Други спортови

За прв пат во историјата , жена победи на Светско првенство во пикадо (ВИДЕО)

Историскиот момент за натпреварите во пикадо се случи вчера во лондонската палата ,,Александар” , каде 25-годишната Фалон Шерок стана првата жена што победи маж на Светското првенство.

Шерок го совлада Тед Еветс со 3-2 во 1. коло и стана првата жена што некогаш победила на СП, во своето 27-то издание.

"Целосно заборавив на историјата. Се фокусирав само на натпреварот. Кога ја погодив последната стрела, тогаш само сфатив што се случи. Леле! Ми го снимија дуелот за да го гледам кога ќе се вратам дома", изјави пресреќната Шерок, за која навиваше цело време преполната сала.

И покрај првиот пораз во историјата, 22-годишниот Еветс остана достоинствен.

„Секојпат кога и требаше голем резултат или погодок за да победи, таа успеваше. Не можам да одречам. Секоја чест, таа апсолутно ги заслужи сите пофалби“, изјави тој.

Пред пет години, Фалон Шерок го роди синот Рори, но само шест месеци подоцна, и беше дијагностицирана тешка болест на бубрезите. Неодамна беше безмилосно исмејувана на еден од натпреварите поради отеченото лице, како несакан ефект на лекот.

„Не сакав да им пречам на луѓето и да им докажам дека тоа не влијае на мојот живот. Мислам дека таквиот став ми помогна да си го зајакнам карактерот“, рече Шерок, чии бубрези сега се многу подобри, но таа сепак пие многу вода за време на натпреварите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова ќе учествува на Самитот за климатски промени (COP31) во Анталија

Претседателката Гордана Сиљановска-Давкова, денеска во Анталија, Република Турција ќе учествува на Лидерскиот самит во рамките на 31. Конференција на страните (COP31) на Конвенцијата на Обединетите Нации за климатски промени.

Предвидено е претседателката да се обрати на првата пленарна сесија за шефови на држави и влади, како и на дијалогот на високо ниво, посветен на транзицијата кон чиста енергија и електрификацијата. Таа ќе оствари билатерални средби со дел од учесниците на самитот.

Во состав на македонската делегација на COP31 се министерот за животна средина и просторно планирање, Муамет Хоџа и министерката за енергетика, рударство и минерални суровини, Сања Божиновска.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во полиција задржан романскиот возач на камионот по верижните судири на автопатот „Тракија

Бугарската влада го прогласи 11 ноември за ден на национална жалост по вчерашната трагедија во која во верижен судир на автопатот „Тракија, загинаа 11 лица, а 51 лице се повредени.

Романскиот возач на камионот, кој учествувал во еден од двата верижни судири на автопатот „Тракија“ во бугарија, е задржан во полиција.Тој веќе бил сослушан, а се очекува повторно да даде исказ во текот на денот.Засега не е утврдено како се движел камионот непосредно пред несреќата.

Според првичните информации, видливоста на автопатот нагло се намалила.Полицијата проверува дали камионот се движел со мала брзина или се вклучувал од споредна лента.Во двата верижни судири, во близина на клучката Зимница, учествувале вкупно 86 возила.Во правец кон Бургас се судриле 63 возила, а кон Софија уште 23.

Бугарските истражни органи најавија дополнителни вештачења за утврдување на причините за несреќата .

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венецијанската комисија ќе го оценува новиот модел за полагање на правосудниот испит

Владата ќе побара итно мислење од Венецијанската комисија за предложениот модел за полагање на Правосудниот испит.

Со овој чекор, како што соопштуваат од Министерството за правда, се обезбедува независна меѓународна експертска оцена за усогласеноста на предложеното решение со Уставот, меѓународните правни инструменти и европските стандарди.За време на престојот на експертите предвидени се и практични демонстрации на писмениот дел од испитот во Апелациониот суд во Скопје, како и на усниот дел во просториите на Министерството за правда..

Предложениот модел предвидува воведување единствен систем на полагање, со еднакви услови и исти професионални критериуми за сите кандидати, без посебни испити или различни стандарди, велат од правда..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.