За зимско одржување на патиштата државните институции склучиле договори од 8 милиони евра - Канал 5

Македонија

За зимско одржување на патиштата државните институции склучиле договори од 8 милиони евра

Како и претходните години, така и оваа, најмногу пари за оваа намена ќе потроши Јавното претпријатие за одржување и заштита на магистралните и регионалните патишта – 317 милиони денари, односно  5,2 милиони евра .

За зимско одржување на патиштата државните институции склучиле договори од 8 милиони евра

Државните институции склучиле договори за јавни набавки со приватни фирми за механизација, работници, сол и ризла за одржување на улиците и патиштата во зимски услови за сезоната 2021-2022 година во вредност од половина милијарда денари (8 милиони евра), покажува истражувањето и базата на податоци на договорите на државните институции со приватни фирми за зимско одржување на улиците и патиштата за сезоната 2021-22 на Центарот за граѓански комуникации.

– Како и претходните години, така и оваа, најмногу пари за оваа намена ќе потроши Јавното претпријатие за одржување и заштита на магистралните и регионалните патишта – 317 милиони денари, односно 5,2 милиони евра што е 65 проценти од вредноста на вкупните договори за зимско одржување во земјава. Градот Скопје и уште девет други скопски општини сезонава за зимско чистење на улиците и за сол заедно ќе потрошат околу 1,4 милиони евра. Од другите општини, најмногу пари за зимско одржување планираат да потрошат Прилеп, Куманово и Струга. Прилеп – 195 илјади евра, Куманово 146 илјади евра и Струга 98 илјади евра, информира во соопштение тимот на ЦГК.

Оттаму наведуваат дека конкуренцијата на тендерите за зимско одржување е исклучително ниска, просечно по 1,7 понуди по тендер, а повеќе од половина од тендерите биле само со една понуда.

Од фирмите, според вредноста на договорите, на врвот е Димакс рудници од Демир Хисар со 7 милиони евра за две години или по 3,5 милиони евра на годишно ниво.

– Вкупната сума на трошоци за зимско одржување ќе биде и поголема ако се има предвид дека за пет тендери сѐ уште не се објавени склучените договори и нивните износи, посочуваат од ЦГК.

Истражувањето покажува дека Јавното претпријатие за одржување и заштита на магистралните и регионалните патишта има вкупно девет договори за јавни набавки за одржување на патиштата во зимски услови со ангажирање на механизација и за набавка на сол и ризла. Пет се склучени годинава, а четири се склучени 2020 година за период од 2 години.

Град Скопје во 2021 година има склучено договори за чистење на улиците и за сол кои траат и оваа година, во вкупна вредност од 1,4 милиони евра, односно по околу 700 илјади евра годишно. Тендери за набавка на услуги за зимско чистење на улиците имале уште девет други скопски градски општини.

– Што се однесува до фирмите кои добиле тендери за зимско одржување, на прво место според бројот на договори е скопската фирма КИ-ЕМ која има седум договори за продажба на индустриска сол во вкупна вредност од 388.049 евра. Но, според вредноста на тендерите, други пет компании се носители на најголемиот дел од колачот. На врвот е Димакс рудници од Демир Хисар со четири тендери во вредност од 7 милиони евра за две години или по 3,5 милиони евра на годишно ниво. Три договори се склучени со Јавното претпријатие за одржување и заштита на магистралните и регионалните патишта – Скопје, и се однесуваат за набавка на индустрсика сол, ризла и механизација за превоз на ризлата, и еден договор е склучен со Општина Битола за набавка на ризла, стои во информацијата.

На второ место е Аполо Инженеринг со два договори, и тоа едниот склучен со Град Скопје во вредност од над 1 милион евра за две зимски сезони, а вториот со Општина Сарај во вредност од 48 илјади евра.

На трето место е фирмата ДИКОР ЦД Струмица која има договор со Јавно претпријатие за одржување и заштита на магистралните и регионалните патишта, за извршување патни работи во зимски услови на сите државни патишта во РСМ на територија на Подружница Штип во вредност од 548 илјади евра и договор со Општина Делчево во вредност од 23 илјади евра.

На четврто место според вредноста на склучените договори е ЈОСКАТРАНС-ТРЕЈД Демир Хисар со договорот склучен со Јавно претпријатие за одржување и заштита на магистралните и регионалните патишта за извршување на патни работи во зимски услови на сите Државни патишта во РСМ на територија на Подружница Битола во вредност од 464 илјади евра.

На петто место на оваа листа е фирмата АНИЗОР Драшко од с.Шишево Сарај со склучени договори со општините Карпош, Центар, Ѓорче Петров и Бутел во вкупна вредност од 417 илјади евра.

Досега се склучени 69 договори за зимско одржување на улиците и патиштата и за набавка на сол и ризла. Тендери за зимско одржување на улици и патишта имале 36 општини и Градот Скопје, шест локални јавни претпријатија, државното Јавно претпријатие за одржување и заштита на магистралните и регионалните патишта – Скопје, АД Електрани и Министерството за внатрешни работи.

Основа за пресметка на трошоците на институциите за зимско одржување на патиштата и улиците се податоците добиени од Електронскиот систем за јавни набавки (ЕСЈН). Во истражувањето се опфатени тендерите на сите институции на централно и локално ниво спроведени во текот на 2021 и 2022 година за зимско одржување на улици и патишта, како и тендерите спроведени во 2020 година но со рок на важност на договорите од две години со кои всушност се покриваат трошоците за зимско одржување за 2021 и за 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Јапонија бележи рекордно ниска стапка на наталитет, падот доаѓа многу порано од очекуваното

Јапонија бележи рекордно ниски стапки на наталитет и плодност, што дополнително ја продлабочува демографската криза бидејќи помалку луѓе стапуваат во брак и основаат семејства.

Јапонија бележи рекордно ниска стапка на наталитет, падот доаѓа многу порано од очекуваното

Според владини податоци, во 2025 година се родени нешто повеќе од 671.000 деца, околу 15.000 помалку од претходната година и најниска бројка откако почна да се води статистика во 1899 година.

Пад побрзо од предвиденото

Стапката на плодност, која претставува просечен број деца по жена, падна на рекордно ниско ниво од 1,14.

Ова е десетта година по ред на пад на бројот на новороденчиња, а експертите се загрижени бидејќи падот се случува многу побрзо од очекуваното. Имено, владините истражувачки институти претходно проценија дека толку ниски стапки нема да се достигнат пред 2040-тите.

Помалку бракови, помалку деца

Клучен фактор во овој тренд е драстичниот пад на бројот на бракови.

На почетокот на векот, во Јапонија се склучувале 800.000 бракови секоја година, додека денес таа бројка падна на околу 500.000.

Со оглед на тоа што огромното мнозинство деца во Јапонија се раѓаат во брак, намалувањето на бројот на свадби директно влијаеше на намалувањето на стапката на наталитет.

Општествени промени и потрага по партнер

И покрај овие трендови, анкетите покажуваат дека околу 80 проценти од самците во Јапонија сè уште сакаат да се венчаат. Сепак, експертите истакнуваат дека промените во општествените модели им го отежнале на луѓето пронаоѓањето партнер.

Паровите сè поретко се среќаваат на традиционални начини, како што се на работа, училиште или преку заеднички пријатели, делумно поради порастот на работата од далечина и поголемата свест за приватноста и вознемирувањето на работа. Како резултат на тоа, агенциите за спојување повторно стануваат популарни, особено кај помладите генерации кои бараат структурирани и ефикасни начини за пронаоѓање долгорочен партнер.

Стареењето и намалувањето на населението на Јапонија останува еден од најголемите економски и социјални предизвици со кои се соочува земјата.

Извор: Индекс.хр

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џесика Симпсон: На ​​17 години ми рекоа дека морам да ослабам

Џесика Симпсон во последните години се враќа на музиката и настапува почесто, а на неодамнешниот концерт во Пенсилванија се потсети на тешките почетоци на својата кариера.

Џесика Симпсон: На ​​17 години ми рекоа дека морам да ослабам

Пејачката и претприемачка зборуваше за притисокот на кој била изложена како тинејџерка откако станала позната. Таа откри дека од неа било побарано да ослабе и да го промени својот изглед за да се вклопи во очекувањата на музичката индустрија. Денес, таа вели дека повторно се чувствува како своја и дека враќањето на сцената ѝ помогнало да ја пронајде својата самодоверба.

Симпсон изјави дека на почетокот на нејзината кариера често ја споредувале со Бритни Спирс и Кристина Агилера. „Мислев дека потпишав договор исклучиво за мојот глас, а потоа одеднаш дојде барањето: „Добро, мора да ослабеш околу седум килограми“, рече таа. Додаде дека во тоа време тежела околу 52 килограми и дека таков коментар бил многу тежок за 17-годишната девојка.

Со години се чувствувала неадекватно

Пејачката откри дека подоцна од неа било побарано да има стомачни мускули, иако, како што вели, едноставно нема таква градба. „Имаше толку многу што морав да покажам за да бидам „Џесика Симпсон“. Постојано се чувствував како неуспешна, како никогаш да не сум била доволно добра“, сподели таа.

Во последниве години, Симпсон отворено зборуваше за тоа како се прифаќа себеси. За време на гостувањето во „Шоуто на Џенифер Хадсон“ минатата година, таа го опиша своето враќање во музиката како процес во кој научила да се сака себеси, да биде ранлива и да најде сила во тоа. Таа го преточи тоа искуство и во „Nashville Canyon: Part 1“, нејзината прва збирка нови песни од 2008 година.

Покрај притисокот да изгледа добро, Симпсон неодамна зборуваше и за нејзината борба со зависноста од алкохол. Таа сè повеќе споделува детали од нејзиниот приватен живот на концертите, објаснувајќи дека токму соочувањето со нејзините минати искуства ѝ помогнало да ја врати самодовербата во себе и во својата работа.

Извор: Индекс.хр

Тагови: Џесика Симпсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ тврди: Новата „Siri“ нема да ви ласка

„Siri“ наскоро добива големо освежување, но компанијата сака да биде јасна за едно - нема да биде ваш емотивен партнер.

„Apple“ тврди: Новата „Siri“ нема да ви ласка

Крег Федериги, потпретседател на „Apple“ за софтверско инженерство, откри дека подобрената верзија на „Siri“ за „iOS 27“ активно ќе ги отфрла обидите на корисниците да се вклучат во романтични разговори со неа.

Во интервју за подкастот „Mostly Human“, во кој учествуваше и шефот за маркетинг на „Apple“, Грег Јозвиак, Федериги објасни дека новата „Siri“ нема да се обидува да им ласка на корисниците на начин на кој го прават тоа другите тековни ботови со вештачка интелигенција.

Според Федериги, многу од денешните чет-ботови се премногу фокусирани на привлекување внимание и одржување на ангажманот на корисниците преку еден вид потценувачко однесување.

Тој додава дека другите вештачки интелигенции честопати ги охрабруваат луѓето да откриваат премногу за себе за да создадат илузија за длабока емоционална врска со нив.

„Apple“ зеде сосема поинаков курс, дизајнирајќи ја „Siri“ за да постави и строго да одржува професионални граници.

Целта е да и биде јасно на „Siri“ во секое време дека е таму единствено како асистентка што му овозможува на корисникот полесно и побрзо да ги извршува секојдневните задачи, а не да го замени човечкиот контакт.

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер