Вуков тестираше на Муџело, целта останува иста! - Канал 5

Други спортови

Вуков тестираше на Муџело, целта останува иста!

Македонскиот автомобилист Ристо Вуков во текот на вчерашниот ден одработи тест во пресрет на новата трка од шампионатот на Порше Карера Куп Италија.

Вуков тестираше на Муџело, целта останува иста!

Со својот тим „GDL Racing“, Вуков вчера беше на патеката Муџело, позната како дом на италијанското мотоциклистичко гран при, но Формула 1 исто така дебитираше на оваа патека во 2020 година како Голема награда на Тоскана.

- Има три причини зошто сум тука: првенствено тимскиот шеф Џанлука ди Лоренцо во евалуацијата што ја направи меѓу двете сезони оцени дека многу време губам на почеток од гран при викендот поради фамилијаризацијата со патеките, а второ е тоа што годинава имаме нов автомобил кој е сосема поразличен од претходниот. Третата причина е што во календарот за 2022 година е направена измена, па последната трка што требаше да се вози на патеката Франчакорта крај Бреша, ќе се организира на Муџело, што значи дека оваа патека ќе се вози два пати оваа сезона,- изјави Вуков.

Не сакајќи да влегува во детали за тестирањето, Вуков порача дека останува оптимист во пресрет на третиот настап оваа година.

- Не сакам да давам никакви бомбастични изјави, целта отсекогаш е иста, пласман на подиум, без оглед за која трка станува збор. Во текот на денешниот ден тука тестираа различни возачи, со различни автомобили, од различни тркачки серии, па немам директен репер. Најголемиот дел од тестот го правев со возење на стари пневматици, па за време на официјалниот гран при викенд ќе се фокусирам на унапредување на сет-апот со нови гуми за квалификациите.

Фактот дека Муџело ќе биде домаќин на две трки од календарот на Порше Карера Куп Италија, сепак има големо значење што Вуков го интерпретира на свој начин.

- Имавме план да возиме шест сесии по 35 минути, но поради променливите временски околоности реализиравме само три. И тие беа доволни за уште еднаш да се уверам во различната природа на двата автомобила со кои досега се натпреварував, а стекнатото искуство го сметам за драгоцено. Ова тестирање ми помогна да се адаптирам и да ги дознаам моите преференции околу штелувањето на возилото. Имам позитивни искуства од експериментирањето при некои штелувања на задното крило и баланс-штанглата, навистина подобро го разбирам автомобилот и очекувам да успеам да склопам конкурентни времиња во круг што ќе направат да се борам за подобри позиции.

Вуков на претходните трки во Имола и Мизано на четири пати освојуваше бодови, но иако успеваше да влезе во првата десетка, поради разни малерозни ситуации не успеваше да се етаблира меѓу водечките. Во моментов тој има 13 бода и се наоѓа на 14 место од 38 возачи.

Третиот гран при викенд во Муџело е предвиден да се организира идниот викенд, на 16 и 17 јули, со две трки распоредени во сабота и недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Чешка ќе ги забрани мобилните телефони во училиштата

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

Чешка ќе ги забрани мобилните телефони во училиштата

Чешката влада поднесе закон за забрана на мобилните телефони во училиштата од септември 2027 година, потврди премиерот Андреј Бабиш, приклучувајќи се кон растечкиот глобален притисок за ограничување на времето што децата на училишна возраст го поминуваат пред екраните.

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

„Училиштата нема да можат да им дозволат на учениците да земат пауза со своите телефони од други причини“, се наведува во нацрт-законот.

Овој потег следи по мерките на други влади насочени кон ограничување на употребата на социјалните медиуми или мобилните телефони кај децата. Полска овој месец го следеше примерот на земји како Холандија, Јужна Кореја и Италија со забрана на паметните телефони во училиштата поради загриженост за нивното влијание врз концентрацијата и однесувањето на учениците.

На социјалните медиуми, Австралија беше првата што воведе забрана за пристап на деца, а Велика Британија овој месец објави забрана за лица под 16 години. Бабиш нагласи дека владата размислува и за забрана на социјалните медиуми за деца, по примерот на Франција и други земји кои зазедоа построги ставови поради перципираните негативни ефекти врз децата.

Извор: Индекс.хр

Тагови: Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ќе се согласат на сè...“

Американскиот претседател Доналд Трамп вели дека Иран ќе прифати строги инспекции додека САД и Иран водат разговори за нуклеарниот договор во Швајцарија, при што официјалните лица на двете земји даваат спротивставени изјави.

Трамп: „Ќе се согласат на сè...“

Американскиот претседател Доналд Трамп вели дека Иран ќе се согласи на обемни инспекции за оружје. Трамп ги даде забелешките во неодамнешна објава на неговиот профил на социјалните мрежи „Truth Social“.

Преговарачите од САД и Иран моментално се во Швајцарија каде преговараат за конечен мировен договор што треба да го реши проблемот со нуклеарната програма на Иран. Иранскиот режим вели дека сака да користи нуклеарна енергија само за цивилни цели, но задржува залихи од високо збогатен ураниум.

Меѓународната агенција за атомска енергија (МААЕ) постојано го повикува Иран да ја открие локацијата на своите залихи од збогатен ураниум откако САД и Израел го нападнаа Иран минатото лето.

Потпретседателот на САД, Џ.Д. Венс, денес изјави дека иранските претставници се согласиле да им дозволат на инспекторите на МААЕ да влезат во Иран.

Сепак, Министерството за надворешни работи на Иран негираше дека Техеран прифатил какви било нови обврски во врска со неговата нуклеарна програма за време на разговорите со САД овој викенд во Швајцарија.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер