Вучиќ: Следат тешки недели и месеци за Србија - Канал 5

Балкан

Вучиќ: Следат тешки недели и месеци за Србија

Нема да не принудат да ја признаеме независноста на Косово, вели Вучиќ.

Вучиќ: Следат тешки недели и месеци за Србија

Претседателот на Србија, Александар Вучиќ, денеска изјави дека на Србија и претстојат тешки недели и месеци, бидејќи целта на меѓународната заедница е да ја принуди Србија, на овој или оној начин, ставајќи ја во одредена правна рамка, да ја признае независност на Косово, што, како што рече, нема да го направи, јави дописникот на МИА од Белград.

- Затоа ги ставија Албанците под санкции кои не се толку сериозни и со тоа всушност ја уценуваат Србија бидејќи имаме што да изгубиме, изјави Вучиќ.

Тој посочи дека Србија постојано се соочува не само со двојни стандарди, туку и со бескрупулно лицемерно однесување.

- КФОР и НАТО со право се повикуваат на резолуцијата 1244 и тие го црпат својот мандат од тој документ, но кога ќе ги прашате за други норми од истата резолуција, тие ни велат – не гледајте во минатото, туку во иднината, рече тој.

Ние, кои не сме доволно големи, мора да се навикнеме на тоа, додаде Вучиќ.

- Ќе има многу важни разговори, секој ни е важен, но нивната суштинска цел е да не принудат, на овој или оној начин, да не стават во правната рамка, на еден или друг начин да ја признаеме независноста на Косово, истакна Вучиќ.

Вучиќ посочи дека ставот на Србија што не сака да му дозволи на Косово да влезе во ОН носи одредени последици.

- Не беа залудни заканите пред месеци … Ова само ќе продолжи и секој ден ќе зборуваат дека се воведени санкции за Косово, па сите бараат да се воведат и на Србија… Кога ќе прашаме зошто, велат – поради Бањска. Кога ќе прашаме што е со истрагата за обидот за убиство на Драгиша Гаљак Јовановиќ, што со казната на сторителот за обидот за убиство на две деца во Штрпце, нема одговор, рече Вучиќ.

На прашањето дали ќе потпише нешто, Вучиќ одговори дека никогаш нема и изјави дека тоа го кажал неколку пати.

- Веќе илјада пати кажав дека нема, и тоа на најтешките места. Тоа го кажав во лицето на Шолц, Макрон и Мелони. Таму беа и Шарл Мишел, Борел и Лајчак. Пред шестмина нив го реков, тоа им го кажав и претходно во лице, посочи Вучиќ.

Тој додаде дека Србија има предлози за решавање на прашањето за исчезнатите и од српска и од албанска страна, но Приштина не сака да дојдат семејствата на исчезнатите. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре пеколно жешко со температура над 40 степени, невреме во недела попладне

Утре времето ќе биде сончево и многу топло со мала до умерена локална облачност, соопштуваат од УХМР.

Утре пеколно жешко со температура над 40 степени, невреме во недела попладне

МАКСИМАЛНА ТЕМПЕРАТУРА (во оС)

24 Попова Шапка, 30 Крушево, Лазарополе, 33 Претор, 34 Берово, Маврови Анови, 35 Охрид, 36 Крива Паланка, Битола, Прилеп, 37 Виница, 38 Тетово, Струмица, Гевгелија, 39 Штип, Кавадарци, Демир Капија, 40 Скопје-Петровец, Скопје-Зајчев Рид, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше сончево и многу топло со мала до умерена локална облачност. Дуваше слаб до умерен ветер претежно од југоисточен правец.

Попладнево ќе се задржи сончево и топло со мала до умерена локална облачност која до крајот на денот ќе се намали. Во текот на ноќта ќе преовладува ведро и тивко време.

ВРЕМЕТО УТРЕ

Сончево и многу топло со мала до умерена локална облачност. Попладне претежно во планинските региони ќе има услови за пороен дожд и појава на грмежи. Ќе дува слаб до умерен ветер од западен и северозападен правец. Минималната температура ќе биде во интервал од 13 до 21, а максималната ќе достигне од 35 до 41 степен.

Во Скопје, сончево и многу топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 20, а максималната ќе достигне до 40 степени.

ВРЕМЕТО ВО НАРЕДНИТЕ ДЕНОВИ

Од недела и во следните денови температурата ќе биде во постепено опаѓање. Во попладневните часови ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на ЦУК, Мухамед Али, директно на терен во Никуштак

Директорот на Центарот за управување со кризи, Мухамед Али, моментално се наоѓа директно на терен во селото Никуштак.

Директорот на ЦУК, Мухамед Али, директно на терен во Никуштак

Директорот на Центарот за управување со кризи моментално се наоѓа директно на терен во селото Никуштак, каде заедно со екипите на Територијалната противпожарна единица од Куманово и екипите на Национални шуми, активно ги координира мерките и активностите за справување со пожарот.

На терен се ангажирани 3 противпожарни возила, а во текот на денот се очекува и воздушна интервенција, во зависност од метеоролошките услови.

Директорот Али од терен ја следи состојбата и директно ја координира работата на екипите, со цел навремено локализирање на пожарот, спречување на неговото ширење и заштита на населените места и имотот на граѓаните.

Се повикуваат граѓаните на максимална внимателност и претпазливост, да избегнуваат непотребно движење во погодените подрачја и да ги почитуваат упатствата на надлежните институции, соопштуваат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спасени 300 лица во Мавританија

Мавританската крајбрежна стража денес соопшти дека повеќе од 300 мигранти, меѓу кои и 40 деца, се пронајдени покрај брегот на земјата, најверојатно обидувајќи се да стигнат до Канарските Острови.

Спасени 300 лица во Мавританија

Тие беа пронајдени ноќта помеѓу среда и четврток и се вели дека се во сериозна состојба, пренесува „Euronews“.

Нивниот дрвен чамец тргнал од Гамбија и превезувал 315 лица, 191 од Сенегал, 123 од Гамбија и едно од Мали, се додава во соопштението.

„Меѓу овие луѓе има мажи, жени и малолетници, вклучувајќи бебиња, кои се во тешка хуманитарна ситуација“, соопшти крајбрежната стража, додавајќи дека тие биле спасени во близина на рибарското пристаниште Нуадибу, економскиот главен град на земјата.

Во последните месеци, стотици мигранти, главно од Сенегал, Гамбија и Мали, беа спасени во мавританските води додека се обидуваа да стигнат до Европа, но стотици загинаа или исчезнаа откако нивните чамци потонаа.

Тагови: Мавританија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер