Вучиќ: Во моментов имаме мнозинство во Собранието на Белград - Канал 5

Балкан

Вучиќ: Во моментов имаме мнозинство во Собранието на Белград

-Колку што сум информиран, имаме мнозинство за Белград, но постои разлика, изјави Вучиќ во утринската програма на ТВ Прва.

Вучиќ: Во моментов имаме мнозинство во Собранието на Белград

„Во моментов имаме мнозинство во Белград“, изјави денес српскиот претседател Александар Вучиќ во пресрет на утрешната конститутивна седница на Белградското собрание, но не ја исклучи можноста изборите да се повторат на градско ниво, јави дописникот на МИА од Белград.

-Колку што сум информиран, имаме мнозинство за Белград, но постои разлика, изјави Вучиќ во утринската програма на ТВ Прва.

Наведувајќи дека не знае дали за тоа ќе се расправа на утрешната седница, Вучиќ рече дека рокот за избор на нова власт, на претседател на градското собрание и на градоначалник на градот Белград е 3 или 4 март.

-Разговаравме за тоа. Милош (Вучевиќ), Ана (Брнабиќ) и (Александар) Шапиќ пред се. Разговаравме два-три пати. Морам да признаам дека немав време да се занимавам со тоа. Сакав да разговарам со (Бранимир) Несторовиќ, тие не го сакаат тоа и не се однесуваат - според мене - доволно одговорно, тука онака како што мислат тие дека е добро. И тоа е нивен избор, рече Вучиќ.

„Подобро да ја немаме власта, отколку таа да биде украдена“, нагласи Вучиќ и додаде дека има и други одборници, не само тие на Несторовиќ, кои би го поддржале мнозинство на СНС.

-Ние имаме легално мнозинство, не сосема и легитимно, ќе почекаме до 2 или 3 март да видиме дали ќе имаме легитимно мнозинство. Ако го немаме, ќе одиме на нови избори за град Белград, посочи Вучиќ.

Според резултатите од декемевриските избори за град Белград, коалицијата на СНС и СПС нема мнозиство за формирање на власт во градското собрание кои брои 110 одборници. И недостасуваат двајца одборници од останатите партии кои влегоа со свои изборни листи во собранието, а тоа се коалицијата Србија против насилството, коалицијата на Нов ДСС-ПОКС и движењето Ние-глас од народот на Бранимир Несторовиќ.

Вучиќ: Позицијата на Србија ќе биде потешка по смртта на Навални

Српскиот претседател Александар Вучиќ денеска изјави дека позицијата на Белград во однос на Москва ќе биде потешка по смртта на рускиот опозициски лидер Алексеј Навални и дека ситуацијата треба да се гледа во контекст на рускиот напредок во Украина и претседателските избори во САД, но ја отфрли можноста за воведување санкции кон Русија, јави дописникот на МИА од Белград.

-Смртта на Навални е „уште една искра“, а во Минхен видовме навивачки пристап, броење и сумирање како да се победи непријателот, а не долгорочен поглед на иднината, изјави Вучиќ за ТВ Прва по враќањето од Минхенска безбедносна конференција.

Вучиќ нагласи дека бил „ужасен“ кога ја слушнал веста за смртта на Навални, оценувајќи дека Србите сакаат да имаат „навивачки став“ и да прифаќаат се што им се допаѓа, а се друго да отфрлаат.

-Јас не сум истражен орган и не сум толку паметен како сите во светот кои секогаш знаат сè, кажа тој и додаде да „сега не се работи за притисок за воведување санкции кон Русија, луѓето знаат дека тоа не е можно“.

Вучиќ, коментирајќи го тоа што на Безбедносната конференција во Минхен со аплауз не ја поздравил сопругата на починатиот руски опозиционер Алексеј Навални, рече дека пред тоа Јулија Навални седела до него, но дека не знал која била таа.

-Да знаев за кого станува збор, ќе изразев сочувство, но можеби згрешив бидејќи таа веднаш рече дека не сака да и се изрази сочувство, додаде тој.

Европската унија по усвојувањето на резолуцијата за Србија, наведе Вучиќ, загуби 10 отсто од својата популарност во јавното мислење, и сега има 24 отсто од оние кои се за членство, а 26 отсто се против.

-Што направивте (ЕУ) слушајќи ги оние кои се малцинство (опозицијата) и кои не ја сакаат својата земја, а јас ќе се борам да ви ја подигнам популарноста, изјави тој.

Коментирајќи ја српската опозиција во контекст на усвојувањето на европската резолуција, рече дека поради нивната хајка, на Србија и е нанесена голема штета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мерил Стрип ќе му го позајми гласот на Аслан во новата адаптација на „Хроники од Нарнија“

Грета Гервиг ја ангажираше Мерил Стрип, со која веќе соработуваше на филмот „Мали жени“, за нејзината адаптација на фантастичната серија „Нарнија“ од К.С. Луис. 

Мерил Стрип ќе му го позајми гласот на Аслан во новата адаптација на „Хроники од Нарнија“

Стрип ќе го позајми својот глас на Аслан, митскиот лав кој го создаде магичниот свет на Нарнија со песна. Гервиг го пишува и режира проектот, кој е продуциран од Нетфликс, пишува Вариети.

Во потрага по гласот на Аслан

Во интервју за списанието Емпајр, режисерката ги објасни критериумите според кои го барала идеалниот глас за ликот на лавот. „Сакав некој што е длабок, но не и претенциозен, кој има авторитет, но не е мрачно сериозен. Некој што може да пренесе длабочина, но и чиста радост и восхит“, рече Гервиг.

„Барав личност постара од 70 години, која ќе ја почувствува мудроста на искуството, но во исто време може да се прашува како дете. Покрај тоа, таа мораше да биде една од најголемите актерки на сите времиња. Таа листа не е долга“, додаде таа.

Инспирирана од рок-операта и Дејвид Боуви

Гервиг откри дека Дејвид Боуви бил клучна инспирација, не само за изгледот на Аслан, кој ќе има очи со различна боја и црвени белези на лицето во филмот, туку и за целокупниот впечаток на филмот. Таа објасни дека сака нејзината „Нарнија“ да биде „голема и сеопфатна“ и да остави впечаток на „рок-опера“.

„Нарнија е буквално свет направен од музика. Тоа е свет што Аслан го оживеа преку песна, а за мене рокенролот отсекогаш ми изгледал како свет направен од музика“, рече таа.

Приказната, глумечката екипа и премиерата

Филмот „Внукот на волшебникот“ е првиот проект на Грета Гервиг по глобалниот успех и добитникот на Оскар филм „Барби“ со Марго Роби и Рајан Гослинг. Заплетот служи како претходник на приказната „Лавот, вештерката и гардероберот“ и ги следи две деца, Дигори и Поли. Тие прво ја откриваат „Шумата меѓу световите“, или Нарнија, откако нивниот чичко, кој го игра Даниел Крег, им дава магичен прстен.

Остатокот од глумечката екипа ги вклучува Дејвид Мекена, Беатрис Кембел, Ема Меки, Кери Малиган и Киран Хајндс. Иако премиерата првично беше планирана за крајот на ноември 2026 година, филмот „Нарнија: Внукот на волшебникот“ ќе пристигне во кината на 12 февруари 2027 година. Ќе биде достапен на Нетфликс од 2 април истата година.

Тагови: Мерил Стрип

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европол го откри идентитетот на 18 деца од снимките со сексуално злоставување

Во најновата меѓународна операција, Европол идентификуваше 18 деца жртви на сексуална злоупотреба низ целиот свет.

Европол го откри идентитетот на 18 деца од снимките со сексуално злоставување

Истражители и експерти од 28 земји учествуваа во двонеделната операција во седиштето на Европол во Хаг, кои заедно се обидоа да го утврдат идентитетот на децата прикажани во материјалите за сексуална злоупотреба и да ја пронајдат нивната локација, објави хрватски Индекс.

Тие бараат траги во фотографии и видеа

Тоа е Работната група за идентификација на жртви на Европол (VIDTF), која собира специјализирани истражители за анализа на нерешени случаи на сексуална злоупотреба на деца.

Истражителите ги разгледуваат фотографиите, снимките и другите податоци барајќи траги што можат да го откријат идентитетот или локацијата на жртвата и сторителот. Комплети поврзани фотографии и видеа се внесуваат и во меѓународната база на податоци за сексуална експлоатација на деца на Интерпол, што им овозможува на полициите од различни земји да споредуваат податоци.

Европол ја организира оваа работна група од 2014 година. Целта не е само да се открие кој го произвел или споделил материјалот, туку пред сè да се идентификуваат децата на него, за да може националната полиција да ги пронајде и заштити.

Оваа година учествуваше и хрватската полиција

Хрватската полиција учествуваше во претходното, 18-то издание на работната група на Европол, одржано од 13 до 24 април.

Потоа 34 експерти од Европол и Интерпол и претставници од 31 земја анализираа повеќе од 317 сетови податоци. Идентификувани се 12 деца, а пронајдени се 204 траги и проследени до националните власти за понатамошна истрага.

Во таа акција учествуваше и полицаец од Хрватската служба за кибербезбедност. Хрватското Министерство за внатрешни работи објави дека анализата идентификувала еден малолетник за кој постои сомневање дека бил сексуално експлоатиран и дека е во тек кривична истрага.

Според податоците на хрватската полиција објавени во април, во работењето на оваа работна група од 2014 до 2026 година се анализирани 8.585 сетови податоци. Последователните истраги од националната полиција доведоа до идентификација и заштита на 1.190 жртви и апсење на 330 сторители.

Тагови: деца Европол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Верстапен победи 100 возачи во картинг- користеше трикови од детството (ВИДЕО)

Макс Верстапен откри дека техниката на картинг, научена на седумгодишна возраст, била клучна за неговата победа против 100 аматерски возачи на настанот во Силверстоун. 

Верстапен победи 100 возачи во картинг- користеше трикови од детството (ВИДЕО)

Четирикратниот светски шампион во Формула 1 ја престигна целата стартна линија за само 14 круга и 35 минути.

Настанот „Макс против 100“, кој беше емитуван во живо на Disney Plus и ESPN, му постави на Верстапен јасна задача. Тој мораше да стартува од последното, 101-во место и за максимум 75 минути, односно 35 круга, да ги престигне сите конкуренти. Беа возени идентични картинг возила со еднаква тежина, а возачот ќе биде елиминиран штом Верстапен ќе го помине. Освен него, стартната линија ја сочинуваа спортисти на Ред Бул од други дисциплини, креатори на содржини и новинари.

Верстапен ја заврши задачата без навидум никакви проблеми. Веќе до крајот на првиот, хаотичен круг, тој стигна до 37-то место, и покрај краткиот прекин на трката поради пад и заминување на неколку картинзи. Стартот беше клучен.

Холанѓанецот објасни по трката дека ја користел таканаречената техника на „отскокнување“ за да добие забрзување. „Го научив тоа на седумгодишна возраст во картинг. Имав стартови со застој и морав да го правам истото!“, рече 28-годишникот. Оваа тактика му овозможи буквално да летне од почетната позиција.

Доминација на патеката

Иако призна дека бил малку загрижен кога видел 100 картинзи пред себе, сите сомнежи исчезнаа по почетниот пробив. „По првиот круг и општиот хаос, си помислив: „Добро, го имаме ова под контрола“. Од тој момент навистина можев да се забавувам бркајќи ги“, рече Верстапен.

За време на трката, тој исто така користеше кратенка низ тревата во првиот круг за да избегне судири, а имаше и пристап до радио комуникациите на другите возачи. Тој му рече на еден стример што минуваше дека „ова не е хуманитарна трка“.

До почетокот на шестиот круг, тој веќе беше на десеттото место. Другите возачи имаа право на еден „брз круг“, односно можност еднаш да ја скршат кривината, но дури ни тоа не им помогна против рекордерот по број на победи во една сезона во Ф1.

Победа и враќање кон корените

До десеттиот круг, во трката останаа само холандскиот новинар во Ф1, Џеки Мартенс, механичарот на Ред Бул, Луис Ослер, и јутјуберот Зак Алсоп. Последен што го престигна Верстапен беше Мартенс, кој стартуваше од првата позиција. Со ова го заврши предизвикот неверојатни 40 минути и 21 круг пред да истече времето.

„Ова е мојата прва победа оваа година, па со задоволство ќе ја прифатам“, се пошегува Верстапен додека го собираше трофејот, со оглед на тоа што моментално е шести во пласманот на возачите во Формула 1.

Конечно, тој додаде дека уживал во враќањето кон своите корени. „Беше одлично што се вратив во картинг. Ме потсети на трките од моите помлади денови. Патеката беше добро дизајнирана, многу се забавував и ми е мило што на крајот победив“, заклучи тој.

Тагови: Макс Верстапен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер