Вучиќ: Прашање на време е кога ќе дојде до поголема криза на Косово - Канал 5

Балкан

Вучиќ: Прашање на време е кога ќе дојде до поголема криза на Косово

Српскиот претседател најави продолжување на телефонските консултации со претставниците на САД и ЕУ во обид да се избегнат тензиите и насилството на Косово.

Вучиќ: Прашање на време е кога ќе дојде до поголема криза на Косово

Во исто време, косовскиот премиер испраќа пораки дека е подготвен да му „подаде рака“ на Вучиќ доколку Србија се согласи да се откаже од гранични контроли во иднина.

Вашингтон и Брисел заеднички се обидуваат да спречат нови тензии меѓу Белград и Приштина пред 1 септември, за кога косовската влада го одложи спроведувањето на реципрочната одлука за личните документи и регистарските таблички, но во тридневните разговори со лидерите на двете страни оваа недела не е направен чекор поблиску до договор и решение.

Александар Вучиќ оцени дека е само прашање на време кога ќе дојде до поголема криза и рече дека нема да има напредок во понатамошниот дијалог доколку Косово не почне да ја исполнува обврската од Бриселскиот договор од 2013 година за формирање Заедница на српски општини. .

„Дали ќе биде 1 или 10 септември... Од 1 септември почнуваат да го менуваат (регистрациските) таблички, а рокот им е два месеци... можете да замислите какви тензии ќе има во тие два месеци“, изјави Вучиќ пред новинарите во Осечина, во западна Србија, каде денеска го отвори Саемот на сливи.

Вучиќ не верува дека ќе има напредок со Приштина во однос на проблемот со регистарските таблички, но се надева на решение на проблемот со документите.

Косовската влада најави дека по едномесечно одложување под притисок на САД од 1 септември ќе почне да ја спроведува одлуката за пререгистрација на косовските возила со српски регистарски таблички и издавање документ за влез-излез на српските државјани, како реципрочна мерка која Србија ја применува за граѓаните на Косово.

Американскиот пратеник Габриел Ескобар денеска изјави, по разговорите во Приштина со косовските Срби во средата и со Вучиќ во Белград доцна синоќа, дека САД ја слушнале загриженоста на граѓаните на Србија.

„Во многу случаи постои сериозна загриженост за Србите во Косово, има сериозен проблем во довербата“, рече Ескобар, изразувајќи надеж дека сепак ќе се постигне договор за регистарските таблички и документите.

Косовскиот премиер Албин Курти во интервју за германскиот весник „Ди Велт“ изјави дека немирите што избувнаа на 31 јули поради новите мерки „не беа предизвикани од српското малцинство од северот на Косово, туку од организираниот криминал и олигарсите кои се на платниот список на Србија и кои добиваат инструкции што треба да спроведат на Косово“, објави агенцијата Бета.

Курти, исто така, рече дека новите правила за реципроцитет на Косово нема да стапат на сила на 1 септември доколку Србија се откаже од граничните контроли.

„Подготвен сум да му подадам рака на Вучиќ. Доколку Србија се согласи да се откаже од граничните контроли во иднина, тогаш ќе го сториме истото. А потоа од 1 септември нема да има нови правила“, изјавил Курти за Die Welt.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уништени 470 килограми ќебапи, плескавици и внатрешни органи пронајдени во нерегистрирана комора во Општина Василево

Агенцијата за храна и ветеринарство (АХВ), минатата недела, спроведе вонреден инспекциски надзор кај правно лице – месарница во Општина Василево, при што на приватен имот беше откриена комора која не била регистрирана во АХВ.

Уништени 470 килограми ќебапи, плескавици и внатрешни органи пронајдени во нерегистрирана комора во Општина Василево

При спроведувањето на контролата, официјалните ветеринари на АХВ во комората пронајдоа и запленија 400 килограми замрзнати подготовки од месо, плескавици и ќебапи, како и 70 килограми внатрешни органи. Целокупната запленета количина подготиовки од месо и внатрешни органи нештетно се уништени на депонија, согласно пропишаните законски процедури.

Поради констатираните неправилности, изречена е мерка за времено затворање на комората, а на правното лице му се изречени и парични казни поради работа на нерегистриран објект и неозначување на производите.

Овој случај е уште една потврда за значењето на редовните и вонредните инспекциски контроли, со кои АХВ врши надзор врз работењето на операторите со храна, почитувањето на законските обврски и исполнувањето на условите за безбедност на храната што се произведува, складира и става во промет.

Во периодот од јануари до август 2026 година, инспекциските служби на АХВ спровеле вкупно 74.838 инспекциски надзори. Контролите опфаќаат различни сегменти од синџирот на храна на домашниот пазар и увозот, со цел навремено откривање и отстранување на неправилностите и спречување на пласманот на небезбедна храна на пазарот. Во овој период уништени се 69.776 килограми небезбедна храна од домашниот промет и од увоз, забранет е увоз на 21.105 килограми небезбедна храна од неживотинско потекло, а во земјите на потекло се вратени пратки со вкупно 122.602 килограми храна од животинско потекло.

Агенцијата за храна и ветеринарство продолжува со спроведување редовни и вонредни инспекциски контроли на целата територија на државава. Приоритет остануваат заштитата на здравјето на граѓаните, спречувањето на пласманот на небезбедна храна, почитувањето на законските прописи и заштитата на правата на потрошувачите.

Агенција за храна и ветеринарство

Тагови: АХВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Скопје безбедна за пиење

Неделен лабораториски извештај за квалитетот и безбедноста на водата за пиење.

Водата во Скопје безбедна за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 19.10.2026 до 22.10.2026 зема 159 примероци за физичко-хемиска и 159 примероци за микробиолошка анализа на вода за пиење од 44 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Светски ден на аудиовизуелното наследство во Кинотека

Светскиот ден на аудиовизуелното наследство (WDAH – World Day for Audiovisual Heritage) е востановен во чест на донесувањето на Препораката за заштита и зачувување на подвижните слики од страна на 21. Генерално собрание на УНЕСКО во 1980 година.

Светски ден на аудиовизуелното наследство во Кинотека

На 27 октомври (вторник), сите архиви, кинотеки, филмски музеи и институти во светот ќе го одбележат Светскиот ден на аудиовизуелното наследство со активности, промоции и настани со кои фокусот на светската јавноста го насочуваат кон значењето и ранливоста на аудиовизуелното наследство. Како дел од тоа големо семејство на професионалци и институции посветени на заштитата и сочувувањето на филмското културно наследство, и Кинотеката се вклучува со свои активности во одбележувањето на овој значаен ден.

Во таа насока, на 27 октомври (вторник) со почеток во 12 ч. во кинотечното кино ќе се одржи промоција на блу-реј изданието на македонскиот игран филм МАКЕДОНСКА КРВАВА СВАДБА на Трајче Попов од 1967 г., кој всушност претставува екранизација на истоимената драма на Војдан Чернодрински од 1900 г. Филмот беше дигитализиран во 2025 г. како дел од проектот „Сезона на филмски класици“ инициран и координиран од Асоцијацијата на европски кинотеки (АЦЕ) и поддржан од програмата Creative Europe MEDIA на Европската Унија. Во оваа пригода, на публиката ќе ѝ се обратат директорот на Кинотеката, Бошко Грујоски, м-р виш филмолог Александар Трајковски и м-р виш филмолог Дамјана Патчева, како промотори на изданието.

Истиот ден со почеток во 20:00 часот ќе биде прикажан ТЕТОВИРАЊЕ, со што ќе се одбележат 35 години од премиерата на филмот и 80 години од раѓањето на актерот Мето Јовановски.

Всушност цел октомври измина во знакот на заштитата на аудиовизуелното наследство со прикажувањето на наслови од македонската кинематографија кои годинава одбележуваат своевиден јубилеј.

Светскиот ден на аудиовизуелното наследство (WDAH – World Day for Audiovisual Heritage) е востановен во чест на донесувањето на Препораката за заштита и зачувување на подвижните слики од страна на 21. Генерално собрание на УНЕСКО во 1980 година. Три и пол децении подоцна, УНЕСКО ја дополни и прошири таа првична препорака со нова и во 2015 година беше усвоена Препораката за зачувување и достапност на документарното наследство, вклучително и она во дигитална форма.

Тагови: Кинотека

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер