Вучиќ - Столтенберг: Имаме поинакво гледање на настаните во Бањска

Имаме поинакво гледање на настаните во Бањска, но добро ги разбираме барањата на НАТО и Западот.

„Имаме поинакво гледање на настаните во Бањска на северно Косово, но ги разбираме барањата на НАТО и Западот, изјави српскиот претседател Александар Вучиќ по средбата во Белград со генералниот секретар на НАТО, Јенс Столтенберг, кој побара „сторителите на овие настани да бидат изведени пред лицето на правдата“, јави дописникот на МИА од Белград.

-Разговаравме и за тензиите на северот на Косово и за важноста на мировната мисија КФОР, која веќе две децении ја гарантира безбедноста и ќе продолжиме да го правиме тоа непристрасно во рамките на мандатот. Припадниците на КФОР претрпеа напади, видовме немири во септември, сторителите мора да бидат изведени пред лицето на правдата, рече Столтенберг.

Тој посочи дека КФОР распоредил 1.000 војници на Косово, што е најголемото засилување во изминатата деценија.

-Сметам на сите страни да ги намалат тензиите и да се воздржат од ескалација на акции. Трупањето сили на српската војска во близина на премините (границата) нема да помогнат, рече тој.

Столтенберг го поддржа формирањето на ЗСО и ги повика Белград и Приштина да се ангажираат во дијалогот, што е единствениот начин за конечниот мир и стабилност.

Српскиот претседател се повика на изјавата на Столтенберг дека КФОР обезбедува мир и безбедност за сите заедници во Косово, дообјаснувајќи „да немаше потреба да се обезбеди мир и безбедност за никој друг, освен за Србите, кои се единствените кои се напаѓани“.

-Само Србите се напаѓани од 2001 година, особено откако Албин Курти е на власт. Го информирав Столтенберг за фактот дека 13 отсто од Србите го напуштиле северот на Косово само во минатата година поради огромниот притисок, апсењата, малтретирањето и заканите од режимот во Приштина, рече Вучиќ.

Тој кажа дека има поинаков поглед на она што се случи во Бањска, но и да добро разбира кои се барањата на Западот, а кои барањата на НАТО, рече Вучиќ.

-Но, кому му е гајле за правото, кому му е гајле за ОН и резолуцијата 1244, па тоа произведе да дојде до таква ситуација во Бањска, со што секако не се согласуваме, и затоа согласно нашето законодавство, ќе ги направиме одговорни оние кои учествувале во извршувањето на кривичните дела во Бањска, рече Вучиќ.

Тој додаде дека „српската војска не ги пречекорила своите овластувања, имала коректен однос со НАТО и КФОР, а каде ќе се распоредува војската е нашата работа“.

Генералниот секретар на НАТО рече и дека разговарале за повторно одржување на заедничките воени вежби на Србија и НАТО на што Вучиќ кажа дека секогаш ќе соработува со НАТО, и дека како врховен командант, ќе испрати барање до Владата да ја разгледа одлуката за почеток на одржување заеднички вежби со НАТО што биле и претходно.

Најчудна тепачка досега: Се степаа голтач на пламен и маријачи, не поминаа добро(ВИДЕО)

Надзорните камери во мексиканскиот град Морелија ја снимија можеби најбизарната тепачка досега.

Од една страна ги имаме маријачи (популарно име за музичари кои свират традиционални песни), а од друга улични забавувачи. Се шпекулира дека проблемот настанал околу „територијалната поделба“, пренесува Oddity Central.

Нереалните снимки, започнаа со пресметка меѓу еден од музичарите и забавувачите.

Неговите колеги наскоро пристигнуваат, решени да го совладаат својот ривал. И тогаш работите се свртуваат во спротивна насока.

Типот не е обичен уличен забавувач, туку голтач на пламен. На видеата може да се види како маријачите се „покриени“ со оган, додека во неверување бегаат. Некои од нив завршија со изгорени кошули.

За ситуацијата да биде уште полуда, сѐ се одвиваше пред ресторанот наречен „Ел Инферно“ (Пекол).

Локалните медиуми јавуваат дека само уличниот забавувач контактирал со лекарите, а од видеата се гледа дека со оган ги „зафатил“ своите ривали.

Од полицијата велат дека ваквите конфликти се чести и дека забавувачите се борат за подобри позиции, каде што можат да заработат поголем профит. Конкуренцијата е голема, а се случувало и актерите да повлечат огнено оружје.

Добитничка на Нобеловата награда за мир тврди дека Закерберг и Маск се „најголеми диктатори“

Добитничката на Нобеловата награда за мир Марија Реса ги нарече најголеми диктатори првите луѓе на социјалните мрежи како Марк Закерберг и Илон Маск.

Реса, кој доби награда за одбрана на слободата на медиумите во 2021 година, истакна дека овие технолошки лидери се многу поголеми диктатори од поранешниот претседател на Филипините, Родриго Дутерте.

Говорејќи на книжевен фестивал, Реса нагласи дека Закерберг и Маск покажуваат дека луѓето ширум светот, без разлика на култура, јазик или географија, се послични отколку што мислиме, бидејќи сите сме манипулирани на ист начин. Социјалните медиуми имаат моќ да го „променат начинот на кој се чувствуваме“, што пак „го менува начинот на кој го гледаме светот и начинот на кој дејствуваме“.

Реса, исто така, истакна дека онлајн дебатите за идентитетската политика предизвикале слични случаи на поларизација низ светот. Овие разговори поттикнуваат прашања за кои мислиме дека се израз на нашата слободна волја, но тие навистина не се, додаде таа.

„На Филипините тоа беше поделбата меѓу богатите и сиромашните. Во САД тоа е прашање на раса“, рече Реса, според „Гардијан“.

Реса предложи два начини да се намали контролата што технолошките компании ја имаат врз нас. Прво, таа предложи да се укине членот 230 од Законот за пристојност на комуникациите од 1996 година, кој ги штити интернет компаниите од тужби за содржина објавена од нивните корисници. Второ, таа ги советуваше родителите да не им дозволуваат на своите деца пристап до социјалните мрежи додека не станат доволно зрели, бидејќи овие платформи се „малку зависни“.

Иако смета дека се добри обидите за забрана на кинескиот TikTok во САД и Италија, таа истакна дека проблемот не е само TikTok, туку сите социјални мрежи и интернетот во целина. „Со генеративната вештачка интелигенција, квалитетот на информациите што ги добиваме веќе се влошува“, предупреди Реса.

Конечно, Реса ги покани присутните да се вратат во реалниот свет и да се организираат со своите семејства и пријатели. „Информациските операции се насочени кон вас, а кога ќе станете дел од тој процес, ќе станете дел од тимот за тестирање на информации“, заклучи таа.

Американец преживеа напад на мајка гризли, има страшни повреди (ФОТО)

Шејн Патрик (35) имал среќа што останал жив кога бил нападнат од мајка гризли за време на престојот во шума во Вајоминг, САД, каде отишол да фотографира сив був.

Поранешниот американски војник планирал да помине извесно време во мир и да фотографира бувови, но женката мечка му пореметила сѐ и за малку ќе го убиела.

Мажот успеал да преживее со помош на спрејот со кој се бранел од нападот. На својот Инстаграм профил тој реши да ги сподели сите детали од нападот, истакнувајќи дека е „голем љубител на животни“.

„Долго и напорно размислував да ја споделам мојата приказна за средбата со женка гризли и нејзиното младенче. Дозволете ми да кажам колку го сакам и почитувам дивиот свет. Секој што ме познава го знае тоа за мене. Всушност, втората работа што им кажал на чуварите на паркот, ве молам не ја убивајте мечката, таа го бранеше своето младенче“, рече војникот во воведниот дел од својата објава.

„Бев на погрешно место во погрешно време. Недела попладне ме нападна женска мечка која го штитеше нејзиното младенче. Тоа беше најнасилното нешто што некогаш сум го доживеал. Сум пукал, фрлал мини, јас сум воен ветеран“, додаде тој.

Шејн рече дека нема поим дека фотографирањето и потрагата по сив був ќе се претвори во толку крваво искуство.

"И реков на жена ми дека за еден час ќе се вратам на паркингот. Во моментот на нападот веќе помина речиси час и половина од средбата со сопругата. Веќе бев загрижен, па решив да одам назад кон автомобилот, поради што почнав да одам брзо, кршев гранки, имав лошо чувство...“ објасни тој.

„Одев низ многу пошумена област и наидов на дел каде што на ридот десно забележав младенче кафеава мечка како трча по ридот пред мене. Знаев дека ова не е добро, го зедов мојот спреј за мечка и ја видов мечката што скокна, „Решив да се свртам и да ѝ го покажам грбот, па легнав на стомак и се подготвив за лудо возење, стегајќи ги рацете зад вратот за да ги заштитам моите витални органи “, рече Шејн.

Во интервју за New York Post, Шејн рече дека мислел дека таа сакала да му „го гризе вратот“. Кога го гризнала за рака, спрејот завршил во нејзината уста и експлодирал и ја оттурнал од него.

Патрик потоа успеал да повика брза помош, која што со хеликоптер го пренела во болница.

притисни ентер