Регион

За време на четиридневниот топлотен бран во Грција избувнале околу 200 пожари

Кикиљас посочи дека од денеска и за време на викендот, постои зголемена опасност од пожари во земјата.

Минатата седмица за време на четиридневниот топлотен бран избувнаа околу 200 пожари со кои навремено се справивме пред да се прошират, благодарение на огромните напори на пожарникарите и сите сили на цивилната заштита, истакна министерот за климатски кризи и цивилна заштита на Грција Василис Кикиљас, јави дописничката на МИА од Атина.

Кикиљас посочи дека од денеска и за време на викендот, постои зголемена опасност од пожари во земјата, односно како што рече „картата на опасност ќе биде чекор пред црвеното ниво на тревога“, поради сувата вегетација од високите температури во изминатиот период, во комбинација со новото зголемување на температурата и силниот ветер.

-Станува збор за најопасниот коктел за појава на пожари кој за неколку минути може да достигне неконтролирани размери, истакна Кикиљас.

Порача дека сè што во овој период може да предизвика дури и најмала искра, како што е горењето или скарата е забрането со закон за време на сезоната на пожари и истакна дека целиот државен механизам ќе биде во состојба на готовност со зголемени патроли на копно и со помош на дронови од воздух./МИА

Живот

Во САД намалена продажбата на нови домови

Продажбата на нови домови во САД во мај се намалила за 11,3 отсто на месечно ниво, на 619.000 домови пресметано годишно.

Во претходниот месец, продажбата на нови домови наменети за едно семејство се зголемила за два отсто на 698.000 на годишно ниво.

Аналитичарите предвидуваа стапките на продажба на нови домови во мај да биде на ниво од 640.000 годишно.

Во меѓувреме, главните берзански индекси на Волстрит денешната сесија ја започнаа со намалување - секторот на микрочипови и акциите на гигантите се со намален раст. Инвеститорите очекуваат објава на клучната инфлациска статистика што се очекува најдоцна утре. /МИА

Фудбал

Леао ги одби саудиските милиони

Португалецот Рафаел Леао одбил примамлива понуда од саудиски Ал Хилал и останува на ставот да продолжи во Милан, пишува италијанскиот весник „Кориере дело спорт“.

Дваесет и пет-годишниот фудбалер минатата сезона со миланскиот гигант постигна 15 гола и 14 асистенции на 47 натпревари.

Во последните недели, зголемен интерес за Леао беше забележан од неколку клубови во Саудиска Арабија, кои се подготвени да платат околу 100 милиони евра за неговиот потпис и му нудат плата од 20 милиони евра по сезона.

Сепак, Португалецот не планира да го напушти Милан ова лето.

Италијанскиот клуб би се разделил со Рафаел Леао само по активирање на неговата ослободителна клаузула, која е во вредност од 175 милиони евра.

Фудбал

Белгија, Словачка и Романија се пласираа во осминафиналето на ЕП 2024

Словачка и Романија ремизираа 1:1 во последниот дуел од групата Е на Евро 2024, а со тој резултат и двете репрезентации се квалификуваа во осминафиналето.

Во првото полувреме, двете селекции разменија по еден гол преку Дуда и Марин од белата точка.

По паузата, екипите решија да не си ги комплицираат животите и да го задржат паритетот со кој одат напред.

Куриозитет во овој случај е што сите четири селекции во групата завршија со по 4 бода, но голем губитник на крајот е Украина поради најлошата гол-разлика.

Во другиот натпревар од групата, Белгија и Украина одиграа без голови./МИА

притисни ентер