За да се отворат дел од официјалните-веб страни на општините, треба да се знае албанскиот облик на името - Канал 5

Македонија

За да се отворат дел од официјалните-веб страни на општините, треба да се знае албанскиот облик на името

Не е во пребарувачот, туку во адресата – за да се отворат дел од официјалните-веб страници на македонските општини, треба да се знае албанскиот облик на името.

За да се отворат дел од официјалните-веб страни на општините, треба да се знае албанскиот облик на името

Gostivar.gov.mk на пребарувачот не му значи ништо – не постои, но со gostivari.gov.mk ве води веднаш на страницата. По тој пример е и Дебар, кој треба да се напише како дибра, а меѓудругите се и Арачиново, Липково и Желино...

Министерот за дигитална трансформација – Андоновски за Канал 5 појаснува дека правилата на МАРНЕТ, кој ги дава домените, не бараат задолжително доменот да биде идентитечен со официјалниот назив на општината, што според него треба да се промени и секоја општина да има усогласен домен според стандардниот македонски јазик. Оттаму додава и дека проектот на Владата за изработка на беб страници за општините се реализира исклучиво со домени на макеоднски јазик. А смета дека МАРНЕТ треба дополнително да го регулира ова прашање.

-Доменот .gov.mk не е обичен комерцијален домен – за граѓаните тој претставува официјален дигитален индентитет на една јавна институција. Затоа е логично примарниот домен на институцијата да биде јасен, недвосмислен и усогласен со нејзиниот официјален назив и македонскиот јазик како службен јазик на територијата на Репулбика Македонија. МАРНЕТ во таа смисла треба да размисли за конкретно регулирање на ова прашање. - Стефан Андоновски – Министер за дигитална трансформација

Од МАРНЕТ пак за Канал 5 велат дека тие го дефинираат само техничкиот дел, а дека во моментов називот на општините на веб-страниците се во раце на свесноста на оние кои ги водат. Се што треба да направат е да направат уште еден домен по примерот на О. Тетово, на чија страница може да се влезе со двата називи на градот – вели директорот на МАРНЕТ Бидиков.

-Правилникот на МАРНЕТ, како институција одговорна за домените исклучиво ги опфаќа правата и условите за регистрација во овие технички форми, не можеме ние да ставаме правила како би гласело она што потенцијалната општина, физичко, правно лице или друга владина институција како би сакале да биде пред она што е дефинирано во правилникот како име на доменот. Сепак станува збор за процес на свесност, едукација и потреба да се достават информациите до своите граѓани. Во конкретниот случај треба да се опфатат сите називи, односно сите начини на читање на соодветниот назив на општината. - Владислав Бидиков – Директор на МАРНЕТ

Во однос на тоа дека во моментов нема соодветни стандарди покажува тоа што и дел од државните институции поради маркетинг-причини користат имиња кои често можат да го доведат во забуна оној кој пребарува, како што се finance.gov.mk, centar.gov.mk како и нбрм.мк.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Експлозија во руско-кинески комплекс вреден 10 милијарди долари

Еден кинески работник загина, а повеќе од сто други се повредени во пожар што избувнал денес во Гасно-хемискиот комплекс „Амур“ (AGCC) на рускиот Далечен Исток. 

Видео: Експлозија во руско-кинески комплекс вреден 10 милијарди долари

Компанијата ја потврди оваа информација.

Комплексот „Амур“, лоциран во близина на градот Свободни во Амурската област, е заеднички проект вреден 10 милијарди долари меѓу рускиот петрохемиски гигант „Сибур“ и кинеската државна компанија „Синопек“.

Објектот е проектиран да стане еден од најголемите погони за производство на полимери во светот, а во моментот на несреќата се спроведуваа завршни испитувања. Почетокот на работата беше планиран за 2027 година.

Според официјално соопштение, пожарот избувнал во помошен дел од постројката за пиролиза, но главната опрема не била оштетена. Деветнаесет работници биле хоспитализирани со повреди кои се движеле од умерени до тешки.

Уште 104 работници добиле медицинска помош за полесни повреди, како што се исеченици и нагмечувања.

Компанијата исто така потврди смртен случај на својата веб-страница. „И покрај брзата медицинска помош, еден повреден работник – кинески државјанин ангажиран од подизведувач – не преживеа“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Директорот Гоце Димовски во работна посета на ТИРЗ Тетово и ТИРЗ Кичево

Во рамки на активната комуникација со сите инвеститори и партнери, директорот Гоце Димовски денес беше во работна посета на ТИРЗ Тетово и ТИРЗ Кичево.

Директорот Гоце Димовски во работна посета на ТИРЗ Тетово и ТИРЗ Кичево

Во рамки на активната комуникација со сите инвеститори и партнери, директорот Гоце Димовски денес беше во работна посета на ТИРЗ Тетово и ТИРЗ Кичево, каде беа остварени средби со приватниот партнер Нормак, менаџментот на компанијата Џаво Отомотив и менаџментот на компанијата Џојсон Сејфти Системс.

Во ТИРЗ Тетово, директорот Димовски оствари средба со генералниот директор на Нормак, Александар Зарков, при што беа разгледани тековните активности во зоната, можностите за понатамошен развој на инфраструктурата, како и мерките за подобрување на условите за работа.

По средбата со Нормак, директорот Димовски се сретна и со менаџментот на Џаво Отомотив. На средбата беа разгледани тековните активности поврзани со реализација на инвестицијата, како и следните чекори во развојот на компанијата во рамки на ТИРЗ Тетово.

Посетата продолжи во ТИРЗ Кичево, каде директорот Димовски се сретна со менаџментот на Џојсон Сејфти Системс. На средбата се разговараше за досегашното работење на компанијата, тековните активности и плановите за понатамошен развој. Притоа, беа разгледани и можностите за дополнителна поддршка од страна на Дирекцијата во насока на олеснување на работењето и реализација на идните развојни планови на компанијата.

Денешната посета на ТИРЗ Тетово и ТИРЗ Кичево е дел од континуираната определба на Дирекцијата за ТИРЗ за директна комуникација со инвеститорите и партнерите и следење на состојбите на терен. Главната цел и натаму останува навремено идентификување на потребите на компаниите, унапредување на условите за работа и создавање предуслови за нови инвестиции и отворање нови работни места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија се соочува со сериозна закана, кажа Мерц откако бил пронајден уште еден вооружен дрон кај аеродромот во Лајпциг

Експлозивни дронови пронајдени во близина на аеродромот во Лајпциг покажуваат дека Германија е под закана, изјави канцеларот Фридрих Мерц откако беше објавено дека бил откриен уште еден ваков уред.

Германија се соочува со сериозна закана, кажа Мерц откако бил пронајден уште еден вооружен дрон кај аеродромот во Лајпциг

„Нападот со беспилотни летала во Лајпциг, меѓу другото, покажува дека се соочуваме со многу реални закани. германија е под зголемен надзор од хибридни напаѓачи“, рече Мерц. Германските власти за борба против тероризмот отворија истрага на 5 август откако еден вработен на аеродромот во Лајпциг пронајде дрон што носел експлозивна направа, на која детонаторот очигледно откажал. Истражителите пронашле уште еден дрон на 14 август во близина на аеродромот во Лајпциг.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер