Заев: Фотоволтаичната централа во Теново завршена пред рок - Канал 5

Македонија

Заев: Фотоволтаичната централа во Теново завршена пред рок

„Фотонапонската електро централа во Теново е со јачина од 1,2 мегавати и претставува уникатен пример на успешно спроведен проект по пат на премиуми кои ја штеди државата многу средства, носи приход за самиот инвеститор.

Заев: Фотоволтаичната централа во Теново завршена пред рок

Се имплементира на земјиште кое не се употребува за земјоделски култури и дава придонес во недостатокот на електрична енергија во нашата земја, а остваривме приход од 3 милиони евра директно при самата лицитација на постапките", изјави премиерот Зоран Заев на промоција на официјалниот почеток на фотонапонската централа во Теново, Општина Брвеница и најави дека во постапка е и изградбата на нови фотонапонски централи со преку 60 мегавати моќност по примерот на премиум тарифи.

Се работи за една од вкупно 27 централи кои склучија договор за право на користење на премија за електрична енергија произведена од фотонапонски електроцентрали изградени на земјиште во приватна сопственост, за што јавниот повик беше објавен во 2019 година.

Премиерот Заев истакна дека постепено се менува производството на електрична енергија од јаглен со производство на електрична енергија од обновливи извори и дека меѓу приоритетите годинава се важните енергетски проекти кои се очекува да ја раздвижат економијата.

„Успешно заврши и постапката за изградба на две фотонапонски електрани во Осломеј, со моќност од по 50 MW, преку модел на Јавно–приватно партнерство. Благодарение на транспарентната и конкурентна постапка, на одржаната аукција, најповолните понудувачи на ЕСМ, ќе му исплатат 18,5% и 18% од остварениот приход од продажба на електрична енергија. Дополнително изградбата на фотонапонската електрана на Осломеј од 10 MW, која е сопствена инвестиција на ЕСМ, веќе е во крајна фаза и пред почеток на градба. Меѓу приоритетите годинава е и хидроелектраната Чебрен, за која минатата година се појавија неколку заинтересирани инвеститори. Помина првата фаза на селекција од понудите на Чебрен, десет компании беа понудени, девет ја поминаа првата фаза со нивниот капацитет и подготвеност да градат еден мега проект вреден помеѓу 600 и 800 милиони евра со над 300, 330 мега-вати. Истовремено, определивме 477 хектари од порано проектираниот аеродром во Општина Штип да бидат наменети за фотоволтаици каде има можност за 300-350 мегавати. Определивме и локации за повеќе од 120 мегавати во Битола на старите јагленокопи на РЕК Битола и 100 мегавати во Кавадарци како потенцијали за инвестирање. Со ова Македонија е на врвот, меѓу шампионите во регионот по раст на обновливи извори на енергија. Само за минатата година го зголемивме производството на енергија од обновливи извори на 827 мегавати, што претставува раст од 10,1% и е во рамки на светскиот просек на зголемување од 10,3 отсто", информираше премиерот Заев и упати честитки за инвестицијата токму денеска кога е и меѓународниот Ден на планетата земја.

„Уште еднаш честитки за инвестицијата, а Владата останува посветена на имплементирањето на реформите во енергетскиот сектор. Денес е и меѓународниот Ден на планетата земја и оттука уште еднаш испраќаме заедничка порака за грижа на нашата земја од која црпиме енергија. Грижејќи се за животна средна, се грижиме и за себе", заклучи премиерот Заев.

Министерот за економија Крешник Бектеши рече дека ако претходно државата преку фидинг тарифите плаќаше минимум 120 евра гарантирана цена, сега тоа е двојно намалено што значи дека влијае на крајната цена на потрошувачите односно граѓаните и индустријата.

„Се работи за една важна инвестиција во нашата држава. Во континуитет се градат централи и на другите локации и до крајот на оваа година ќе имаме над десет изградени на приватно земјиште во Македонија. Ако ги додадеме и фотонапонските централи кои што се градат на државно земјиште за две години ќе имаме вкупна инсталирана моќност од над 60 мегавати што значи дека за три години инсталираниот капацитет ќе биде за три пати поголем до 2017 година, кога не надминуваше повеќе од 20 мегавати. Со ова покажуваме дека ги поттикнуваме сите инвестиции во делот на обновливи извори на енергија, го зголемуваме капацитетот за производство на електрична енергија на домашниот пазар и ја намалуваме зависноста од увоз на струја. Но не застануваме тука. Заедно со нашите државни и јавни претпријатија и согласно Законот за стратешки инвестиции се подготвуваат инвестиции кои ќе ја надминат инсталираната моќ од 300 мегавати во нашата држава само од фотонапонски централи", рече министерот Бектеши и ги повика сите заинтересирани инвеститори да ги следат јавните повици од Министерството за економија и од Владата, бидејќи, како што рече, за кратко време ќе бидат објавени дополнителни повици со цел да се изградат што повеќе вакви инвестиции.

Министерот за животна средина и просторно планирање Насер Нуредини посочи дека фактот што денеска сме на отворање на фотонапонска централа, на 22 април, денот на планетата Земја, ја испраќа вистинската порака за тоа како треба да се грижиме за нашата планета.

„Оваа централа, која е обновлив извор на енергија, изградена како дел од повикот на Министерството за економија, на приватно земјиште, од приватен инвеститор, е практичен пример на конкретно остварување на политиките на нашата Влада, за одржлив развој и здрава животна средина.

Ние денес тука гледаме како со вистинскиот стимул, приватниот сектор може да ни биде партнер во стратешките определби за остварување на зелената агенда", кажа Нуредини и додаде дека се работи и на други сегменти на заштита на животната средина во полошкиот регион.

„Министерството за животна средина во фаза на одобрување во рамки на ИПА програмата има проект за изградба на пречистителната станица за третман на отпадни води и надградба на канализационата мрежа во Општина Тетово во вредност од преку 30 милиони евра, за кои договорите за градба се планира да се склучат до крајот на годинава. Во моментов веќе се имплементираат брзите мерки за санација на депонијата Русино, меѓу кои дел е и собирањето на исцедокот кој ја загадуваше околната почва до сега. Понатаму, со оглед на тоа што еден од приоритетите на оваа Влада е чиста вода за пиење за секој граѓанин, како и соодветно управување и прочистување на водите, Министерството за животна средина е во фаза на аплицирање за нови 50.000.000 евра од Европската инвестициона банка за финансирање на реализацијата на приоритетни инвестиции за водоснабдителни и канализациони системи на територијата на земјата. Најголемиот дел од општините веќе доставија проекти, а секако проектите за оваа намена во Полошкиот Регион се едни од приоритетните", истакна Нуредини.

Владе Пазарџиевски управител на „Енерго Р ДООЕ" рече дека е горд што централите се добар пример и поттик за нови инвестиции во „зелена енергија", како на фирмите така и на Владата.

„Оваа централа е дел од триделниот фотоволтаичен парк, со вкупна електроенергетска моќност од 2200kw, при што се вградени вкупно 6.170 панели, со различен капацитет и три трафостаници. Трите централи ќе дадат вкупно производство ориентационо 3,1 гигават часови, што би ја задоволило потрошувачката на електричната енергија на приближно 450 домаќинства. Трите централи се изградени на вкупна површина од 20.000 м2, на неплодно и некорисно земјиште, кое е откупено од државата, со вкупната вредност од 1, 6 милиони евра за овој фотоволтаичен парк", изјави Пазарџиевски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спречен е обид за атентат врз Трамп- уапсен е тиктокер, ФБИ со вознемирувачки детали (ВИДЕО)

44-годишен маж од Тенеси е обвинет за објавување бројни насилни закани на интернет, ветувајќи дека ќе ги убие американскиот претседател Доналд Трамп, директорот на ФБИ, Кеш Пател и неколку локални функционери.

Спречен е обид за атентат врз Трамп- уапсен е тиктокер, ФБИ со вознемирувачки детали (ВИДЕО)

44-годишен маж од Тенеси е обвинет за објавување бројни насилни закани на интернет, ветувајќи дека ќе ги убие американскиот претседател Доналд Трамп, директорот на ФБИ, Кеш Пател и неколку локални функционери, предупредувајќи дека претседателот треба „да поднесе оставка или да биде „сменет““, објави WBIR.

Гари Ли Вилијамс беше уапсен во четврток и обвинет по едно обвинение за упатување меѓудржавни смртни закани против јавни службеници, соопштија властите.

Според изјавата на ФБИ прикачена на кривичната пријава, агентите започнале да го истражуваат Вилијамс откако добиле дојава во мај за сметка на TikTok на која наводно се објавувале закани против владини службеници и нивните деца. Истражителите утврдиле дека сметката му припаѓала на Вилијамс, чие криминално досие вклучува претходни пресуди за тешка кражба и тешка физичка напад.

Агентите велат дека сметката на TikTok на Вилијамс содржела десетици објави, фотографии и видеа во кои се заканувале Трамп, директорот на ФБИ, Кеш Пател, шерифот на округот Нокс, Том Спанглер, началникот на полицијата во Ноксвил, Пол Ноел и други.

Меѓу објавите наведени во пријавата, една била особено вознемирувачка.

„Претседателе Трамп, доаѓам по тебе и по сите твои пријатели. Сакам да ви ги отсечат главите од рамената. Испратете колку што сакате полицајци, и тие можат да го сторат истото.“

Во видео на TikTok, Вилијамс упати дополнителни закани до децата на американските функционери.

„Сите вие ​​корумпирани политичари на оваа листа, збогувајте се со вашите семејства. Гледајте преку рамената дење и ноќе, грижете се за вашите деца или внуци во училиште, бидејќи никогаш не знаете кога ќе бидам тука. Ќе добијам правда или преку судовите или со тоа што ќе ве пратам во гроб.“

Федералните истражители, исто така, издвоија објава од март во која пишуваше: „Убијте го претседателот Трамп, ЦИА, ФБИ и Каш Пател“ и „смрт за сите кукавици“.

Во друга порака, Вилијамс наводно напишал дека Трамп и Пател „треба да бидат обесени или застрелани“ и „убијте ги сите. Претседателе Трамп, повлечете се или ќе бидете соборени.“

Во соопштението на ФБИ се вели дека Вилијамс, исто така, му се заканувал на семејството на Трамп.

„На Трамп би му било подобро да носи панцир... Ми се допаѓа што неговиот син Барон носи еден. Не ти беше гајле ниту за мене ниту за моите деца, па кој се грижи за твоите деца.“

Истражителите, исто така, издвоија објава од јануари за која веруваат дека е ескалација на заканите.

„Ова не е закана, ова е ветување.“

Во истата објава, тој предупреди дека федералните згради, судовите, универзитетските кампуси и местата за богослужба ќе бидат принудени да се затворат и им рече на службениците да „се збогуваат со своите деца“.

Во жалбата се споменува и видео во кое Вилијамс наводно ги повикува другите да убиваат полицајци, судии, политичари, федерални агенти и други владини претставници. Тој рече дека ако имал пиштол и муниција, ќе „ја поведе акцијата“ и ќе започне со шерифот на округот Нокс и началникот на полицијата во Ноксвил.

Кога локалните службеници за спроведување на законот се соочија со него за објавите во мај, истражителите велат дека тој признал дека ги објавил на социјалните медиуми, но негирал каква било намера да изврши насилство. Тој рече дека верува оти корумпираните јавни службеници „треба да бидат одговорни“.

Властите соопштија дека се верува дека обвинетиот е бездомник и дека живее во своето возило.

Вилијамс за прв пат се појави пред федералната судијка Дебра С. Поплин во петокот. Неговото прелиминарно сослушување е закажано за 25 август, според судските записи.

Тагови: Доналд Трамп ФБИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Силно невреме го зафати Скопје, пожар избувна во Карпош 4 (ВИДЕО)

Силно невреме со ветришта пред малку го зафати Скопје.

Силно невреме го зафати Скопје, пожар избувна во Карпош 4 (ВИДЕО)

Во Карпош 4 се издигата пламени јазици во близина на кејот на Вардар.

Гледачите јавуваат за откорнати дрвја, скршени прозорци и однесени кровови.

YouTube video

Очевидци јавуваат за откорнати дрвја во Кисела Вода и Карпош, како и за паднати настрешници. Настрешница падна и од болницата 8-ми Септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Зошто Мадона, Шакира и Бибер не беа платени за настапот на СП?

Воведната програма на полувремето од финалето на Светското првенство, замислена како голем глобален спектакл, веднаш покрена прашања за тоа колку чини таква продукција.

Зошто Мадона, Шакира и Бибер не беа платени за настапот на СП?

Јавниот интерес дополнително се зголеми откако беше потврдено дека некои од најголемите музички ѕвезди како Мадона, BTS, Џастин Бибер, Мапетите и Шакира ќе учествуваат во краткиот настап.

Единаесет минути спектакл и бројни реакции

Програмата ја отвори Мадона со изведба на нејзиниот хит „Music“, со барана кореографија и раскошна продукција. По неа настапи К-поп групата BTS со песната „Dynamite“, додека Џастин Бибер ја промени атмосферата со акустична изведба на песната „Everything Hallelujah“ со гитара. Последниот дел ѝ припадна на Шакира, која танцуваше на официјалната химна на првенството „Dai Dai“.

Иако траеше само единаесет минути, настапот не беше без критики. Дел од јавноста верува дека концертот дополнително ја нагласил комерцијалната страна на турнирот и дека првенствено имал за цел да ја привлече американската публика. Во исто време, многумина беа заинтересирани колку пари издвоила ФИФА за ангажман на толку многу познати изведувачи.

Ѕвездите не добија хонорар

Одговорот е дека најголемите ѕвезди на овогодинешното финале не беа платени за нивниот настап. Како и со настапот на полувремето на Супербоул, изведувачите не добија хонорар, но го поддржаа своето учество како дел од хуманитарна иницијатива.

Според The ​​Athletic, извор од организацијата потврди дека „музичарите го донираа своето време и настап“ за да ја поддржат работата на организацијата Global Citizen, која се занимава со социјални прашања и борбата за подобри услови за живот низ целиот свет.

Целта е да се соберат 100 милиони долари

Концертот е дел од заедничка иницијатива на ФИФА и Global Citizen, чија цел е да се соберат 100 милиони долари за образовни програми и проекти што им обезбедуваат на децата ширум светот подобри можности, вклучително и подостапен фудбал.

„Светот се собира околу најголемата фудбалска игра, а оваа историска изведба ќе го насочи вниманието и кон повисока цел. Ќе го поддржи Фондот за глобално граѓанско образование на ФИФА и нашата заедничка мисија да обезбедиме децата ширум светот да имаат пристап до квалитетно образование и можности да играат фудбал“, рече претседателот на ФИФА, Џани Инфантино, при најавувањето на концертот.

„Тоа ќе биде прослава на фудбалот, единството и хуманоста што ќе одекнува долго по последниот свиреж на судијата“, додаде тој.

Џастин Бибер, исто така, ја нагласи важноста на проектот. „Светското првенство го поврзува светот како ништо друго. Благодарен сум што сум дел од ова шоу на полувремето, а уште повеќе сум благодарен затоа што знам дека веќе помага да се обезбеди подобар пристап до образование за децата ширум светот“, рече пејачот.

Тагови: Мадона Шакира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер