Регион

Вучиќ во подкаст кај Трамп помладиот: Србија се соочува со обид за „обоена револуција“

Во интервјуто за подкастот „Triggered“ на платформата „Rumble“, чиј автор е синот на американскиот претседател Доналд Трамп, Вучиќ рече дека Србија сè уште не е членка на ЕУ и дека е земја која е на „нов пат“ кон нејзиниот развој.

Вучиќ во подкаст кај Трамп помладиот: Србија се соочува со обид за „обоена револуција“

Српскиот претседател Александар Вучиќ синоќа во интервју за подкастот на Доналд Трамп помладиот изјави дека Србија е земја која доживеа голем економски развој во последните години, држава со независен и суверен пристап кон меѓународната политика, но и земја која се соочува со протести и во која е во тек обид за „обоена револуција“ со многу пари вложени однадвор.

Во интервјуто за подкастот „Triggered“ на платформата „Rumble“, чиј автор е синот на американскиот претседател Доналд Трамп, Вучиќ рече дека Србија сè уште не е членка на ЕУ и дека е земја која е на „нов пат“ кон нејзиниот развој.

-Нашата земја минатата година беше втора најбрзо растечка економија. Оваа година веруваме дека Србија ќе биде број еден најбрзо растечка економија во Европа. Во последниве години, навистина постигнавме голем економски напредок и големо влијание врз животниот стандард на луѓето. Ситуацијата, се разбира, никогаш не е идеална и секогаш може многу да критикувате, но генерално Србија е на добар пат, изјави Вучиќ.

Тој посочи дека Србија многу инвестира во инфраструктурни работи и се обидува да привлече многу странски директни инвестиции, а тоа успешно го прави во последните години.

-Од друга страна, продолжуваме да се гордееме што имаме независен и суверен пристап кон меѓународните политички настани, актери и идеи. И тоа е она што на некој начин ја прави разликата меѓу нас и барем многу земји од Европската Унија. Од друга страна, има неколку земји во Европа кои се соочуваат со протести. Во моментов една од тие земји е Србија. Големи протести против нас поради уривањето на настрешницата на Железничката станица во Нови Сад на 1 ноември, рече Вучиќ.

Тој изјави дека „трагичната несреќа била искористена против властите, иако обвинителството покрена обвиненија против сите луѓе за кои сметаше дека се одговорни за тоа“.

-Ја завршивме нашата работа, ги исполнивме сите барања на студентите, но тоа не беше доволно. И сфатив, во средината на декември, дека ова е „обоена револуција“ во тек, увезена револуција, нешто со што не може лесно да се справиме. И не е лесно, но верувам дека сме на многу добар пат успешно да го надминеме, потенцира Вучиќ.

Вучиќ рече дека се вложени огромна сума пари од надвор, од различни земји, како и од разни фондации и агенции. Тој изјави дека има три причини зошто сакале да ја дестабилизираат Србија, а првата е тоа што „таа се развива подобро од другите земји во регионот и дека другите не сакале да го имаат тој дисбаланс“.

-Од друга страна, Србија имаше своја независна политика бидејќи бевме на украинска страна кога разговаравме за територијалниот интегритет, но во исто време бевме единствената земја што не воведе санкции кон Русија, бидејќи администрацијата на Клинтон воведе санкции против нас и ние се уште го паметиме тоа. И тоа беше една од главните причини зошто не сакавме да го направиме тоа, изјави Вучиќ.

Свет

Маж се удави додека го крштевале во езеро (Вознемирувачко видео)

Верска церемонија заврши трагично откако маж се удави во езеро во Гватемала.

Маж се удави додека го крштевале во езеро (Вознемирувачко видео)

Застрашувачката снимка го прикажува Мигел Сут (45) како стои на страната на водата длабока до половината додека членовите на христијанската црква се подготвуваат да крстат друг верник во езерото Атитлан во југозападниот град Сан Лукас Толиман, објави Дејлимаил.

Двајца мажи потоа се гледа како трчаат во водата кога лицето кое се крсти изгубило рамнотежа и паднало наназад во езерото. Сут се наведнал напред за да помогне, но и тој изгубил рамнотежа пред да исчезне под површината на водата во настанатиот хаос.

Неколку други луѓе скокнале во езерото за да го бараат Сут, а се слуша како жена извикува „Помош“. Дополнителните снимки покажаа дека групата се бори да стигне до брегот откако не успеале да го спасат Сут.

"О, се удавил. О, се удавил. Го нема", рекла загрижена жена во позадина.

„Го изнесуваат, нема спасувачи.

„И се удави оној во црно. Имаше уште еден“, рекол маж во близина на жената.

На друго видео се гледа како Мигел Сут е извлечен на брегот, каде што други верници се обиделе да го реанимираат додека не пристигнала брзата помош, која ја потврдила неговата смрт.

„Тоа беше моментална и очајна ситуација“, изјави Хуан Кук, еден од членовите на црквата, за порталот Centra News.

„Направивме сѐ што можевме да го спасиме, но не успеавме, не одговори на укажаната прва помош.“

Свет

Паника во град во Германија-сите во потера по 6- годишно дете со аутизам,го викаат и на разглас

Во германскиот град Вајлбург во тек е драматична потрага по момче со аутизам, Павлос (6), кое вчера исчезнало после училиште.

Паника во град во Германија-сите во потера по 6- годишно дете со аутизам,го викаат и на разглас

Околу 130 лица од итната помош трагаат по малото дете кое исчезнало во вторникот попладне. За него се загрижени спасувачите, семејството и целиот град.

Синоќа, откако момчето било пријавено за исчезнато, противпожарното возило емитувало гласовна порака од мајката која директно му се обраќа на момчето.

„Павлос, ова е твојата мајка. Излези и не се криј, те молам. Ни недостигаш“, рекла таа, пренесува RTL.

Од звучниците се пуштала и една од неговите омилени детски песни, пишува Билд.

Градоначалникот на Вајлбург, Јоханес Ханиш, утринава преку видео на Инстаграм вети дека секој камен ќе биде превртен додека не се најде Павлос, кој има аутизам.

Тој им се заблагодари на граѓаните за нивното сочувство и упати апел.

„Побарајте го Павлос во вашите градини, бараки, подруми и ќошиња! Ве молиме имајте ги очите отворени“, рече тој.

Можно е момчето да талкало по улиците или да се криело во канцелариите во градот. Сведоците последен пат го виделе Павлос на железничката станица Вајлбург во вторникот, откако тој го напуштил основното училиште.

Цела ноќ дежурале доброволци од полицијата, противпожарната служба, градот, спасувачките служби и Федералната агенција за техничка помош (ТХВ). Барале од воздух со хеликоптер, со брод во вода и со кучиња трагачи по нивите и ливадите. Денеска биле распоредени и хеликоптери и коњаница.

„Над 100 полицајци трагаат по Павлос“, велат властите.

Службите за итни случаи утрово одржаа брифинг.

„Потрагата ја опфаќа целата област Вајлбург. Ќе ги пребаруваме, меѓу другото, јавните згради во градот и визбите кои биле отворени во моментот кога момчето исчезнало“, изјавил за Билд портпаролот на полицијата Карстен Вернер.

Спасувачите веруваат дека Павлос можеби се криел и веројатно е исплашен.

Градоначалникот Ханиш го опиша момчето со корени од Еритреја како авантуристичко, желно да се искачи и да ужива во водата. Ова е и една од причините поради која интензивно се одвива потрагата покрај реката Лан.

Целиот град (околу 13.000 жители) френетично го бара исчезнатото дете. Многумина се надеваат дека момчето навистина нашло топло скривалиште во зграда, бидејќи ноќта надвор била студена на околу шест степени Целзиусови.

Како што информираат од полицијата, засега не се сомничи дека имало кривично дело.

Живот

Уапсена е мајка- монструм: За своето дете користела ремен со електричен шокер за кучиња

Жена е уапсена во округот Кејп Меј, Њу Џерси, поради наводна употреба на кучешки ремен со електричен шокер врз своето дете, соопшти локалното обвинителство.

Уапсена е мајка- монструм: За своето дете користела ремен со електричен шокер за кучиња

"Полицијата на Њу Џерси започна истрага на 17 март, откако дете дошло на училиште со видливи повреди на телото. Истрагата утврдила дека повредите биле предизвикани од кучешки ремен со електричен шокер.", соопшти обвинителството на Кејп Меј, пренесува Sky News.

Мајката на детето, 30-годишната Кимберли Круз-Фелисијано, е уапсена и обвинета за тежок напад, загрозување на благосостојбата на детето, манипулација на сведоци и други поврзани обвиненија.

Круз-Фелисијано е обвинета дека му се заканувала на детето со дополнително насилство доколку некому каже дека користела оглавник за кучиња со електричен шокер.

Уапсената Кимберли Круз-Фелисијано моментално се наоѓа во притворскиот центар Кејп Меј, во очекување на судење.

притисни ентер