Вучиќ: Вонредната состојба продолжена за уште еден месец, полициски час во текот на целиот викенд

Српскиот претседател Александар Вучиќ рече дека вонредната состојба во Србија поради пандемијата со коронавирус може да се укине во рок од еден месец, но во меѓувреме најави полициски час во текот на целиот викенд во Белград и Ниш.

Вучиќ рече дека полицискиот час ќе биде „целосен“ овој викенд од петок до понеделник наутро и дека таквата одлука би се однесувала за Белград, како најголем фокусен пункт за коронавирус во Србија и за Ниш .

„Најверојатно ќе биде од овој петок, ќе видиме кога, затоа што саботата скапо нè чинеше“, рече Вучиќ, алудирајќи на фактот дека многу граѓани го искористија убавото време и го поминаа целиот ден надвор.

Србија воведе полициски час од 17 до 5 часот наутро, а потоа дополнително ја заостри мерката со ограничување на движењето од сабота од 13 часот до понеделник во 5 часот наутро.

Вучиќ исто така рече дека не ја исклучува можноста за воведување карантин за Белград, кој е најголем фокусен пункт на коронавирусот, истакнувајќи дека мерката за 24-часовниот полициски час „не мора да има предупредувње 48 часа порано“.

Претседателот на Србија рече дека заради епидемиолошката состојба со коронавирусот, не би било можно семејствата да ги поминат велигденските празници заедно, наведувајќи дека се консултираат со експерти за потребата од порестриктивни мерки на дневна основа.

„Ги преземаме сите овие мерки за да спречиме да умреме повеќе. Ако некој е вознемирен - жал ми е, но приоритет е животот на сите“, истакна Вучиќ.

Тој истакна дека двајца војници, кои учествувале во враќање на повратниците на границата, се во сериозна состојба и дека двајца полицајци починале.

Во моментов во Србија има 2447 регистрирани случаи на инфекција и 61 смртен случај.

Од вкупниот број заразени лица кои се лекуваат во болниците, има 1349 лица , а од нив  108 се на респиратори.

Најголем проблем е преполнетоста на болниците, рече Вучиќ, истакнувајќи дека Клиниката за инфективни болести и пулмологија се под најсилен удар и дека уште една болница - белградски КБЦ „Драгиша Мишовиќ“ - исто така е „скоро полна“.

„Не е можно да се спасат сите болници од влегувањето во коронавирусот“, рече Вучиќ, повикувајќи ги граѓаните кои чувствуваат симптоми на инфекција да излезат од болниците, така што лекарите можат да ги испратат пациентите со полесна клиничка слика во привремената болница на саемот во Белград за да избегнат потешки послњедици.

Тој истакна дека тој самиот припаѓа на ранливата група затоа што е болен од срце и има висок крвен притисок, истакнувајќи дека носи маска и нараквици, но не одговори на прашањето дали е тестиран.

Вучиќ истакна дека „не пристигнале респиратори од ЕУ“, но рече дека Унијата дала пари за да плати за воздушниот транспорт на респираторите од Кина и дека фондовите на ИПА биле редефинирани.

Вучиќ истакна дека, во времето на пандемијата, на Србија најмногу и помагала Кина.

притисни ентер