Заеднички патроли на грчки и српски полицајци летово на Закинтос и на Халкидики - Канал 5

Балкан

Заеднички патроли на грчки и српски полицајци летово на Закинтос и на Халкидики

 Билатералната соработка во борбата против организираниот криминал, како и заедничките патроли на српски и грчки полицајци во Србија и Грција.

Заеднички патроли на грчки и српски полицајци летово на Закинтос и на Халкидики

Билатералната соработка во борбата против организираниот криминал, како и заедничките патроли на српски и грчки полицајци во Србија и Грција, биле во фокусот на средбата на министрите надлежни за полицијата на двете земји - министерот за заштита на граѓаните на Грција, Михалис Хрисохоидис, и министерот за внатрешни работи на Србија, Ивица Дачиќ, јави дописничката на МИА од Атина.

Од Министерството за цивилна заштита на Грција соопштија дека на средбата било нагласено дека во рамките на соработката српски полицајци ќе престојуваат во Грција во летните месеци и ќе патролираат заедно со грчките колеги во туристичките региони што најмногу ги посетуваат српски туристи, како Халкидик и Закинтос, а грчки полицајци ќе престојуваат во Србија.

Заедничките патроли на туристичките места во двете земји се по потпишаниот соодветен договор меѓу Србија и Грција на почетокот на октомври 2022 години, што минатиот месец беше ратификуван во грчкиот парламент.

Хрисохоидис и Дачиќ на средбата во Атина ја истакнале и ја потврдиле тесната билатерална соработка во борбата против организираниот криминал и безбедноста на границите, а акцентот бил ставен на борбата против мрежите за трговија со луѓе, шверцот, трговијата со дрога, управувањето со мигрантските бранови, како и унапредувањето на соработката и размената на експертиза и информации меѓу службите на двете земји.

Грчкиот министер истакнал дека долгогодишните пријателски врски меѓу двете земји „претставуваат стабилна основа за дополнително зајакнување на билатералната соработка, со заедничка цел - безбедноста на граѓаните и стабилноста во регионот, кој секојдневно се соочува со многубројни предизвици“.

Добрата соработка меѓу службите на Грција и Србија, особено во заедничката борба против организираниот криминал и одржувањето на јавниот ред, ја истакнал и српскиот министер за внатрешни работи, кој предложил во овие канали на соработка, заеднички активности и комуникација да се вклучат и други земји, а паралелно ги поканил грчкиот министер и началникот на грчката полиција да учествуваат на конференција во Белград за зајакнување на безбедноста на Балканот, предлог што бил прифатен од домаќините.

Дополнително, Дачиќ побарал поедноставување на контролите за српските туристи што ја посетуваат Грција, особено во летниот период, а го иницирал и прашањето за управување со сообраќајните прекршоци што ги прават српски државјани за време на нивниот престој, прашање што, како што рекол Хрисохоидис, ќе го разгледаат надлежните служби.

- Двајцата министри се согласија и за итна средба на надлежните служби за борба против организираниот криминал како за продлабочување на соработката така и за подобра размена на информации за поголема ефикасност во нивната работа. Двете страни ја истакнаа и потребата од насочени заеднички акции против шверцот со оружје, со оглед на тоа што криминалните мрежи би можеле да профитираат од евентуалниот крај на војната во Украина - соопштија од Министерството за заштита на граѓаните на Грција за средбата Хрисохоидис - Дачиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: „Путин, дали прифаќаш?“

Зеленски изјави дека сега е ред на Русија да одговори на предлогот.

Зеленски: „Путин, дали прифаќаш?“

Украина е подготвена да учествува во технички трилатерални преговори со САД и Русија – кои би можеле да се одржат до крајот на октомври во Обединетите Арапски Емирати или во друга земја предложена од Вашингтон – изјави украинскиот претседател Володимир Зеленски.

Обраќајќи им се на новинарите во Киев заедно со германскиот канцелар Фридрих Мерц, Зеленски – како што пренесува „Укринформ“ – изјави дека сега е ред на Русија да одговори на предлогот.

„Американската страна стапи во контакт со Украина и Русија, предлагајќи да се одржи средба во некаква форма на техничко ниво, во трилатерален формат, до крајот на октомври. Вчера им потврдив дека сме отворени за учество во Емиратите или во друга земја предложена од американската страна“, рече Зеленски.

Според него, Вашингтон сега го пренел овој предлог на Москва, која треба да го изнесе својот став.

„Позитивно одговараме на преговорите“, рече Зеленски.

Зеленски претходно објави дека Соединетите Држави предложиле подготовка на трилатерална средба со учество на Украина, САД и Русија на техничко ниво.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Клучна одлука за автомобилите во ЕУ: Брисел дефинира кој може да ја носи ознаката „Made in Europe “

Европската унија утврдува што се смета за европски автомобил или компонента.

Клучна одлука за автомобилите во ЕУ: Брисел дефинира кој може да ја носи ознаката „Made in Europe “

Во Европската унија се водат важни дискусии за идните критериуми за ознаката „ Made in Europe “, одлуката што ќе произлезе од нив би можела значително да влијае врз автомобилската индустрија и конкуренцијата од Кина.

Се разгледуваат правила што би им дале предност на европските производи во јавните набавки и во програмите за државна поддршка за стратешките сектори.

Клучно прашање е прецизното дефинирање на тоа кога еден автомобил или негова компонента се квалификуваат како европски производ. Исто така, од особена важност е да се утврдат условите под кои производите и деловите од трети земји би можеле да го добијат истиот статус, пренесува „Revija HAK“.

Според информативниот портал „Contexte“, предвидено е „Coreper I“ – Комитетот на постојани претставници на земјите-членки на ЕУ – да расправа за оваа тема на 7 октомври.

ЕУ се соочува со дилема: правилата треба да го поттикнат производството во рамките на Унијата без притоа да ги загрозат меѓународните синџири на снабдување или обврските кон трговските партнери.

Последиците за купувачите на автомобили остануваат нејасни. Поширока дефиниција за „ Made in Europe “ би им овозможила на автомобилите со поголем удел на компоненти од партнерски земји да го задржат пристапот до европските програми за поддршка и договорите за јавни набавки.

Од друга страна, построгите правила дополнително би го фаворизирале производството лоцирано во ЕУ.

Конечната одлука би можела да има долгорочни последици врз потеклото, достапноста и цената на автомобилите што се продаваат на европскиот пазар.

Извор: Б92

Тагови: автомобили ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ во кампања за предвремените парламентарни избори на 25 октомври

Вучиќ –кој е  носителот на листата „Александар Вучиќ – обединета Србија“  изјавил дека во Загреб, Подгорица, Сараево и Приштина со голем жар посакуваат соборување и промена на актуелната власт во Србија.

Вучиќ во кампања за предвремените парламентарни избори на 25 октомври

Албин Курти и Мило Ѓукановиќ до Андреј Пленковиќ, сите сакаат соборување на власта во Србија. А дали тие сакаат нешто добро за Србија?“, прашал Вучиќ.

На предизборниот собир тој кажал и дека некој однадвор ја отрул атмосферата во земјата, сакајќи да ја промени политиката на Србија, пред се на меѓународно ниво.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер