Свет

За само 48 часа Кинезите ја направија првата болница за коронавирусот за 1000 пациенти

Првата болница за болните од коронавирус во Кина е отворена вчера во град во близина на Вухан, откако работници и волонтерите за само два дена претворија празна зграда во установа за итни случаи со 1.000 кревети.

Првата група на пациенти со коронавирус е веќе пренесена во регионалниот медицински центар Даби вчера околу 22:30 часот по локално време, известија локалните медиуми.

Проектот е завршен во рок од 48 часа благодарение на заедничкиот напор на персоналот од градежните фирми, комуналните компании и полициските службеници, на кои им помагале бројни волонтери , соопштија надлежните градски власти.

Регионалниот медицински центар Даби е првата болница за коронавирус што е отворена во Кина. Работниците и волонтерите поминаа два дена обновувајќи ја празната зграда

На сликата објавена од владата на Хуангганг се прикажани градежните работници кои поставуваат неопходни инсталации на местото на регионалниот медицински центар

Вчера волонтерите ги поставија сите кревети, а исто така била приклучена вода, електрична енергија и интернет, соопшти владата на Хуангганг

Во петокот, локалната власт нареди зградата, која била комплетно изградена, но празна, да се користи само за лекување на пациенти со коронавирус.

Работите на реновирање започнаа од саботата.

Забрзано се работи и на новата боница за илјада пациенти , која од темел почна да се гради пред неколку дена , а властите ветија дека ќе биде изградена за само осум дена. Според медиумите, во тек е поставувањето на готовите компоненти во вид на бродски контејнери на огромни шини , поставени на веќе готовата база на објектот.

Регион

Над 157.000 Грци се пријавиле за поштенско гласање на евроизборите

Пријавувањето за поштенското гласање започна на средината на февруари, а завршува вечерва на полноќ.

За гласање преку пошта на претстојните европски избори на 9 јуни се пријавиле над 157.000 грчки граѓани, од кои мнозинството, односно 116.000 живеат во Грција, а останатите се од дијаспората, објави грчката новинска агенција АНА-МПА, јави дописничката на МИА од Атина.

Пријавувањето за поштенското гласање започна на средината на февруари, а завршува вечерва на полноќ.

Гласањето преку пошта за првпат ќе се спроведе на претстојните евроизбори, а имаат право да се пријават сите грчки граѓани без разлика дали живеат во земјата или во странство.

Според податоците што ги објави АНА-МПА, интересот за новиот начин на гласање е висок кај сите старосни групи, додека пак од дијаспората се пријавиле граѓани кои живеат во 115 земји,

Грците кои живеат во странство ќе гласаат исклучиво преку поштенско гласање, додека гласачите во внатрешноста на земјата ќе можат да одберат како ќе го остварат правото на глас или на избирачките места како досега или со гласање по пошта.

Избирачкиот материјал, по пошта ќе биде испратен до гласачите на нивната адреса, кои откако ќе гласаат, ќе треба гласачките ливчиња да ги испратат најдоцна до сабота 8 јуни, односно денот пред изборите.

Ковертот со гласачкиот материјал од Министерството за внатрешни работи ќе биде испратен до гласачите најдоцна до 15 дена пред изборите и ќе содржи коверт, гласачко ливче, упатства и сл. /МИА

Фудбал

Премиерлигашите ќе гласаат за воведување ограничување на платите

Премиер лигата може да воведе ограничување на платата. Се очекува денес клубовите од Англиското фудбалско првенство да гласаат за промената, пренесува „Sky Sports“.

Границата нема да биде колку клубовите можат да платат кој било играч, туку колку клубот може да потроши вкупно на тимот во однос на платите, трансферите и агенциските такси.

Една опција за лимит би била 4,5 пати поголема од приходите на клубот кој е на последното место во лигата. Доколку таа граница би се одредила според сегашниот пласман, ќе изнесува 466 милиони фунти. /МИА

Фудбал

Гасперини: Сега Лигата на Европа е приоритетна цел за Аталанта

Тренерот на Аталанта, Џан Пјеро Гасперини не се откажува од обезбедување место во Серија А кое носи учество во Лигата на шампионите следната сезона, но како приоритетна цел во моментов го посочи дуелот со Марсеј во Лигата на Европа.

Аталанта вчера во натпревар од 34. коло на Италијанското фудбалско првенство го совлада Емполи со 2:0.

- Ако успееме да освоиме што повеќе бодови во домашното првенство нашата позиција на табелата може значително да се промени. Но сега за нас Лига Европа ни е приоритет и мораме да бидеме внимателни, бидејќи Марсеј е силен тим. Во четврток е првиот натпревар од полуфиналната пресметка. Двата меча се важни, но првиот може да малку побитен, изјави Гасперини за „Football Italia“.

Аталанта е шеста во Серија А со 57 бодови.

Во полуфиналето на Лига Европа на 2 мај тимот од Бергамо ќе гостува на Марсеј. /МИА