Македонија

За влез и излез од државава се чека до 30 минути на граничните премини

Сообраќајот на државните патишта се одвива непречено, по суви коловози.

Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.

Поради пожар во националниот Парк Јасен, регионалниот пат Р1106 Македонски Брод - Скопје затворен е за секаков вид на возила.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот.

Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.

Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.

На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и

недела од 07:00 до 22:00 часот.

Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.

Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.

Патниот правец Охрид – Ресен преку националниот парк Галичица од 17.04.2025 г. е пуштен за сообраќај за возила до 3.5 тона.

Поради изведба на проектот „Изградба на патна делница Градско – клучка Дреново“, дел од Коридор 10д, ќе има временa изменa на режимот на сообраќај на Експресниот пат А1, делница Градско – Дреново. Измените ќе важат од 04.08.2025 до 16.09.2025 година, при што сообраќајот ќе биде пренасочуван и регулиран со поставена соодветна сообраќајна сигнализација.

Од ден 26.05.2025 започнaa со градежни активности - санација на мост на река Драгор на ул. „Довеџик“ општина Битола, со што има затворање на сообраќајот кај мостот на ул. „Довеџик“ при што сообраќајот се пренасочува по времен премин - девијација.

Патниот правец Р2337 Кичево – крак со с. Цер од ден 12.05.2025 е целосно затворен за сообраќај од 10.00ч. – 16.00ч. поради изведување на градежни работи на пат – (асфалтирање).

На ден 13.05.2025 започнa со градежни активности - санација на мост на река Вардар на државен пат А2, делница Гостивар-Стража, односно ќе се воспостави времена измена на режимот на сообраќај.

Од 24.04.2025 г. има привремена промена во сообраќајот на делот од државнот пат А2 – делница Желино - Тетово, помеѓу бензинската станица Макпетрол и северниот влез на Тетово. На овој дел од патот се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување.

Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 г. до 31.5.2025 г., поради изведба на реконструкција на десната тунелска цевка на Тунел Т2. Десната тунелска цевка на тунел Т2 е целосно затворена за сообраќај, а сообраќајот е пренасочен во левата тунелска цевка.

Според известување од Виадукт Треј Дооел – Гостивар од 09.04.2025 година(Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности

На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница.

На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот.

„Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година.

СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година, режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување е затворена за сообраќај во должина од 500м, додека сообраќајот се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП „Блаце“ - Скопје (клучка „Стенковец“) Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин „Блаце“ на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во автомобил затвориле четворица странски работници во Италија и живи ги запалиле (ВИДЕО)

Вчера во Амендолара беа живи запалени во автомобил четворица странски земјоделски работници, а полицијата уапси двајца осомничени пакистански државјани.

Три жртви се авганистански државјани, а четвртиот е од Пакистан. Единствениот преживеан, Авганистанец кој се спасил кршејќи прозорец, е клучен сведок во истрагата што се фокусира на конфликти околу работни места во земјоделството, пишуваат италијанските медиуми.

Пожарот избувнал вчера околу 13 часот веднаш до пумпите за гориво на бензинската пумпа, а столбот од црн чад бил видлив на километри. Кога пожарникарите пристигнале на местото на настанот, нивната прва грижа била да спречат пожарот да се прошири на резервоарите за гориво и да предизвика уште поголема катастрофа. Дури откако пожарот бил изгаснат, телата биле откриени во автомобилот.

Сомневањата на истражителите дека работниците биле живи изгорени беа потврдени со снимки од безбедносните камери од станицата. На видеото се гледаат две лица, едно по друго, како ја блокираат вратата од автомобилот со рацете однадвор, додека од задниот дел се истура нешто што изгледа како запалива течност. Набргу потоа, возилото се запалило, а напаѓачите избегале.

Истрагата е фокусирана на конфликти меѓу работниците

Јавното обвинителство во Кастровилари нареди апсење на двајца пакистански државјани за тешко убиство. Тие беа уапсени по неколкучасовно испрашување во Козенца, а истражителите ги пронајдоа со помош на видеа од бензинската пумпа.

Клучна улога во реконструкцијата одигра еден преживеан од Авганистан, кој ја потврди националноста на жртвите во интервју за калабриската новинска програма TGR. Од 20 април, тој и неговите четворица колеги берат јагоди на фармата во Сканзано Јоника. Секое утро на работа ги носеа истите двајца пакистански посредници. Во раните денови, наводно, им биле плаќани во готово. Подоцна постигнале договор за дневница од 45 евра. „На крајот, ни дадоа сместување, но не и плата“, рече сведокот. „Исто така, ни побараа пет евра дневно за одење до и од работа“, додаде тој.

Тој објасни дека двајцата осомничени за убиство барале пари за превоз, што жртвите не сакале да ги платат. Кога го сфатиле ова, наводно прво ја полеале внатрешноста на возилото со бензин, а потоа вметнале запалка.

„Тоа е мафија, мафија“

Авганистанецот, исто така, рече дека пакистанските државјани му се заканувале нему и на другите со ножеви и пиштоли за да ги принудат да работат и дека не им биле платени. „Не ни дадоа пари. Ни дадоа храна, ни дадоа сместување, но не ни дадоа пари. Тоа е мафија, мафија... Тоа се пакистански мафијаши“, рече тој.

Истражителите се фокусираат на конфликти меѓу групи имигранти кои работат во пошироката област на Сибарската рамнина и Метапонта. Вчерашниот злостор е продолжение на низа насилни акти. Во последните неколку месеци имаше дури 14 палежи на автомобили и комбиња на земјоделски работници, особено во областа Кориљано-Росана.

Борбата, како што објавуваат медиумите во Италија, не е само за работни места, туку и за сè што е поврзано со престојот на странците, од дозволи до сместување, а посредниците за вработување често се самите мигранти.

Тагови: италија работници

Шоу биз

Шерон Стоун за мастектомијата: Ми заврши бракот кога ја донесов таа одлука (ВИДЕО)

Шерон Стоун откри дека одлучила да го прекине својот втор брак поради начинот на кој нејзиниот тогашен сопруг реагирал на застрашувачката здравствена криза со која се соочила на почетокот на 2000-тите.

Актерката зборуваше за тешкиот период од својот живот како гостин во подкастот „Лицето кое веруваше во мене“ што го водеше Дејвид Бегно.

Лекарите се сомневаа во најлошото

Познатата актерка раскажа како открила дека има тумори на градите.

„Еден од нив беше поголем од целата моја лева града“, се присети 68-годишната актерка. Докторот, вели таа, дошол во нејзината куќа и рекол дека мислат дека треба да направи билатерална мастектомија, односно хируршко отстранување на обете дојки.

„Ситуацијата е навистина лоша. Обично, кога се шират толку многу, веќе знаеме дека се канцерогени пред операцијата“, ѝ рекол тој.

Стоун била убедена дека нејзините тумори се бенигни. „Му реков: „Немам рак“. Докторот одговори: „Не можеш да одлучиш за тоа“, а јас одговорив: „Можам. Можам да одлучам за тоа. Јас одлучувам“. Сепак, на крајот, актерката одлучи да ја направи операцијата, како што рече, „затоа што не се меша во тоа“.

Реакцијата што му пресуди на бракот

Сепак, нејзиниот сопруг во тоа време не ја поддржа таа одлука. „Мојот сопруг рече: „Ова е смешно“. Потоа стана и ја напушти собата“, се присети таа. Водителот на подкастот Бегно ја праша што точно му било смешно на нејзиниот сопруг. „Тоа што ќе правам билатерална мастектомија. Беше бесен“, одговори Стоун.

На прашањето на Бегно дали е загрижен за можноста ракот, доколку се потврди, да ја убие, Стоун кратко одговори: „Не, не“. Таа објасни дека нејзиниот сопруг бил вознемирен затоа што двете нејзини гради ќе бидат отстранети.

„Потоа докторот му рекол: „Да имав повеќе пациенти како неа, денес ќе беа живи повеќе жени. Мора да седнеш“. И јас додадов: „Јас ги носам одлуките, а не ти“, рече актерката.

View this post on Instagram

A post shared by The Person Who Believed In Me (@believedpodcast)

„Тогаш тој заврши со мене“

Шерон Стоун вели дека реакцијата на нејзиниот сопруг довела до раскинување на нивната врска. „Тоа беше крајот на бракот. Тоа беше тоа. Тогаш тој заврши со мене. Сè беше завршено“, тврдеше таа. „Едноставно се чувствуваше во просторијата дека е завршено. Сè беше завршено. Мислеше дека сум смешна и дека мојата одлука е глупава. Мислеше дека премногу одлучувам сама“, додаде таа.

Иако Стоун не именуваше никого, во тоа време, од 1998 до 2004 година, таа беше во брак со својот втор сопруг, Фил Бронштајн.

Сепак, туморите беа бенигни

На крајот, се покажа дека туморите се бенигни, па затоа актерката не мораше да се подложи на двојна мастектомија. Во 2021 година, Стоун исто така откри дека за време на операцијата за отстранување на тие тумори, докторот поставил поголеми импланти на градите без нејзина согласност.

Тагови: шерон стоун

Свет

Наскоро во Чикаго се отвора музеј на Барак Обама

Музеј посветен на кариерата на поранешниот американски претседател Барак Обама ќе биде отворен во Чикаго на 19 јуни, на американскиот празник Јунити, кој го одбележува ослободувањето на афроамериканското население од ропство во 1865 година.

Изложбата, сместена во голема бетонска кула, го прикажува животот на демократот пред и по неговото искачување на функцијата прв афроамерикански претседател на Соединетите Американски Држави, вклучувајќи ја и макотрпната реформа на здравствената заштита што ја протурка Обама, која стана позната како „Обамакер“, и убиството на лидерот на Ал Каеда, Осама бин Ладен.

Дипломатските напори на Обама беа почестени, меѓу другото, со неговиот говор пред Бранденбуршката порта во Берлин, заедно со поранешната германска канцеларка Ангела Меркел. Посетителите можат да се прошетаат и низ реплика на Овалната соба во природна големина.

„Тој повеќе или помалку им дозволи на луѓето да си ја работат својата работа“

„Обама го постави правецот за концептот на музејот и сака да ја разгледа изложбата“, изјави за ДПА Мајкл Страутманис, раководител на корпоративните комуникации и политика во Фондацијата Обама. „Но, генерално кажано, тој повеќе или помалку им дозволи на луѓето да си ја работат својата работа“, рече тој.

Покрај музејот, комплексот, кој се простира на околу 7,8 хектари, што е приближно со големина на 11 фудбалски игралишта, вклучува и форум, повеќенаменска сала и дел од градската јавна библиотека.

Силна врска со Чикаго

Изборот на Обама на паркот Џексон за сместување на музејот не беше случаен. Неговата сопруга, Мишел, пораснала на јужната страна на Чикаго, каде што двојката се венчала и каде што се родиле нивните ќерки Малија и Саша. Обама предавал на Универзитетот во Чикаго 12 години и ја започнал својата политичка кариера на јужната страна, на крајот станувајќи 44-ти претседател на Соединетите Американски Држави.

Тагови: Барак Обама