Технологија

За неколку часа е дешифрирана пораката на падобранот што го спушти роверот на Марс

Американската вселенска агенција (НАСА) објави невообичаено видео во понеделникот од слетувањето на своето роботско возило „Perseverance“ на Марс, а луѓето веднаш забележаа интересна шема на падобранот што помогна да се забави спуштањето.

„Може да го забележите дезенот на падобранот“, рече Ален Чен, водач на тимот за слетување на роверот, по објавувањето на снимката.

"Таквите обрасци ни се корисни при одредување на ориентацијата на падобранот. Исто така, контрастните делови можат да бидат корисни за следење на различни делови од падобранот кога ќе се надува. Но, се надеваме дека ќе ги инспирираме другите со нашите напори и инженеринг. Затоа, понекогаш оставаме пораки за другите да можат да ги пронајдат. Затоа ве покануваме сите да пробате “, додаде тој, а голем број се фрлија на работата и успеаја да го прочита тајниот код на падобранот за само неколку часа.

Тие ги замениле црвено-белите обрасци со нули и единици (речник на бинарен код) и сфатиле дека секој од концентричните кругови на падобранот претставува еден од трите зборови. Нулите и единиците треба да бидат одделени во низи од 10 карактери, а потоа со додавање на бројот 64, се добива компјутерски ASCII код што претставува одредена буква.

„Осмелете се за моќни работи“, е пораката што ја сокрила НАСА на падобранот. „Осмели се да правиш силни работи“, е преводот на пораката што Теодор Рузвелт ја употребил за прв пат во својот говор.

„Многу е подобро да се осмелите да правите големи работи, да освојувате славни триумфи, иако неуспехот демне, отколку да застанете покрај оние бедни души кои ниту уживаат многу ниту страдаат многу, затоа што живеат во сив самрак што не знае ниту победа ниту пораз„рече тој во 1899 година.

НАСА претходно го користела ова мото во мисиите поврзани со Марс.

„Изгледа како Интернет да го скрши нашиот код за шест часа. Ох, Интернет, има ли нешто што не можете?“, потврди инженерот Адам Стелцнер.

Свет

Спречен нов атентат врз Зеленски, уапсен Полјак кој соработувал со Русите

Полскиот државјанин Павел К. е уапсен под сомнение дека учествувал во подготовката на атентат врз украинскиот претседател Володимир Зеленски.

Тој е лишен од слобода во Полска по обвинението дека бил подготвен да му помогне на руското воено разузнавање во заговорот за убиство на Зеленски, објави полското обвинителство.

Павел К., наводно, побарал контакт со Русите вклучени во војната во Украина, наведувајќи дека ќе пренесе детални информации од аеродромот Ржесов-Јасионка, кој се наоѓа во близина на границата со Украина.

Доколку биде прогласен за виновен, може да биде осуден на осум години затвор. /МИА

Свет

Советот НАТО-Украина ќе одржи вонреден состанок за противвоздушната одбрана на Киев

 Украинскиот претседател Володимир Зеленски планира да побара дополнителна воена поддршка за одбрана од Русија на денешниот вонреден состанок со министрите за одбрана на земјите членки на НАТО, јави ДПА.

На состанокот на Советот НАТО-Украина, организиран како видео-конференција, се очекува да стане збор за прашања во врска со тоа дали сојузниците наскоро ќе можат да и предадат дополнителни системи за противвоздушна одбрана на земјата.

Според Зеленски, на вооружените сили на Украина им треба дополнително оружје, артилериски гранати, возила и беспилотни летала.

„Украина во моментов е загрижена дали може да го задржи фронтот и да ја заштити својата енергетска инфраструктура“, рече Зеленски.

Во последните недели Русија го засили воениот притисок врз Украина и со воздушни напади ги уништи речиси сите нејзини електрани.

Според информациите дадени од Зеленски на почетокот на април, за одбраната на воздушниот простор на Украина ќе бидат потребни или 25 системи за воздушна одбрана „Патриот“ или еквивалентна опрема.

Германската Влада веќе објави во текот на викендот дека на Украина ќе и обезбеди дополнителен систем „Патриот“. Се очекува помош и од други земји, како што е Шпанија. /МИА

Живот

Германските тимови повторија достигнување старо речиси 30 години

По натпреварите во текот на неделата, Бундеслигата сега има дури три екипи кои се полуфиналисти на европските клупски турнири. 

Баерн Минхен, Борусија Дортмунд и Баер Леверкузен стигнаа до претпоследната фаза од двете главни натпреварувања - Лигата на шампионите и Лигата на Европа, а три германски тима не стигнале во оваа фаза речиси 30 години.

Ова последен пат се случи во сезоната 1994/1995 година. А што е уште поинтересно е тоа што тогаш токму истите екипи стигнуваат до полуфинале.

Баерн тогаш стигна до полуфиналето на Лигата на шампионите, каде загуби од холандскиот гигант Ајакс по 0:0 во Минхен и 2:5 во реваншот. Во тогашниот Куп на УЕФА учествуваа Борусија Дортмунд и Леверкузен, а двата тима се сретнаа со италијански противници. „Жолто-црните“ загубија од Јувентус по 2:2 во првиот меч во Германија и 2:1 за „бјанконерите“ во реваншот. Леверкузен, пак, е елиминиран по двата порази од идниот освојувач на трофејот Парма - 1:2 и 0:3.

Германските екипи сега ќе сакаат да избегнат слично сценарио и ќе се надеваат на добар настап.

Германија ги има сите шанси да обезбеди петти тим во Лигата на шампионите, а на бундеслигашите им требаат две победи или реми и две нерешени во претстојните полуфинални натпревари.

Англија, пак, ќе се потпре на победата на Астон Вила на сите свои натпревари за да обезбеди дополнителен тим во најпрестижниот европски клуб, а по синоќа, Италија веќе го постигна тоа. /МИА

притисни ентер