За прв пат по 200 години муслиманите не се мнозинство во Албанија - Канал 5

Балкан

За прв пат по 200 години муслиманите не се мнозинство во Албанија

Институтот за статистика на Албанија (ИНСТАТ) ги презентира главните податоци од Пописот на населението и домаќинствата 2023 година во Албанија.

За прв пат по 200 години муслиманите не се мнозинство во Албанија

Институтот за статистика на Албанија (ИНСТАТ) ги презентира главните податоци од Пописот на населението и домаќинствата 2023 година во Албанија, каде што може да се види дека постојаното население во земјата е околу 2,4 милиони жители, со намалување за 420 илјади луѓе во споредба со пописот 2011 година, пишува Слободна Босна.

На конференцијата организирана во просториите на Театарот за опера и балет во Тирана, генералниот директор на ИНСТАТ Елса Дули изјави дека пописот на населението во 2023 година донесе многу новини, како што се употребата на информатичката технологија во собирањето податоци, дигитализацијата на геопросторниот систем и мониторинг на напредокот и квалитетот на собирањето податоци во реално време.

„Овој попис процени дека на територијата на Албанија живеат 2.402.113 жители, кои сочинуваат 755.950 семејства, со просечна големина од 3,2 члена по семејство, кои живеат во 1.082.529 обични станови. Овој попис ја постигна целта за која беше спроведен, оправдан со долгорочни инвестиции и финансиска поддршка“, рече Дули.

Првиот попис на населението на независната држава Албанија е спроведен во 1923 година, кога имало 823 илјади жители. Својот историски максимум Албанија го имаше во 1989 година, кога беа попишани 3 милиони и 182 илјади жители, што е за 23 отсто повеќе од претходниот попис во 1979 година.

Етничка припадност

Таа нагласи дека во последните три децении се случиле значајни промени во демографијата на Албанија. Споредено со последниот попис од 2011 година, во Албанија има 409.864 жители помалку. Според тоа, бројот на жители е намален за 16 отсто од 2011 година. Во претходниот пописен период од 2001 до 2011 година, бројот на жители е намален за 8 проценти.

Според податоците од пописот, 50,4 отсто од населението се жени, а 49,6 отсто мажи, додека просечната возраст во Албанија била 42,5 години.

Населението по етничка припадност е: 2.186.917 Албанци, 23.485 Грци, 2.281 Македонци, 2.459 Ерменци, 9.813 Роми, 12.375 Египќани, 2.963 Бошњаци, 584 Срби, 7.057 мешани 79 Бугари, 70 други групи 142 без припадност, 13.507 луѓе не сакаат да одговорат, додека податоци за националноста не се достапни за 134.451 жител.

Религиозна припадност

Во однос на религијата, 1.101.718 жители се изјасниле како бекташи, 201.530 како католички христијани, 173.645 како евангелисти (протестанти), 3.670 како неквалификувани верници или верници без религија, 85.311 како атеисти не одговориле на прашањето за верата, по што може да се заклучи дека Албанија повеќе не е земја со муслиманско мнозинство, за прв пат откако е следено и пребројано верското декларирање на населението.

Бројот на сунитските муслимани паднало од 56,7 отсто (1,58 милиони) на 45,7 отсто (1,1 милион), односно за 11 отсто во споредба со претходниот попис од 2011 година.

Бројот на бекташи, кои исто така се муслимани, но ја практикуваат својата вера на малку поинаков начин, значително е зголемен во споредба со пописот од 2011 година. Сега има 115,6 илјади бекташи, додека во 2011 година имало 2,1 отсто или 58,6 илјади.

Денеска во Албанија живеат 201,5 илјади католици, додека во 2011 година имало 281 илјади или 10 отсто. Православните доживеале благ пад - од 189.000 во 2011 година на 173.000 оваа година.

Регионално население

Приближно една третина од албанското население (31,6 отсто) живее во областа Тирана. Вториот округ со најголем процент на население е Фиер со околу 10 отсто, а потоа следи округот Елбасан со 9,7 отсто од резидентното население во Албанија, 99,4 отсто имаат албанско државјанство, додека остатокот од 0,6 отсто се лица со странско државјанство или без државјанство.

Пописот на населението и домувањето 2023 година е организиран од Институтот за статистика на Албанија (ИНСТАТ) од 18 септември до 15 ноември 2023 година. Целта на пописот била да обезбеди податоци за постојаното население во Албанија, демографски, социјални и економски, податоци потребни за проценка на динамиката на населението, демографските промени на населението, како и податоци за карактеристиките на домувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер