Лавров ќе ја посети Демократска Народна Република Кореја од 11 до 13 јули, изјави портпаролката на руското Министерство за надворешни работи, Марија Захарова, користејќи го официјалното име на Северна Кореја.

Севернокорејската новинска агенција КЦНА претходно денеска јави за патувањето, додавајќи дека Лавров доаѓа на покана на севернокорејското Министерство за надворешни работи.

Посетата на високиот руски функционер доаѓа месец и половина по посетата на секретарот на Советот за безбедност на Русија, Сергеј Шојгу, на Пјонгјанг, по повод првата годишнина од договорот за меѓусебна одбрана потпишан меѓу двете земји.

Москва и Пјонгјанг ја зајакнаа воената соработка во последниве години, при што Северна Кореја обезбеди оружје и сили за поддршка на руската војна против Украина. Двете земји потпишаа договор за меѓусебна одбрана за време на посетата на рускиот претседател Владимир Путин на Северна Кореја минатата година.

Контингент севернокорејски војници учествуваше, заедно со руската војска, во борбите против украинските сили во рускиот регион Курск, кој беше делумно окупиран од украинските сили од летото 2024 година. Русија соопшти дека украинските сили се повлекле од таа област во април.

Пјонгјанг во април за прв пат потврди дека распоредил сили на тој фронт, заедно со руската војска.

За Лим Еул Чул, професор на јужнокорејскиот универзитет Кјунгнам, зачестеноста на директните контакти меѓу високи руски функционери и Ким Џонг Ун е „многу невообичаена“.

- Разговорите би можеле да вклучуваат подготовки за посета на севернокорејскиот лидер на Русија, изјави тој.

Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и одлуката за постоење на кризна состојба донесена од Владата заради зголемена појава на пожари, како и побарувањата на Центарот за управување со кризи активно се вклучи во гаснење на пожарите на целата територија на нашата држава. Во согласност со побарувањата, ангажирани се над 150 припадници на Армијата во следните општини:

Ѓорче Петров – ангажирани над 60 лица;

Крива Паланка – ангажирани околу 30 лица;

Село Николиќ, Дојран – ангажирани над 50 лица.

Дополнително во реонот на Визбегово, Општина Шуто Оризари, ангажиран е еден тим од Четата за атомско биолошка и хемиска одбрана за собирање на податоци за утврдување на квалитетот на воздухот од запалениот отпад во овој реон.

Армијата останува подготвена за натамошна поддршка и интервенција каде што е потребно, во координација со надлежните институции.

Шкотската полиција денеска објави дека се подготвува за можна посета на американскиот претседател.

-Во тек е планирање за потенцијална посета на претседателот на САД на Шкотска подоцна овој месец, изјави Ема Бонд, помошничка началничка на полицијата во Шкотска.

„Иако сè уште нема официјална потврда, важно е однапред да се подготвиме за значајна полициска операција“, рече таа.

Трамп треба да оствари и државна посета на Обединетото Кралство оваа година, веројатно во септември, иако точниот датум сè уште не е објавен.

Датумот на посетата на Шкотска сè уште не е познат.

Тој поседува два терени за голф во Шкотска, еден на североисточниот брег, а другиот јужно од Глазгов на западниот брег.

Трамп во 2018 година посети терени за голф во Шкотска, а потоа имаше протести на тие локации и во некои од најголемите градови во земјата.

Шкотската полиција објави дека тридневната посета на Трамп на земјата во јули 2018 година чинела повеќе од три милиони фунти (3,48 милиони евра).