сојуз во светот, ужакува и поранешниот македонски амбасадор во НАТО, Нано Ружин. Со денешното потпишување на протоколот за членство во Алијансата, земјава веќе добива можност да биде дел од следните состаноци на НАТО и да дебатира на истите, а со полноправното членство, ќе добие и право на глас, појаснува Ружин.
И поранешниот премиер во бегство Никола Груевски на неговиот профил на „Фејсбук“ го честиташе денешното потпишување на протоколот за НАТО, но со низа критики на се што до сега е направено за да се дојде до тој чекор. Тој меѓу другото повикува на промена на, како што наведува понижувачкиот и штетен договор, пред влезот на замјава во НАТО и ЕУ.