Забележани шест чудни објекти во центарот на нашата галаксија - Канал 5

Технологија

Забележани шест чудни објекти во центарот на нашата галаксија

Научниците открија многу чудни предмети во центарот на нашата галаксија, кои не постојат никаде на друго место во Млечниот пат.

Забележани шест чудни објекти во центарот на нашата галаксија

Поточно, во орбитата околу супермасивната црна дупка, сместена во центарот на нашата галаксија, пронајдоа шест предмети што не личат на ништо видено досега во Млечниот пат. Овие предмети се толку невообичаени што создадоа цела нова категорија на вселенски феномени наречени - G објекти.

Астрономите за прв пат ги забележале оригиналните два предмети, Г1 и Г2, пред скоро две децении. Тие изгледале како огромни гасни облаци, со дијаметар од 100 астрономски единици (астрономската единица е приближно еднаква на растојанието на Земјата од Сонцето). Додека се приближувале до црната дупка, овие облаци се издолжеле, а спектрометарот регистрирал дека се состојат од емисија на прашина и гас, пренесува Science Alert.

Но, проблемот беше во тоа што Г1 и Г2 не се однесувале како облак од гас.

„Овие предмети изгледаат како гас, но тие делуваат како sвезди“, рече физичарот и астроном Андреа Гез од Универзитетот во Калифорнија (УЦЛА).

Гез и нејзините колеги го проучуваат нашиот галактички центар повеќе од 20 години. Врз основа на нивните податоци, астрономот на УЦЛА, Ана Сиурло идентификуваше уште четири вакви објекти: Г3, Г4, Г5 и Г6.

Сè уште не е целосно јасно за што точно станува збор, но Гез верува дека формата Г2 во 2014 година, кога била најблизу до црната дупка, може да понуди неколку одговори.

„Кога беше најблизу до црната дупка, Г2 имаше навистина чуден изглед“, рече Гез.

"Предметот Г2 не изгледа премногу чудно сè додека не се доближи до црната дупка - тогаш се издолжи. Кога беше далеку од црната дупка, изгледаше како безопасен компактен предмет, а кога се приближуваше се истегаше и извртуваше за да започне повторно да се компактира“, објасни таа.

Астрономите веруваат дека одговорот лежи во масивни бинарни sвезди. Поголемиот дел од времето, овие sвезди орбитираат едни со други, но понекогаш се судираат, формирајќи една голема sвезда. Кога тоа ќе се случи, се создава огромен облак од прашина и гас, опкружувајќи ја новата sвезда уште милион години по судирот.

„Нешто требаше да ја зачува компактноста на Г2 и да и овозможи да преживее блиска средба со црната дупка, што укажува дека внатре се крие ѕвезден предмет“, објасни Сиурло.

Но, што е со другите пет објекти од категоријата Г? И тие би можеле да претставуваат спојување на бинарни sвезди.

"Црните дупки може да предизвикаат да се судираат бинарни sвезди. Можно е дека многу од необјаснети sвезди што ги забележавме, всушност се крајниот производ на спојување на бинарни sвезди. Ние сè уште учиме како се формираат галаксиите и црните дупки. Начинот на кој комуницираат бинарните sвезди и со црната дупка е многу различен од интеракции на одделни sвезди со други sвезди и со црната дупка “, рече Гез.

Студијата A population of dust-enshrouded objects orbiting the Galactic black hole е објавена во средата во научното списание „Nature“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација.

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација, објави денес обвинителството во Истанбул.

Според документот на обвинителството, Каја е осомничена дека имала информации што можеле да влијаат на цената на акциите на „Озата Денизчилик“, објави „Анадолу“.

Истражителите изјавија дека поранешната министерка ги купила акциите на компанијата во април 2026 година и ги продала на 16 септември, денот пред одлуката за ликвидација на средствата.

Обвинителството се сомнева дека Каја знаела за претстојната ликвидација и дека ги префрлила акциите на „Тера Јатирим Менкул Дегерлер“, која ѝ ја исплатила нивната вредност истиот ден, наместо парите да бидат исплатени во вообичаените два работни дена.

Поранешниот претседател на Одборот на пазарите на капитал, Ибрахим Омер Ѓенул, и Илијаш Каја беа ослободени под мерки на судски надзор, кои вклучуваат редовно пријавување кај властите и забрана за патување.

Тагови: министерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џенифер Лопез позира без облека, а косата никогаш не ѝ била посветла (ВИДЕО)

Џенифер Лопез избра костим од Барбарела за овогодинешниот Ноќ на вештерките, ликот што Џејн Фонда го играше во истоимениот филм од 1968 година. 

Џенифер Лопез позира без облека, а косата никогаш не ѝ била посветла (ВИДЕО)

За таа пригода, таа беше трансформирана со помош на прекрасна руса фризура моделирана по познатата актерка, а носеше и реплика од проѕирниот боди со светки од филмот. Таа дополнително го адаптираше костимот за Ноќта на вештерките со солзи и детали што имитираат крв.

Пејачката и актерка често експериментирала со фризури во текот на својата кариера, од природни кадрици од деведесеттите до медено руси прамени, пишува Харперс Базар.

Најсветлата нијанса досега

Иако Ноќта на вештерките заврши, се чини дека Лопез сè уште не е подготвена да се збогува со својот нов изглед. Нејзиниот фризер Крис Аплтон објави претходно невидени фотографии на Инстаграм на кои пејачката е речиси непрепознатлива.

На фотографиите, Лопез позира целосно гола, а посебно внимание привлекува нејзината екстремно светла руса коса, најсветлата нијанса што некогаш ја носела. „Бомбастични боцки“, напиша Аплтон во описот на објавата, алудирајќи на Барбарела и нејзиниот костим. Тој ја обликуваше нејзината коса во луксузни, волуменозни кадрици, со дополнителен волумен нагласен на темето.

Фризерот одговорен за бројни трансформации

Аплтон стои зад многу фризури на Џенифер Лопез, вклучувајќи го и нејзиното неодамнешно „фенирање од милион долари“. Станува збор за луксузно стилизирана коса со костенливи прамени и шишки што го врамуваат лицето.

@jlo

Her specialty is LOVE ❤️ Barbarella 🚀 Happy Halloween everybody!

♬ original sound - JLO

Перика или трајна промена?

Дали Лопез ќе ја задржи новата боја на косата сè уште не е познато. Не е ни јасно дали носи перика на фотографиите. Имено, Аплтон е позната по големите трансформации на изгледот на неговите познати клиенти, вклучувајќи ги Ким Кардашијан и самата Џенифер Лопез. Затоа, останува да се види дали ова е потрајна промена или само привремен експеримент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ширење паника или паника кај Мицкоски

Мицкоски сега ја обвинува опозицијата за ширење паника.

СДСМ: Ширење паника или паника кај Мицкоски

Како шири паника СДСМ кога уште пред една година алармиравме да не се дозволи ова со банката?

Дали СДСМ ширеше паника во Европа и во Црна Гора каде што е одбиена оваа банка и забранет е велз на нејзиниот сопственик?

Дали СДСМ ширеше паника во Србија каде што се отворени истраги за криминал, каде е приведен Мацура и прогласен стечај на Алта банка?

Прашањето е едноставно, дали СДСМ ширеше паника во Европа, Црна Гора, Србија или Мицкоски е во паника затоа што знае дека ќе одговара затоа што ја донесе Вучиќевата пералница на пари во Македонија?

Еве ја хронологијата. Факти, не шпекулации.

Во 2023 и 2024 Алта група на Давор Мацура се обидува да ја преземе Addiko банка во повеќе земји, вклучувајќи Црна Гора.

Европската централна банка и австрискиот регулатор реагираат.

Во август 2024 ECB привремено го суспендира правото на глас поради тајно заедничко дејствување.

Во септември австрискиот регулатор изрекува санкција.

Financial Times пишува за проверки околу потеклото на капиталот и контролите против перење пари.

Формалниот сопственик е човек што до вчера држеше менувачница во Земун. Нема банкарско искуство. Има сомнежи за капиталот.

Во октомври 2025 Централната банка на Црна Гора го одбива преземањето на Addiko.

Гувернерката Ирена Радовиќ потврдува дека имало притисоци кога го одбиле планот.

Мацура планирал по Addiko да влезе уште во две банки. Алта не добива банкарска дозвола во Црна Гора.

Регулаторот вели: интегритетот на пазарот е поважен.

Во истиот период, октомври 2025, Алта банка АД Белград ја купува Стопанска банка Битола со одобрение на НБРМ. 95 проценти од акциите.

Покрај банката, Алта група во 2026 ги купува и ЗОИЛ Македонија АД Битола - 100 проценти од осигурителната компанија.

Компанијата е преименувана во Алта осигурување АД Скопје.

Владата на Мицкоски праќа укажување на јавни претпријатија да одлучат за преземање акции од страна на Алта банка.

Мицкоски не само што ја турка банката во Македонија. Го турка и осигурувањето. Ја внесува целата група во Македонија.

Во октомври 2026 Мацура е вратен од аеродром во Подгорица. Забранет му е влез во Црна Гора од причини на национална безбедност.

По изборите во Србија паѓа СНС. Се појавуваат тврдења за големи одливи.

На 30 и 31 октомври Народната банка на Србија ја одзема дозволата на Алта банка АД Белград. Се отвора стечај.

Вучиќева гувернерка на Народната банка на Србија рече дека сè е во ред со банката, а веќе истата ноќ, во 2:30 часот по полноќ, ѝ беше одземена дозволата за работа.

Српското Обвинителство отвора истрага.

На 2 ноември е уапсен Мацура. Сомнеж дека изнел околу 380 милиони евра од трезорот - дел физички, дел преку фиктивно евидентирање.

На 3 ноември судот формално отвора стечај.

Во Македонија, гувернерот рече дека сè е во ред, а во рок од 24 часа беше воведена принудна управа во банката.

На 1 ноември НБРМ воведува присилна управа над Алта банка АД Битола. Одредуваат лимити за граѓаните. Штедачите не можат да дојдат до своите пари.

Вчера гувернерот на Народната банка на Македонија изјави дека токму Мицкоски бил тој што вршел притисок за дозволата.

Значи: во Европа има санкции и суспензии.

Во Црна Гора има одбивање и притисоци што не поминале.

Во Србија има стечај, апсење и истрага за 380 милиони евра.

Формалниот сопственик е човек од менувачница. Постојат сомнежи за потеклото на капиталот.

И покрај сето тоа, Мицкоски врши притисок за дозвола и ја внесува банката во Македонија.

Го внесува и осигурувањето. Ја внесува целата Вучиќева пералница на пари од криминал и корупција. Ја внесува со пари на јавни претпријатија и на граѓаните.

Сега, кога сè се одмотува, Мицкоски ја обвинува опозицијата за ширење паника.

Не ширевме паника во Европа. Не ширевме паника во Црна Гора. Не ширевме паника во Србија.

Фактите се на виделина.

Мицкоски е во паника затоа што знае дека ќе одговара. Затоа што знае дека документите и трансакциите се тука. Затоа што знае дека не може да се сокрие кој вршел притисок.

Обвинителството мора да реагира. Дадовте заклетва на граѓаните, не на оваа мафија. Ако продолжите да ја чувате бандата, ќе одговарате заедно со неа.

Паниката е кај Мицкоски. Вистината е во документите. Мицкоски мора да одговара!, се наведува во партиското сопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер