Балкан

Вучиќ: Отворен и тежок разговор со Каја Калас

Претседателот на Србија Александар Вучиќ денеска во Брисел се сретна со високата претставничка за надворешна и безбедносна политика на ЕУ Каја Калас, а по средбата изјави дека имале „отворен и тежок разговор“.

Ова е нивна прва официјална средба откако Калас ја презеде функцијата на 1 декември годинава, пренесува РТС.

Вучиќ, на својот Инстаграм профил buducnostsrbijeav, соопшти дека со Каја Калас разговарал за европскиот пат на Србија и за воспоставувањето дијалог со Косово.

„Високата претставничка на ЕУ за надворешна и безбедносна политика зборуваше за неопходноста од воспоставување дијалог со Приштина, решавањето на случајот Бањска и воведувањето санкции кон Руската Федерација. Одговорив во согласност со политиката и интересите на Србија“, наведе Вучиќ.

Претседателот на Србија, за време на еднодневната посета на Брисел, ќе одржи низа средби со други претставници на ЕУ и ќе присуствува на неформална вечера што ја организира новиот претседател на Европскиот совет, Антонио Кошта, за лидерите на Западен Балкан.

Вучиќ ќе се сретне и со генералниот директор на Директоратот на Европската комисија за проширување и соседска политика, Герт Јан Копман, со специјалниот пратеник на ЕУ за дијалогот Белград-Приштина, Мирослав Лајчак, со еврокомесарката за проширување, Марта Кос, како и со претседателот на Европскиот совет, Антонио Кошта.

Претседателот на Србија, заедно со другите лидери од Западен Балкан, ќе учествува на неформалната вечера организирана од Кошта, чија цел е да се даде нов поттик во односите со регионот.

Вечерата ќе биде и можност за подготовка на претстојниот самит ЕУ-Западен Балкан, кој ќе се одржи на 18 декември.

Најавено е дека на вечерата ќе присуствуваат и Каја Калас, како и новата комесарка за проширување, Марта Кос. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Манчестер Сити плати 100.000.000 евра за тинејџер од Мароко

Богатиот англиски премиерлигаш Манчестер Сити го доведе 18 годишниот Мароканец Ајуб Буади од францускиот Лил за 100 милиони евра.

18-годишниот фудбалер за врска со гигантот од Етихад потпиша петгодишен договор .

Тимот на Енцо Мареска го ангажираше талентираниот фудбалер откако ги продаде Родри на Барселона и Тиџани Рејндерс на Ал-Кадисија.

Младиот Буади инаку остави силен впечаток на Светско првенство, настапувајќи како стартер на пет од шесте натпревари за Мароко, репрезентација која беше елиминирана во четвртфиналето.

„Ова е посебен ден за мене и за моето семејство. За мене, Сити е најдобриот клуб во светот. Вистински сон е да се биде овде и да можам да кажам дека сум играч на Сити“, изјави Буади.

Буади има одиграно 96 натпревари за Лил од своето деби во 2023 година, помагајќи му на тимот да го освои третото место во Лига 1 минатата сезона.

На 16-годишна возраст, тој стана најмладиот фудбалер што некогаш заиграл за некој француски тим во Лигата на Европа, а потоа се прослави на светската сцена со клучната улога во победата над Реал Мадрид во 2024 година. „Сити“ работи на реорганизација на средниот ред; Елиот Андерсон веќе е доведен од Нотингем Форест, а подготвена е и посилна понуда за Енцо Фернандез од Челзи.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секое десетто дете во Македонија било изложено на сексуална злоупотреба со помош на технологијата

Секое десетто дете на возраст од 12 до 17 години било изложено на сексуална експлоатација и злоупотреба олеснета преку технологијата, што претставува 12.000 деца на национални ниво, покажува извештајот од резултатите од истражувањето „Disrupting harm“

Поеднакво се засегнати и момчињата и девојчињата. во 78 отсто од случаите сторителот бил лице познато на детето, а во 57 отсто од случаите сторителите биле возрасни лица, наспроти 22 отсто во кои биле вклучени врсници. Во 39 отсто од случаите бил вклучен сегашен или поранешен интимен партнер или лице кон кое детето чувствувало симпатии, додека во 27 отсто бил вклучен член на семејството. Во 52 отсто од случаите биле вклучени платформи на социјалните медиуми, додека 30 отсто се случиле преку платофрми за онлајн игри. Најчеста форма е изложувањето на децата на сексуална содржина без нивна согласност, а друга форма вклучувала барања децата да споделат слики или видеа на кои се прикажани нивните интимни делови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шефот на ЦИА во ненајавена посета на Русија, Москва негира дека Ретклиф се сретнал со Путин

Директорот на ЦИА, Џон Ретклиф, кој вчера престојуваше во ненајавена посета на Москва, не се сретна со рускиот претседател Владимир Путин, изјави портпаролот на Кремљ, Дмитриј Песков..

-Не. Средба со претседателот немаше, одговори Песков на прашање на руските медиуми, без да одговори дали за време на посетата му пренел на Путин некаква порака од американскиот колега Трамп.

Песков само кусо посочил дека неговиот престој во Русија бил поврзан со „контакти меѓу тајните служби“..

A convoy with US diplomatic license plates was spotted in Moscow following the arrival of a US military aircraft. At the same time, the Kremlin stated it had no information regarding the aircraft, while Peskov assured that no meetings with US administration representatives were… pic.twitter.com/1VehaaaMe8
— WarTranslated (@wartranslated) August 25, 2026

Ретклиф, вчера тајно ја посети Москва, откако податоците од следењето на летот потврдија дека голем американски воен авион слетал на аеродромот Внуково во Москва.

Ова се смета за прва посета на актуелниот шеф на ЦИА и на највисоко рангиран функционер на администрацијата на Трамп на Русија.. Светските медиуми шпекулираат дека целта на неговата посета е нов обид да се издејствуваат преговори за постигнување мировно решение во Украина..

Тагови: москва ЦИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.