Регион

За скандалот на Клиниката за онкологија во Тирана притворени седум лица

Албанските власти денеска обвинија лекари, медицински сестри и административен работник од Клиниката за онкологија во Тирана поради наводите дека лажеле за достапноста на фармацевтски материјали, со што ги загрозувале пациентите.

Инспекторите, исто така, извршија рација во аптеките и во компаниите за медицински набавки во главниот град.

Обвинителите по истрагата тврдат дека продавале фалсификувани лекови за рак по екстремно високи цени.

- Седуммината осомничени кои беа притворени се лекари, медицински сестри и административен работник. Тие не им ја понудиле потребната грижа на пациентите во јавна клиника и ги упатувале во приватни болници каде што исто така работеа, за што примале поткуп со високи износи на пари, изјави портпаролка на Обвинителството во Тирана, Розета Тасе.

Таа додаде дека лицата се осомничени дека лажеле за недостиг на лекови и дека на пациентите со рак им обезбедиле само делумно лекување.

- Нивните пациенти потоа биле упатувани во аптеки, каде што остатокот од потребниот лек се продавал по високи цени.

Отстранета била и опремата за зрачење на болницата, поради што пациентите се принудени да бараат дополнителна нега во приватните клиники, потврдила истрагата.

Истата била отворена откако пациентите ги контактирале властите, кои ги прислушувале телефоните на осомничените.

Во врска со скандалот се огласи и министерката за здравство, Албана Кочиу, која рече дека „сите што ќе бидат прогласени за виновни да бидат најстрого казнети“ поради, како што додаде, „невидени, одвратни дела кои се во спротивност со сите вредности“.

Министерот за правда Улси Мања шемата за злоупотреба ја нарече одвратна, порачувајќи дека „оние кои ги валкаат белите кошули“ ќе ја добијат заслужената казна.

Граѓанските здруженија повикаа на протест пред Министерството за здравство каде што планираат да побараат оставка на министерката. /МИА

Регион

Вучевиќ: Курти би сакал Србија да направи погрешен чекор за да дојде до ескалација

Премиерот на Србија, Милош Вучевиќ изјави денеска дека за Србите на Косово секој ден е „терор“ и дека премиерот на Косово, Албин Курти, би сакал Србија да направи „погрешен чекор“ за да дојде до ескалација, јави дописникот на МИА од Белград.

Тој на Радио-телевизија на Србија (РТС) рече дека „Курти продолжува со својата политика“, дека вчера властите во Приштина ги „нападнале институциите на Електропривреда Србија“ и дека се надева дека некој од меѓународната заедница ќе реагира, иако се плаши дека „сепак нема да реагира“.

Тој кажа дека добрата вест е што во Косово успешно е спроведен завршниот испит за основците.

На вчерашната свечена седница на Владата во Крушевац по повод Видовдан, како што рече српскиот премеир, фокусот бил ставен на внатрешната и надворешната безбедност на Србија, зачувувањето на културниот идентитет и културното наследство и економијата.

- Добро е што во првиот квартал од годинава привлековме повеќе од две милијарди евра директни странски инвестиции, имаме 615 милијарди на сметка на буџетот, имаме најголеми девизни резерви – 27 милијарди евра. Сето ова покажува дека Србија е економски стабилна, изјави Вучевиќ за РТС.

Коментирајќи ја перспективата за пристапување на Србија во Европската унија, тој рече дека земјата „останува на европскиот пат“ и дека според годишниот извештај се создадени услови за отворање нов кластер, но дека тоа „секогаш на крајот завршува со политичка оценка дали некому сме му политички погодни“.

- Тоа се сведе на прашање на политика, а не на прашање за исполнување на пристапниот процес, рече тој и додаде дека Србија направила многу на полето на владеењето на правото, политичкиот систем, економијата и инфраструктурата. /МИА

Шоу биз

Нова песна на Ана Петан во соработна со Копров посветена на Тоше

Ана Петан е една од најсилните женски вокали во регионот.

Веќе на првите ноти од нејзиниот настап публиката е вљубена во нејзиниот глас.

Во соработка со легендарниот македонски композитор Григор Копров, создадена е прекрасна балада, која Копров ја посвети на легендарниот Тоше Проески, за кој Григор Копров ги напиша едни од најубавите песни од почетокот на својата кариера.

„ Balada za anđela“ е напишана од срце и душа и чекаше пејачка со ваков глас. Ана е одлична и очекува многу од неа“, вели композиторот Григор Копров.

Филмско студио Авала

Свет

Министерство за одбрана на Украина: Уништен руски центар за вселенски надзор на Крим

Министерството за одбрана на Украина денеска потврди дека украинските одбранбени сили го уништиле рускиот центар за вселенски надзор и комуникација на Крим, кој е под контрола на Русија.

Во соопштението се наведува дека Центарот за вселенски надзор и комуникации на Крим е важна воена компонента во сателитскиот комуникациски и навигациски систем за Русите.