Вучиќ утрово го посети Дачиќ во болница, состојбата на српскиот министер за внатрешни работи е подобра - Канал 5

Балкан

Вучиќ утрово го посети Дачиќ во болница, состојбата на српскиот министер за внатрешни работи е подобра

Претседателот на Србија, Александар Вучиќ, изјави дека утрово е малку подобра состојбата на министерот за внатрешни работи, Ивица Дачиќ.

Вучиќ утрово го посети Дачиќ во болница, состојбата на српскиот министер за внатрешни работи е подобра

Претседателот на Србија, Александар Вучиќ, изјави дека утрово е малку подобра состојбата на министерот за внатрешни работи, Ивица Дачиќ, кој вчера беше примен во болница со тешко воспаление на белите дробови и е во тешка здравствена состојба, интубиран и на респиратор.

Вучиќ го посети Дачиќ утрово пред да замине за Казахстан, а на Инстаграм од авионот напиша дека лекарите велат дека на Дачиќ му е нешто подобро и оти верува во него.

- Го посетив Ивица утрово и Дачиќ е подобро, тоа е добра вест, секако претпазливост е и понатаму неопходна и ништо не е извесно, но подобро е, на радост на неговото семејство и на сите луѓе кои го сакаат – рече Вучиќ во говорната порака објавена преку Инстаграм.

Потпретседателот на Владата на Србија и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија при Клиничкиот центар на Србија поради тешко воспаление на белите дробови. Помошник-директорот за пулмологија, Спасоје Попевиќ, синоќа за Танјуг изјави дека ситуацијата е многу тешка и оти Дачиќ има тешка пневмонија и дека претстојните 72 часа ќе бидат клучни.

- Моментално е на механичка вентилација – респиратор, го добива сето она што е потребно, сите лекови, терапијата. Со тој респиратор, кој е начин на лекување, ние купуваме време кое е потребно за тие лекови да делуваат и се бориме за неговиот живот – рече Попевиќ. Тој прецизираше дека министерот Дачиќ е хоспитализиран во 16:30 часот и додаде дека не може да дава никакви прогнози.

Тагови: Александар Вучиќ Дачиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кремљ: САД не сакаат економска соработка пред договорот со Украина, жалиме за тоа

Русија продолжува со економските преговори со САД, објави Кремљ, но Американците продолжуваат да ги поврзуваат преговорите со војната во Украина.

Кремљ: САД не сакаат економска соработка пред договорот со Украина, жалиме за тоа

Во своето редовно обраќање до медиумите, портпаролот на рускиот претседател Дмитриј Песков рече дека специјалниот претседателски претставник Кирил Дмитриев сè уште разговара со американските претставници за економски прашања.

„За жал за нас, и покрај очигледните придобивки, Американците продолжуваат да го поврзуваат целиот овој процес со решавање на украинското прашање. Тие велат дека прво мора да се постигне договор, а проектите можат да се спроведат само потоа. Веруваме дека не мора да чекаме. Веќе можеме да работиме за взаемна корист сега. Контактите сè уште продолжуваат, како и дијалогот, и ова е многу позитивен процес“, нагласи тој.

„Наместо да се стреми кон смирување на тензиите, Европа гради свој безбедносен идентитет“

Песков не наговести дека е постигнат некаков напредок во преговорите со Украина. „Украина не се приближи до преговори. Европа исто така не се приближи до преговори и продолжува да го попречува продолжувањето на процесот на преговори“, тврдеше тој.

Тој, исто така, зборуваше негативно за „градењето на свој безбедносен идентитет“ од страна на Европа. „Наместо да бара начини за смирување на тензиите, така што таквите механизми едноставно нема да бидат потребни, Европа одлучи да изгради свој безбедносен идентитет“, рече тој.

Тој, исто така, ги коментираше руските предупредувања за последиците од можните обиди за блокирање на Калининград, поврзувајќи ги со продолжувањето на милитаризацијата на Европа. „Во кој контекст беа дадени тие изјави? Во контекст на тековниот процес на прилично брза милитаризација на Европа и европските земји“, заклучи тој.

Тагови: кремљ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мисајловски: Како договорот за набавка на „Страјкерите“ поскапел за 36 милиони евра ?

Договорот за набавка на 8-те хеликоптери не е сосема јасно како преку ноќ  поскапел за 36 милиони евра и тоа само на неколку дена пред завршување на постапката .

Мисајловски: Како договорот за набавка на „Страјкерите“ поскапел за 36 милиони евра ?

Договорот за набавка на 8-те хеликоптери не е сосема јасно како преку ноќ поскапел за 36 милиони евра и тоа само на неколку дена пред завршување на постапката и потпишување на договорот, изјави министерот за одбрана Владо Мисајловски во вечерашното Само Интервју..

Министерот за одбрана повика надлежните да ја истражат постапката..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Македонија и САД, сојузништво засновано на доверба, поддршка и пријателство

Премиерот Христијан Мицкоски на ФБ објави фотографија со американскиот претседател Доналд Трамп при неодамнешното учество на Генералното собрание на Обединетите нации во Њујорк. 

Мицкоски: Македонија и САД, сојузништво засновано на доверба, поддршка и пријателство

„Македонија и САД, сојузништво засновано на доверба, поддршка и пријателство.“, објави Мицкоски во описот на фотографијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер