За секунда нејзиното трудничко стомаче го снема! (видео) - Канал 5

Живот

За секунда нејзиното трудничко стомаче го снема! (видео)

Снимка што ги шокираше луѓето на мрежата.

За секунда нејзиното трудничко стомаче го снема! (видео)

Многумина се запрепастија од вештината на оваа жена.

Кет Шулц е трудница, која сите ги остави без зборови. Таа редовно вежба во сала и крева тегови иако е во понапредна бременост. Меѓутоа, она што таа го направи во следново видео ги шокираше луѓето на социјалните мрежи.

@kat_shultis keeping that pelvic floor engaged = not looking pregnant when i do abs🤪😂🤌🏼 #pregnantlife #pelvicfloor #comedy ♬ original sound - sped up songs 💗

Каде отиде бебето?

Снимката започнува така што Кет го гали трудничкото стомаче во сала за вежбање додека стои пред огледалото. Како што наведува во објавата, таа во тој момент била во 28-мата недела од бременоста. Кет во еден момент го вовлекува нејзиниот заоблен труднички стомак испуштајќи звук како кога ќе се дупне обичен балон. Нејзиниот стомак целосно го снемува за секунда претворајќи се во мала испакнатина.

Оваа снимка ги изненади луѓето, па тие се запрашаа што се случи со бебето.

- Леле! Јас не можам да го направам ова со стомакот иако не сум бремена.

- Не разбирам... што се случи? Каде отиде бебето?

- Го прегледав видеото десет пати и сè уште не ми е јасно што направи.

- Мили Боже! Се исплашив за бебето.

- Дали те боли додека го прави тоа?

- Бремена сум само 16 недели и не можам да го држам стомакот, а камоли да направам вакво нешто.

- Кутрото бебе! Којзнае како се чувствува во стомакот додека го правите ова.

- Може ли да го повредиш бебето додека го изведуваш тоа? - беа само дел од коментарите на нејзината објава.

Одговарајќи на бројни прашања, Кет објасни дека ова е сосема безопасно за нејзиното бебе.

- Ова всушност е одлично како подготовка на вашето тело за пораѓај. Вака го ангажирате целиот горен дел од телото за време на бременоста – објаснила таа.

Иако се чини дека таа го вовлекува стомакот, всушност се работи за вежба позната како Блумова метода. При изведување на оваа вежба, трудницата при дишењето ги шири и собира стомачните мускули. Бебето во утробата практично е „турнато“ подлабоко во нејзиниот стомак додека вдишува воздух и истиснато нанадвор кога издишува. Се препорачува бремените жени кои не се обучени и не знаат како правилно да ја изведат оваа вежба, да не го прават тоа.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Французите забрануваат алкохол на плажите, казните се високи (ВИДЕО)

Популарното француско атлантски одморалиште Сен Жан де Луз воведе нови ограничувања за консумирање алкохол на јавни места, вклучително и на плажите.

Французите забрануваат алкохол на плажите, казните се високи (ВИДЕО)

Според новите правила, оние кои пијат алкохол на плажите навечер би можеле да добијат казна до 150 евра.

Забраната се однесува на трите плажи во градот, Гранд Плаж, Плаж д'Еромарди и Плаж де Лафитенија, и беше воведена поради проблеми со ноќните собири и големите групи кои продолжуваат да се забавуваат на брегот по затворањето на кафулињата и рестораните.

Целта е да се намалат ноќните забави на плажите

Локалните власти објаснија дека проблемот не се семејствата или туристите кои мирно уживаат на плажата со пијалок во текот на денот, туку поголемите собири што се формираат доцна навечер и во текот на ноќта.

Себастијан Ларош од општинската полиција за францускиот весник „Конексион Франс“ изјави дека токму консумирањето алкохол во такви ситуации станало проблем, поради што полицијата ќе го зголеми надзорот на плажите во доцните часови.

@marco_urrutia Un vrai dimanche d’été à Saint-Jean-de-Luz ☀️ Plus de 30 °C, une mer d’huile et un cadre idyllique au bord de l’océan pour profiter pleinement de cette belle journée estivale #saintjeandeluz #paysbasque #été #cotebasque #vacances ♬ son original - Marco Urrutia

Иако новите правила на прв поглед изгледаат строги, нивната примена нема да биде иста во секоја ситуација. Некој што мирно организира пикник и пие чаша вино во текот на денот најверојатно нема да биде казнет.

Полициските службеници ќе ја проценуваат секоја ситуација поединечно, таргетирајќи се првенствено на големи забави, бучава и собири што ги вознемируваат другите посетители.

Слични мерки постојат во Хрватска и Шпанија

Сен Жан де Луз не е единствената туристичка дестинација што воведе ограничувања за алкохол на јавни места.

Во Макарска, продажбата на алкохол во продавници, киосци и пекари неодамна беше забранета помеѓу 21:00 и 06:00 часот, додека кафулињата и рестораните сè уште можат да го служат. Целта на мерката е да се намали пиењето на улиците и другите јавни простори.

Слични правила веќе постојат во Сплит и Дубровник, каде што се предвидени казни до 300 евра за консумирање алкохол на одредени јавни места.

Во некои делови од Шпанија има уште построги правила. На Балеарските Острови, вклучувајќи ги и добро познатите туристички дестинации Плаја де Палма и Магалуф, може да се добијат казни од 500 до 1.500 евра за пиење алкохол на улица и на плажа.

Тагови: Алкохол плажите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полициски глисер се заби во мост во Лондон- повредени се пет полицајци (ВИДЕО)

Петмина припадници на Метрополитенската полиција беа повредени во центарот на Лондон попладнево откако полициски глесер се заби во мостот Вестминстер. 

Полициски глисер се заби во мост во Лондон- повредени се пет полицајци (ВИДЕО)

Полицијата потврди дека несреќата се случила околу 15:40 часот по локално време и дека во неа учествувал пловило од нивната речна единица, пишува Би-Би-Си.

По судирот неколку полицајци паднале во реката, но набрзо биле извлечени. Прва помош им била укажана на гумен чамец врзан за брегот. Според првичните информации, ниту еден од граѓаните не учествувал во несреќата.

Голема интервенција во центарот на градот

Голем број полицајци, пожарникари и екипи за итни случаи биле распоредени на местото на несреќата. Сообраќајот преку мостот бил целосно запрен, а полицијата го блокирала делот што се наоѓа кон зградата на парламентот.

Полициски хеликоптер и хеликоптер на брза помош прелетале над областа. Транспортната компанија за Лондон потврди дека поради инцидентот се затворени и некои од влезовите на блиската метро станица Вестминстер.

Изјави на службени лица

Портпаролот на Метрополитенската полиција го потврди бројот на повредени. „Петмина од нашите полицајци беа повредени и им беше укажана помош. Очекуваме подетални информации за природата на нивните повреди. Според досегашните информации, ниту еден граѓанин не бил вклучен во несреќата, ниту пак бил повреден. Околностите на овој настан ќе бидат темелно истражени, но во овој момент наш приоритет е благосостојбата на нашите колеги“, рече тој.

Се огласи и портпаролот на Лондонската пристанишна управа. „Свесни сме за инцидентот со полицискиот глисер во близина на мостот Вестминстер. Помагаме во интервенцијата и ја обезбедуваме потребната поддршка. Тесно соработуваме со Метрополитенската полиција, Крајбрежната стража и другите партнерски агенции за решавање на ситуацијата“, се вели во нивното соопштение.

Тагови: Лондон мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ракета „Фламинго“ погоди воена фабрика во Русија- шест работници загинаа, 26 се повредени (ВИДЕО)

Голема фабрика за производство на делови за ракети и авиони во рускиот град Киров беше погодена во украински напад со крстосувачка ракета „Фламинго“. 

Ракета „Фламинго“ погоди воена фабрика во Русија- шест работници загинаа, 26 се повредени (ВИДЕО)

Гувернерот на Кировската област, Александар Соколов, рано наутро извести за ракетен напад врз градот, кој се наоѓа речиси 800 километри североисточно од Москва.

Набргу потоа, и покрај строгите казни за објавување на последиците од ваквите напади во Русија, на каналите на Телеграм се појавија фотографии и видеа на кои се гледа чад што се издига од фабриката „Авитек“ на север од градот.

„Авитек“, кој е дел од рускиот одбранбен гигант „Алмаз-Антеј“, произведува пресретнувачки ракети за советските противвоздушни системи „Тор“ и „Оса“, кои Русија ги користи во војната против Украина, како и други делови за авиони. Попладнето, Соколов објави дека шест фабрички работници биле убиени во нападот, додека уште 26 биле повредени, додавајќи дека пожарот е изгаснат.

Нападот врз Киров беше дел од поширок напад

Украинскиот претседател Володимир Зеленски го потврди нападот врз Киров и рече дека фабриката произведувала „компоненти за авиони и ракетни системи на окупаторите, кои се користат, меѓу другото, во масовни напади врз украински градови и заедници“.

Производителот на ракети „Фламинго“, „Фајер Поинт“ објави снимка од лансирањето, потврдувајќи ги претходните информации дека една од нивните крстосувачки ракети ја погодила фабриката.

Киров се наоѓа на околу 1.200 километри од најблиската територија под контрола на Украина. Според познатите можности на украинскиот ракетен арсенал, целта на тоа растојание можела да биде погодена само од ракетата „Фламинго“.

Нападот врз Киров беше дел од поширок напад врз руска територија, за време на кој беа уништени уште три магацини на рускиот гигант за онлајн купување „Вајлдбери“.

Ракетите „Фламинго“ главно се користат за напад врз големи воени фабрики

Украина постепено ги зголемува своите ракетни и беспилотни напади длабоко на руска територија во текот на изминатата година, насочени кон нафтена и гасна инфраструктура, објекти од одбранбената индустрија и други клучни логистички центри.

Додека дроновите главно се користат против помалку заштитени и лесно запаливи цели како што се рафинериите за нафта, крстосувачките ракети „Фламинго“ со боеви глави со тежина поголема од еден тон се наменети главно за напади врз големи воени фабрики.

Во еден од најголемите неодамнешни напади со ова оружје, ракетите „Фламинго“ ја погодија воената фабрика „Титан-Барикади“ во Волгоград на 27 јуни.

Тагови: русија Фламинго

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер