За лидерите на „Вреди“, албанската репрезентација е „наша“, Славески прашува која е логиката

„Ако матична држава на нашите сограѓани етнички Албанци е Македонија, а не Албанија, според која логика фудбалската репрезентација на Албанија може да биде национален тим?“.

Ова е прашањето кое на социјалните мрежи го поставува претседателот на Советот на град Скопје и член на Извршниот комитет на ВМРО-ДПМНЕ, Трајко Славески, откако дел од лидерите на коалицијата Вреди тимот на Албанија го нарекоа „нашата репрезентација“.

„Национален тим? Зошто кога консензуално се договоривме и прифативме дека нашите сограѓани етнички Албанци не се малцинство во Република Македонија, некои нивни лидери самите ги промовираат во малцинство?! – пишува Славески.

Тројцата лидери на Вреди ги објавија коментарите за мечот меѓу Албанија и Италија на европското првенство од пред два дена, по голот на фудбалерот Недим Бајрами, кој е роден во Швајцарија, а по потекло е од тетовско..

„Пишуваме историја со момчето од Тетово. Мрежата на Италијанците се затресе за само 23 секунди! Секогаш со нашата репрезентација“,напиша Касами.

„Албанија го стартува со чудо Европското првенство 2024! Во 23. Секунда недим од полог го започна мечот со гол за нас“,објави Таравари..

„Во победа и пораз, продолжуваме со нашата репрезентација!“,коментираше идниот прв вицепремиер, Изет Меџити.

Со поддршка за репрезнтацијата на Албанија се огласи и Зијадин Села, кој објави и фотографија од трибините...

Осуммина загинати во голем пожар во трговски центар во Кина, десетици се заробени(ВИДЕО)

Осум лица загинаа, а десетици останаа заробени во зградата откако денеска избувна пожар во трговски центар во Кина, јавува кинеската државна телевизија CCTV.

Пожарот избувнал околу 18 часот по локално време во трговски центар во градот Зигонг, во кинеската провинција Сечуан. Снимките објавени на социјалните мрежи покажуваат огромен облак од црн чад што се издига над 14-катницата.

Речиси 300 работници за брза помош и десетици возила пристигнале на местото на настанот. Противпожарната единица го изгаснала пожарот во 20 часот и 20 минути. Од центарот се спасени 30 лица. Не е познато колкумина се уште се заробени. Во јануари избувна пожар во зграда во Кина, при што загинаа најмалку 39 луѓе. Неколку дена пред тоа изгоре интернат во провинцијата Хенан, при што загинаа 13 деца, пишува CNN.

Барселона добива милиони од ФИФА поради повредените играчи

Барселона минатата сезона имаше големи проблеми со повредени играчи, а не запира ниту пред почетокот на новата сезона.

На списокот со повредени каталонски фудбалери има четворица, а она што е интересно е што нивната заедничка вредност според Трансфермаркт се проценува на 310.000.000 евра.

Младиот Гави е повреден подолго време, Френки Де Јонг наскоро би требало да се врати на тренинзите, а Педри и Роналд Араухо се повредија на неодамна одиграното Европско првенство и Копа Америка.

Педри се повреди во победата на Шпанија над Германците, по навистина непромислениот старт на Тони Крос, додека Араухо доживеа пех за време на четвртфиналниот натпревар од Копа Америка против Бразил.

Затоа Барса уште некое време нема да може да смета на нив, но сепак има малку подобра страна на оваа приказна.

Имено, Каталонците ќе добијат вкупно 3.200.000 евра како обештетување од ФИФА за повредениот двоец, односно 2.500.000 за Арауха, а 700.000 за Педри.

Да потсетиме, Барселона во февруари годинава имаше дури 12 повредени играчи.

притисни ентер