Вучиќ: Што се однесува до европската политика, очекувам поповолна ситуација за Србија - Канал 5

Балкан

Вучиќ: Што се однесува до европската политика, очекувам поповолна ситуација за Србија

Вучиќ додаде дека доколку поранешната претседателка на ЕК, Урсула фон дер Лајен остане на чело на Комисијата, тоа би било вест за Србија што би значело стабилност и безбедност.

Вучиќ: Што се однесува до европската политика, очекувам поповолна ситуација за Србија

Српскиот претседател Александар Вучиќ денеска истакна дека очекува, што се однесува до европската политика, поповолна ситуација за Србија во Европскиот парламент, но додаде дека не е сигурен дека таа ќе биде поповолна во Европската комисија, јави дописникот на МИА од Белград.

Вучиќ додаде дека доколку поранешната претседателка на ЕК, Урсула фон дер Лајен остане на чело на Комисијата, тоа би било вест за Србија што би значело стабилност и безбедност, бидејќи тие добро се познаваат.

-Тие разговори не мора да бидат лесни, но ова е жена која во неколку наврати дошла во Србија, во Белград, покажувајќи почит кон нашата земја и знам дека можеме добро да работиме, рече Вучиќ, одговарајќи на новинарско прашање за претстојните избори во Франција кога додаде дека нема право да се меша во внатрешните односи на другите земји.

-Јас лично имам исклучително добри односи со Макрон и на францускиот народ е да донесе одлука, рече тој и нагласи дека се што се случува во Франција има голем ефект врз европската политика.

Вучиќ истакна дека е многу благодарен на Франција за она што го направи во однос на Советот на Европа и што укажа дека Приштина не ги исполнила своите обврски од сите договори, од основниот договор преку Бриселскиот договор, до Охридскиот договор, поврзани со Заедницата на српски општини.

Тој потсети дека што се однесува до француските избори, дека Франција во моментов е втора најзначајна економска сила во Европа.

-Секако, најважните избори во светот овие години се изборите во САД и многу од она што се случува во светот, кога ќе ја видите нестабилноста на цената на нафтата и се останато е поврзано со американските избори, кажа тој и додаде дека „и многу други работи ќе бидат поврзани со американските избори, бидејќи судбината на човештвото ќе биде решена некаде во ноември во САД“.

-Она што ме загрижува, што ме плаши и ќе го повторам она што му го кажав на Die Weltwoche, ме плаши дека пред тоа би можеле да се случат многу тешки работи, и тие избори би задоцниле во секоја смисла, рече Вучиќ.

Во однос на изборите за ЕП, тој рече дека не е апсолутно убеден оти денес може да каже дека е посреќен и позадоволен, бидејќи се плаши дека како што се одвиваат работите во политиката, многу луѓе, малку надесно и малку лево од центарот, ќе почнат да се обединуваат во нивната омраза кон оние кои сега им одзедоа околу 200 од 720 мандати и дека сите ќе се обединат во политика која беше карактеристична за левите и зелените политички партии.

-Доколку тоа се случи, десничарските политички партии би добиле многу повеќе простор за некои следни избори, но ние би сме изгубиле 4 или 5 години. Значи, јас сум скептичен за тоа, за тие очекувања, но ако Фон дер Лајен остане на чело на комисијата, тоа би била врската за Србија што ќе значи стабилност. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Макрон воведува забрана за социјални мрежи за помлади од 15 години- го бара истото за сите земји во ЕУ

Францускиот претседател Емануел Макрон побара од Европската комисија да ја поддржи забраната на социјалните мрежи за деца под 15 години во ЕУ. 

Макрон воведува забрана за социјални мрежи за помлади од 15 години- го бара истото за сите земји во ЕУ

Неговата канцеларија објави дека тој се одлучил за тој потег откако Франција не успеа да воведе свој закон, пишува Ројтерс.

Писмо до Урсула фон дер Лајен

Во писмо до претседателката на Европската комисија, Урсула фон дер Лајен, од 29 август, Макрон изјави дека воведувањето забрана на ниво на целата Унија станало итно. Тој нагласи дека новото законодавство на ЕУ е неопходно бидејќи францускиот Уставен совет го отфрли националниот закон ова лето, непосредно пред да стапи на сила во септември.

„Верувам дека сега е потребно да се оди чекор понатаму и да се воведе единствена забрана за пристап до социјалните мрежи за лица под 15 години преку новата европска законска рамка. На тој начин би ги заштитиле сите деца во Унијата“, напиша Макрон во писмо до кое дошле Ројтерс и други медиуми.

Поделени ставови во Европа

Откако Австралија воведе таква забрана минатата година, неколку европски земји размислуваат за слични ограничувања. Причината е растечката загриженост за влијанието на овие платформи врз менталното здравје и безбедноста на младите луѓе. Сепак, некои земји, особено оние во Скандинавија, веруваат дека одлуката треба да ја донесат родителите.

Приоритетот на Макрон и плановите на Комисијата

За Макрон, ова прашање стана приоритет во последната година од неговиот претседателски мандат, пред изборите во 2027 година. Тој веќе некое време лобира кај другите влади на ЕУ да ги поддржат овие ограничувања. Тој исто така најави дека, без оглед на исходот на европско ниво, Франција ќе го финализира законот што Уставниот совет го поништи, иако политичката фрагментација во парламентот и тешките преговори за буџетот би можеле да го отежнат неговото усвојување.

Фон дер Лајен уште во јули изјави дека Европската унија ќе преземе чекори за ограничување на пристапот до социјалните мрежи за најмладите во сите 27 земји-членки. Таа се осврна на предлозите на двајца автори кои препорачуваат воведување систем по возрасни групи. Според тој модел, децата под 13 години би имале само ограничен надгледуван пристап, додека ограничувањата постепено би се ублажувале со возраста.

Макрон, од друга страна, се залага за построг пристап и повикува на целосна забрана за користење на социјалните мрежи до 15-годишна возраст. Тој го испраќа своето барање пред говорот за состојбата на Унијата што Фон дер Лајен ќе го одржи во Европскиот парламент на крајот од овој месец.

Тагови: Емануел Макрон социјални мрежи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар прави пустош низ Црна Гора- од чадот, не се гледа патот (ВИДЕО)

Возач кој вчера се враќал од Жабљак испратил на познатата Инстаграм страница „Подгорица Тајм Машин“ загрижувачки информации за пожарите во областа Шавник.

Пожар прави пустош низ Црна Гора- од чадот, не се гледа патот (ВИДЕО)

Како што наведува, активни пожари може да се видат на неколку локации низ Цена Гора, додека голем дел од теренот веќе е зафатен од пламен и претрпел значителна штета.

„Оган гори насекаде. Огромни пожари, а голем дел од областа веќе е изгорен. Она што најмногу ме вознемирува е што не видов ниту едно противпожарно возило по целиот пат, ниту пак некоја сериозна акција за ставање на пожарот под контрола и спречување на уште поголема штета“, наведува читателот.

Тој додава дека сцените на кои наишол се многу вознемирувачки и дека е тажно да се гледа како пожарот ги проголтува шумата и природните пејзажи.

Апелираме до сите граѓани да бидат внимателни, да не палат оган на отворено и веднаш да пријават секој пожар што ќе го забележат кај надлежните служби.

Тагови: пожар Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Потпишан Договор за соработка меѓу Државниот архив на Македонија и Хрватскиот државен архив во Загреб

Вчера, во Загреб, директорот на Државниот архив на Македонија, м-р Димитар Богески, и директорот на Хрватскиот државен архив, д-р Динко Чутура, свечено потпишаа Договор за соработка меѓу двете институции. 

Потпишан Договор за соработка меѓу Државниот архив на Македонија и Хрватскиот државен архив во Загреб

На настанот присуствуваше и амбасадорот на Република Македонија во Република Хрватска, д-р Драган Ѓурчевски.

Со овој договор се отвора широк простор за реализација на заеднички изложби, стручни работилници, предавања, како и за непосредна размена на кадри и искуства. Посебен акцент е ставен врз процесите на дигитализација, заштита, обработка, конзервација и реставрација на архивскиот материјал.

Размената на искуства во областа на дигитализацијата е од особено значење за модернизација на архивската дејност, овозможувајќи современо чување и поголема достапност на историското и културното наследство за пошироката јавност.

Државниот архив упатува посебна благодарност до амбасадорот д-р Драган Ѓурчевски за неговото несебично залагање и поддршка во успешната реализација на оваа значајна иницијатива.

Државен Архив на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер