Седумдесет и едногодишниот поглавар ја предводеше неделната молитва „Ангел Господов“ од балконот на Апостолската палата – истото место од каде што, една недела претходно, објави дека ќе мора да биде опериран. Илјадници верници се собраа на плоштадот „Свети Петар“ за да го поздрават, пренесува „CNN“.

Папата изрази благодарност до медицинскиот тим за грижата, како и до сите што се молеа за него. Тој додаде дека постепено им се враќа на своите папски должности. Неговото појавување се совпадна со Римскиот маратон, додека илјадници тркачи поминуваа по главната сообраќајница што води кон плоштадот „Свети Петар“. Сепак, точно напладне, сите погледи беа вперени кон прозорецот на Апостолската палата, од каде што Лав XIV ѝ се обрати на толпата со цврст и силен глас.

Папата вчера беше отпуштен од болницата „Џемели“ по операцијата на белите дробови, при што му беше отстранет израсток. Подоцна беше потврдено дека станува збор за аденокарцином, најчестиот вид на рак на белите дробови. Веста за дијагнозата на рак, објавена пред четири дена, беше изненадување за Ватикан и за католичкиот свет, бидејќи Папата беше познат по својата добра физичка состојба.

Патувањето во Латинска Америка ќе се реализира според планот

Лекарите известуваат дека Папата добро закрепнува и сметаат дека е во состојба да патува во Латинска Америка – посета што е закажана за периодот од 6 до 17 ноември. „Би рекол дека нема клинички причини поради кои ова патување не би можело да се реализира“, изјави за „Ватикан њуз“ професорот Стефано Маргаритора, хирургот што го оперираше Папата.

Посетата на Папата на Латинска Америка ги опфаќа Уругвај, Аргентина и Перу. Лав долги години служел како мисионер и бискуп во Перу. Во планот на патувањето е вклучен и престој во Куско, град што се наоѓа на надморска височина од приближно 3.350 метри, каде што нивото на кислород во воздухот е за околу една третина пониско отколку на нивото на морето.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Единицата за насилен криминал-Одделението за крвни и сексуални деликти при СВР Скопје поднесе кривична пријава по брза постапка против К.М.(36) и С.Б.П.(22) двајцата од Турција поради постоење основи на сомнение дека со уште едно лице исто така од Турција извршиле кривично дело „убиство во обид“ по член 123 вв член 19 од Kривичниот законик. Имено истите во стан на подрачјето во Карпош физички ги нападнале и со остар предмет им нанеле повреди на две лица од Турција на возраст од 26-години, а во станот биле и две женски лица, a потоа пријавените се дале во бегство. По преземени мерки од страна на полициски службеници од СВР Скопје двете лица се пронајдени и лишени од слобода на ул.„Јадранска Магистрала“ во Скопје, а се преземаат мерки за пронаоѓање и на третото лице.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други демонстранти го однеле во медицинскиот центар Шато д'О, каде што починал пред влезот, објави „BFMTV“.

Префектурата на париската полиција во своето најново соопштение соопшти дека смртта се должи на кардиореспираторен застој.

Префектурата на Париз, исто така, соопшти дека 855 лица се приведени во француската престолнина, што е рекорден број.

„13 полицајци се повредени, како и двајца пожарникари“, се вели во соопштението.

Во меѓувреме, префектот на департманот Горна Вјена, Морис Барат, изјави дека пожарот во градското собрание во Лимож е локализиран.

„Пожарот е подметнат“, објави Барат, осудувајќи го чинот, критикувајќи ја „дивата орда“ што го предизвика пожарот и сериозно ја оштети општинската зграда од 19 век.

Во Лимож, за време на демонстрациите беа приведени 17 лица, вклучувајќи седум малолетници, изјави канцеларијата на градскиот обвинител за „BFMTV“.

🚨 Omo this protest in France is becoming another thing!!!👀 Just look at how they're destroying properties, brands, companies.. 🙆🙆🙆 https://t.co/qFkvWNbb1i

— Okah Chekwube Solomon (@Sologlobal8) October 18, 2026

Отворена е истрага за „уништување на имот со опасни средства од страна на организирана група“.

„Некои граѓани беа нападнати и на маргините на собирот. Жртвите ќе бидат евидентирани што е можно поскоро“, соопшти канцеларијата на обвинителот.

Насилството избувна низ цела Франција во саботата во најновиот бран демонстрации против лошите услови во училиштата и високите трошоци за живот.

Француската влада соопшти дека имало „ескалација на насилството“, проценувајќи дека околу 550.000 луѓе излегле на улиците на француските градови.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.