Вулин и Поповиќ во Москва на средби со Шојгу и Решетњиков - Канал 5

Балкан

Вулин и Поповиќ во Москва на средби со Шојгу и Решетњиков

Вулин на средбата со секретарот на Советот за безбедност на Руската Федерација, Сергеј Шојгу, разговараше за „актуелната безбедносна ситуација во Србија“.

Вулин и Поповиќ во Москва на средби со Шојгу и Решетњиков

Српскиот вицепремиер Александар Вулин и министерот за меѓународна соработка Ненад Поповиќ- и двајцата на црната листа на САД- а кои во повеќедневна посета на Москва, денеска остварија средби со Сергеј Шојгу и министерот за економски развој на Русија Максим Решетњиков, јави дописникот на МИА од Белград.

Вулин на средбата со секретарот на Советот за безбедност на Руската Федерација, Сергеј Шојгу, разговараше за „актуелната безбедносна ситуација во Србија и активното учество на странските сили во вештачко предизвикување тензии во Србија“.

-Вицепремиерот на Србија им се заблагодари на руските безбедносни структури кои го предупредија раководството на Србија за подготовка на масовни немири и обид за државен удар, се наведува во соопштението на српската влада.

Во него се додава дека Вулин истакнал дека Србија и е благодарна на Русија за нејзината континуирана поддршка во сите тешки прашања, за нејзината конзистентна позиција за непризнавање на Косово, како и за соработката и помошта на српскиот народ во борба против усвојувањето на резолуцијата за Сребреница во Генералното собрание на ОН.

Министерот Поповиќ на средбата со колегата Решетњиков, истакнал дека меѓу Србија и Русија остануваат силни партнерски односи и деловни контакти во областа на енергетиката, транспортот и инфраструктурата.

-Министерот Решетников оцени дека постои потенцијал за отпочнување на нови проекти во областа на здравството, туризмот и високите технологии и потсети на важноста од дејствување преку Руско-српскиот деловен совет, се наведува во соопштението од кабинетот на министерот Поповиќ.

Вчера Вулин имаше средба со советникот на претседателот на Руската Федерација, Владимир Путин, за надворешни работи, Јуриј Ушаков, на која според соопштението од неговиот кабинет ијзавил дека „Србија е единствената земја во Европа која не станала дел од антируската хистерија и нема воведено санкции на Руската Федерација“.

Тој беше и на откривањето на споменикот на југословенските партизани во Москва каде изјави дека„Србите и Русите сами ја избориле својата слобода во Втората светска војна и дека им донеле слобода на другите народи, но тие народи никогаш не им опростиле што се ослободени од нацизмот“.

Спорд руските медиуми, срспкиот вицепремеир ќе одржи широк спектар на состаноци, а покрај разговорот со Сергеј Шојгу тој ќе разговара и со шефот на руската дипломатија Сергеј Лавров, и претставници на безбедносниот сектор. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Драма во близина на Атина: Огнот голта куќи и шуми

Голем шумски пожар, кој од областа Виотија се прошири кон Атика и подрачјето на Порто Гермено, зафати голема површина, а во неговото гаснење од утринава се вклучени девет противпожарни возила и четири хеликоптери.

Видео: Драма во близина на Атина: Огнот голта куќи и шуми

Пожарот се ширеше на два фронта, а во близина на градот Псата беше издадено предупредување за евакуација на жителите кон Алепохори и Мегара, објави ЕРТ.

Како мерка на претпазливост, во текот на ноќта беа евакуирани и населбите Агија Параскеви, Агиос Нектариос и Крио Пигади.

За време на операцијата за спасување, припадници на крајбрежната стража и на противпожарната служба со чамци евакуираа 12 лица кои беа заробени на плажата во Порто Гермен. Сите беа безбедно пренесени во Алепо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА: Инфантино се откажа од спорните инвестициски планови

Светската куќа на фудбалот, (ФИФА) се откажа од идејата за продажба на дел од правата за Светското првенство на приватни инвеститори.

ФИФА: Инфантино се откажа од спорните инвестициски планови

Претходно, европската УЕФА, Азиската фудбалска конфедерација и КОНКАКАФ (земјите од Северна и Средна Америка) се изјаснија против, а сите 55 европски национални асоцијации донесоа радикална одлука, гласаа за целосен бојкот на сите натпреварувања на ФИФА (вклучувајќи ги и Светските првенства за мажи и жени).

Претседателот на ФИФА, Џани Инфантино, потврди дека се откажал од планот.

„Проектот FIFA Forward Enterprise беше замислен како основа за понатамошно зајакнување на членките на ФИФА и развој на нашиот спорт низ целиот свет – особено во земјите каде што поддршката е најпотребна. Сепак, како што наведовме од самиот почеток, имплементацијата на проектот беше можна само со поддршка на мнозинството членки на ФИФА и преку консултации со нив, Советот на ФИФА, конфедерациите и другите засегнати страни.“

Откако внимателно ги сослушавме сите мислења, дојдовме до заклучок дека проектот предизвикал таква контроверзност што, без оглед на нивото на поддршка, тој повеќе не ја исполнува својата првична намена.

Нашата цел отсекогаш била и останува иста – да се обединиме и да се подобриме.

Во овој поглед, имплементацијата на овој предлог нема да се случи.

„Во наредните денови и недели, имам намера повторно да ги соберам сите засегнати страни – во духот на заедничкиот интерес за нашиот спорт и со цел да продолжиме да го развиваме фудбалот насекаде, особено во оние земји на кои им е најпотребна нашата поддршка“, рече Инфантино во соопштението објавено на веб-страницата на ФИФА.

Има шпекулации дека Инфантино ја изгубил поддршката од функционерите на ФИФА и контролата врз организацијата, па затоа може да се очекува дури и негова оставка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Земјотрес во Италија близу Неапол, 21 повреден, двајца во критична состојба (

Земјотрес со јачина од 4,7 степени според Рихтеровата скала го погоди вулканското подрачје Кампи Флегреи во близина на Неапол, при што се повредени 21 лице, а двајца од нив се во критична состојба.

Земјотрес во Италија близу Неапол, 21 повреден, двајца во критична состојба (

Националниот институт за геофизика и вулканологија (INGV) регистрираше земјотрес во саботата навечер на длабочина од три километри, објави порталот „Италпрес“.

Неколку часа подоцна, околу 22 часот, беше регистриран уште еден земјотрес со јачина од 3,8 степени, а потоа беа забележани уште триесетина помали земјотреси.

Земјотресот силно се почувствува во Неапол, каде што многу граѓани излегоа на улиците, а во некои делови од градот беше пријавен прекин во снабдувањето со електрична енергија.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер