Вучиќ: Србија која е за работа, секогаш ќе ги победи оние што се за граѓанска војна

Претседателот на Србија Александар Вучиќ денеска порача дека на Србија никогаш нема да можат да и ја одземат слободата и дека Србија која е за труд секогаш ќе ги победува оние што се за граѓанска војна, јави дописникот на МИА од Белград.

Во видеото објавено на Инстаграм, Вучиќ изјави дека е навикнат на секакви навреди, клевети, лаги, глупости кои се дел од неговата работа, како и дека непостои работа што не ја изговориле и излажале за неговото семејство.

-И синоќа, на една од, како што би рекле многумина, антисрпските телевизии или телевизии кои припаѓаат на криминални кругови, јас како претседател навистина не сакам да го кажам тоа на тој начин, зборуваа дека сум ненормален, манијак, будала... Дека би се откажал од сопственото семејство за да се спасам и уште десетици такви навреди, вклучително и дека сум болесник..., изјави Вучиќ во објавата на Инстаграм профилот „buducnostsrbijeav “.

Тој додаде дека нивниот најважен заклучок е дека „највероватно Западот ќе најде начин како да го собори Вучиќ од власт и дека некои други политички актери истовремено се заканувале дека ќе го уапсат него и неговиот брат (Андреј Вучиќ)“.

-И тоа е во ред. Србија е демократска земја, слободна, сето тоа го научив и со нашиот толерантен однос покажуваме колку Србија е подемократска од многумина кои често ни даваат лекции за тоа, рече Вучиќ.

„Меѓутоа, има две работи што нема да ги премолчам. Едната е, на истото место можевте да се слушнете дека некои луѓе прават списоци. Списоци за прогон. Списоци за прогон и истомисленици, се фалат со тоа. Тоа е нешто што е неприфатливо. Тоа е нешто што српската држава и граѓаните не сакаат да го слушнат. И втората работа е злоупотребата на децата за политички цели што е неприфатливо. И како претседател на Србија секогаш ќе се борам за целосна слобода и ќе се борам против оние кои мислат дека со листите за отсранувања можат да ги решат политичките работ, рече тој и додаде.

-Сега ни е сосема јасно. Од една страна ги имате оние кои сакаат да прогонуваат, не само политички, туку секакви неистомисленици. Оние кои се залагаат за злоупотреба на деца и насилство, оние кои се залагаат за војна. А од другата страна ги имате оние кои се за работа, оние кои се за почитување на различностите, почит кон оние кои размислуваат поинаку, се разбира, во политиката, но и оние кои се за почитување на основните демократски норми и слободата на рпското општество, заклучи тој.

Синдикатот на УПОЗ на протест пред Министерството за финансии

Синдикатот на работниците од управата, правосудните органи и здруженијата на граѓани (УПОЗ) денеска ќе одржи протест пред Министерството за финансии. Како што е најавено, протестот ќе трае од 11:00 - 12:00 часот.

Претседателот на Синдикатот на УПОЗ Трпе Деановски вчера, на предупредувачкиот получасовен протест пред Државниот завод за статистика, изјави дека 988 вработени се уште немаат земено плата за декември иако е истечен законскиот рок.

-Се работи за вработените во сите инспекторати во државата. Поради доцнење на Министерството за финансии кое навреме не ги презеде обврските согласно законските измени, оставени се 988 вработени без плата, без вратени кредити, без платени сметки во најдолгиот месец од годината. Вчера истече и законскиот рок за исплата на плата која се исплаќа најдоцна до 15-от ден во месецот и се уште нема информација кога и дали овие вработени ќе добијат плата, рече Деаноски.

Завчера Владата го повика УПОЗ на разговор за, како што наведе, изнаоѓање решенија. Притоа потенцира дека платите не се високи, но и можностите на буџетот се лимитирани. Владата изрази и жалење што УПОЗ одбра да протестира иако е дел од Економско-социјалниот совет каде се дискутира за сите предизвици.

-Докажавме и покажавме дека сме партнер на работниците. Подготвени сме да седнеме на маса и да ги разгледаме сите предлози од страна на синдикатите. Доколку УПОЗ вистински се грижи за платите на работниците, ги повикуваме на разговор за изнаоѓање решенија. Во спротивно, останува сомнежот дека УПОЗ е синдикална организација која одработува за нечии партиски интереси и за собирање ситни политички поени на грбот на граѓаните. Отворени сме за постигнување договор со сите синдикални организации преку дијалог. Протестите не се најдобриот начин на комуникација, а секој предлог или сугестија од синдикатите се дискутира за да се изнајде решение прифатливо и во интерес на граѓаните, истакна Владата.

Според Владата, штрајкот како прво решение не е легитимен чекор и покажува политичка инструираност, а протестите се малициозни и политички мотивирани.

-Владата останува посветена на носење одлуки во интерес на сите граѓани и на зголемување на платите на вработените, но најдобар начин за изнаоѓање решение на проблемите и различните ставови е преку разговори, подвлече Владата.

[Владата вечерва со почеток во 21:00 часот, ќе ја одржи редовната 32-ра седница.]

Потсети и дека минатата година, и покрај наследената „катастрофална состојба“, заедно со синдикатите беше постигнат договор за покачување на платите во здравството и образованието.

-Претходната влада при подготовка на Буџетот за 2024 година не предвиде средства за исплата на К-15 на вработените во администрацијата, додека оваа Влада ги предвиде со ребалансот на Буџетот и исплати К-15 за 84 000 вработени во вредност од една милијарда денари, истакна Владата.

Претседателот на Синдикатот на УПОЗ, Трпе Деаноски претходно, на протестот пред пред Министерството за култура, изјави дека ќе биде залуден секој обид од страна на Владата или политичките партии да докажат дека има политика во протестите или работата на Синдикатот.

Протестите на Синдикатот на УПОЗ почнаа во вторникот пред Министерството за животна средина и просторно планирање. Тогаш Деаноски најави дека ќе продолжат секој ден, од 11 до 11:30 часот, како и дека во петок протестот ќе трае еден час, од 11:00 - 12:00 на пладне.

Студено наутро, преку ден сончево со мала до умерена облачност

Времето денеска наутро ќе биде студено со појава на магла, а преку денот сончево со мала до умерена облачност. Минималната температура ќе биде во интервал од -9 до 0, а максималната ќе достигне од 2 до 8 степени.

Во Скопје наутро студено со услови за појава на магла, преку денот сончево со мала облачност. Минималната температура ќе се спушти до -3, а максималната ќе достигне до 6 степени.

Како што информира УХМР, во следните денови ќе преовладува стабилно време со позитивни дневни температури кои ќе бидат во постепен пораст. Утринските температури насекаде ќе бидат под нула, а наместа ќе се спуштат и под -8 степени. По котлините ќе има појава на магла и во долините со магла дневните температури ќе остануваат пониски. Од понеделник се очекува зголемување на облачноста.

Трамп ги назначи Сталоне, Гибсон и Војтс за свои амбасaдори во Холивуд

 Новоизбраниот претседател на САД Доналд Трамп ги назначи актерите Силвестер Сталоне, Мел Гибсон и Џон Војт за специјални амбасадори во Холивуд, а со цел да ја направеле филмската индустрија „посилна од кога било досега“.

Тројцата актери, добитници на 10 номинации за „Оскар“ и три „Оскари“, се издвоија во Холивуд со поддршката на републиканецот Трамп, за разлика од многумина нивни колеги кои традиционално ја подржуваат Демократската партија.

-Голема чест ми е да објавам дека Џон Војт, Мел Гибсон и Силвестер Сталоне ќе бидат специјални амбасадори во големиот, но многу проблематичен Холивуд, во Калифорнија, напиша Трамп синоќа на својата социјална мрежа „Truth Social“.

-Тие ќе бидат мои специјални претставници да го вратат Холивуд, да биде голем, подобар и посилен од кога било, а кој во последните четири години загуби многу бизниси поради странска конкуренција.

Републиканците традиционално не се популарни меѓу претставниците на шоу бизнисот во САД, и многу ѕвезди како Тејлор Свифт и Џорџ Клуни, на претседателските избори во 2024 година ја поддржаа Камала Харис, кандидатка од Демократската партија.

Сепак, премостувајќи ги традиционалните холивудски кругови, кампањата на Трамп успешно се зближи со популарната публика на инфлуенсерите на Јутјуб и ја зајакна својата поддршка.

притисни ентер