Заблескајте без да одите во салон за разубавување (видео)

 Пет трикови што ги користат манекенките за да изгледаат беспрекорно

Тоа што ви е потребно, веќе го имате.

За убавина и добар изглед, речиси секоја жена е спремна да плати скапи производи што ѝ гарантираат негувано и убаво лице. Иако ефикасноста на многу од овие производи не е доведена во прашање, сепак некои тајни се кријат во она што веќе го имаме во несесерот или во нашиот дом и не се користи само за нега, туку и во исхраната.

Британската инфлуенсерка и манекенка Меригрејс Тропеано, која ја следат 1,2 милиони луѓе на мрежата Тикток, реши на дамите да им ги открие тајните за нејзината убавина и триковите кои ги научила додека работела како модел, а кои можат многу да помогнат во негата и подготовката на лицето за шминкање, без да одите кај професионалец.

1. Мраз за лице

Како што наведува инфлуенсерката во својата објава, препорачливо е пред шминкањето, лицето да го поминете со коцка мраз. На овој начин ќе ја намалите подуеноста и ќе го решите проблемот со порите. Таа поминува со коцка мраз по целото лице, вклучувајќи ги и усните.

2. Користење на коректор

Повеќето дами знаат дека коректорот ги покрива сите несовршености на лицето, а често го користиме за подочниците и пределот околу очите. Во тој случај, најдобро е да го оставите да делува две до три минути пред да преминете на следниот чекор во шминкањето. Така, коректорот ќе се изедначи со природната боја на кожата, па ќе изгледате поприродно, а ќе успеете да ги покриете сите несовршености.

3. Пудра

Пред да ја нанесете пудрата на лице, прво со марамче земете од пудрата и нанесете на раката, откако ќе ја намачкате на лицето, фиксирајте ја пудрата со марамчето (видео). Ова ќе спречи пудрата да навлезе во ситните брчки и шминката ќе ви трае цел ден.

@marygracetropeano We brought it back 🤪 - Beauty hacks I learnt after becoming a model 📸✨ #hacks #model #lifehacks #model #modellife #modeltiktok #modeltok #modelcreator #fyp ♬ Fireball Challenge - 🕺🏼Hoodie fam🌏

4. Пилинг за усни

Пред да нанесете кармин, направете мешавина од малку мед и шеќер, која поволно ќе делува на вашите усни како пилинг. Направете пилинг на усните и почекајте 3-5 минути. Усните ќе бидат мазни и подготвени за нанесување кармин.

5. Магичниот вазелин

Вазелинот е познат по тоа што ја измазнува кожата и ја храни, а оваа манекенка наведува дека го нанесува на усните и рацете. Манекенката советува кремите на база на вазелин да ги вклучите во секојдневната нега.

Извор: srecna.republika.rs

Снимен е моментот пред трагичната смрт на убавата инфлуенсерка Инеса (Вознемирувачко видео)

Девојка од Русија паднала од карпа и починала додека се обидувала да фотографира маж на платформа со поглед на Црното Море.

Сега се појави вознемирувачко видео од смртта.

Инеса Поленко (39) која работела како козметичарка, паднала од висина од 50 метри на плажата подолу.

Претходно беше објавено дека Инеса починала додека правела селфи. Сепак, на видеото се гледа дека Инеса паднала додека фотографирала човек со спектакуларен морски пејзаж зад себе, пренесува Daily Mail.

На видеото се гледа како таа прави чекор назад и ја губи рамнотежата, поради што паѓа преку работ. Немало ограда за да ја спаси.

Шокираниот маж, кој не е именуван, истрчал кон неа, но веќе било доцна.

Таа била пренесена во болница во Абхазија, каде се случила трагедијата.

Медиумите јавуваат дека лекарите се бореле за нејзиниот живот, но за жал таа починала на одделението за интензивна нега истиот ден.

Била погребана во вторникот.

Поленко имала повеќе од 9.000 следбеници на Инстаграм. Таа често објавувала на социјалните мрежи од нејзините неодамнешни патувања низ светот - од Дубаи, Египет и Крим.

Истрагата за точните околности на смртта на 39-годишната козметичарка, која имала неколку клиенти и во Москва и во руското одморалиште Сочи, каде што живеела, е во тек.

Младоженец направи шокантен потег среде свадба: Невесто, барај документи за развод (ВИДЕО)

На многу свадби, невестата и младоженецот се хранат меѓусебно со свадбена торта, а додека некои тоа го прават на традиционален и пристоен начин, некои овој обичај го претвораат во шега - и претеруваат.

На видеото кое невеста го објави на социјалните мрежи може да се види како таа го мачка со парчиња торта лицето на нејзиниот нов сопруг, а тој по неколку секунди го прави истото – но на многу погруб начин што згрози многумина, објави Мирор.

Тој агресивно зел огромно парче торта и ѝ го фрлил во лицето на невестата.

@kelsboyd3 #cakesmash #nobodygotcake #smash #cakesmashchallenge #hedidntgetany #kingston #tennessee #barnofmaplecreek #johndeeergreen #ohno #rusticwedding ♬ Oh No - Kreepa

Во коментарите повеќето пишувале дека ова е првиот аларм дека во него се крие агресивна личност и дека треба да побара документи за развод.

Меѓутоа, по еден куп вакви коментари и предупредувања, невестата се вратила со образложение дека тоа се едноставно „тие двајца“ и дека тоа е нивна шега. „Извинете, но ова е друг вид на хумор, нашиот вид“, порачала таа.

Артета по шокантниот пораз на Арсенал: Сега е моментот

Каков викенд за Манчестер Сити.

Вчера Граѓаните го декласираа Лутон со 5:1 и, се чинеше, барем привремено го зазедоа првото место во Премиер лигата. Но, денеска се случија две мали чуда. Прво Ливерпул загуби дома од Палас со 1:0, а потоа и Арсенал со 2:0 на домашен терен од Астон Вила. Двата гола во Лондон дојдоа во самата завршница. Бејли прв погоди во 84-та, а Воткинс три минути подоцна.

Уште два пати гостинските играчи ја погодија рамката од противничкиот гол. Во 39. минута Воткинс ја погоди стативата, додека во 62. Јури Тилеманс ја погоди гредата. Голем број на шанси имаа и домашните, но не беа прецизни Каи Хаверц, Габриел Жесус, Леандро Тросард и Букајо Сака.

Сити сега е на врвот со 73 бода, додека Арсенал и Ливерпул имаат два бода помалку. Секоја екипа има шест натпревари до крајот.

„Две сосема различни полувремиња. Прво врвот, едно од најдобрите полувремиња што ги одигравме против врвен тим. Требаше да постигнеме три или четири гола. Можеби повеќе. Не успеавме и тоа се одрази во второто полувреме. Ни недостасуваше моментум, немавме проток како во првите 45 минути, а потоа примивме два наивни гола“, изјави тренерот на Арсенал, Микел Артета по натпреварот, а потоа испрати порака до своите играчи да се вратат во играта за титулата и да ја спасат сезоната.

„Не можеме да контролираме што ќе прави Сити. Она што можеме да го направиме е да победуваме. Продолжете да победувате. Сега е моментот. По овој пораз мораме да реагираме. Првата можност да реагираме веќе во среда против Баерн во Лигата на шампионите. Тимот треба да се покаже таму. Ако сакаме да победиме, мора да ги надминеме овие ситуации.“

притисни ентер