Вучиќ од Брисел: Ме прашаа дали идната српска влада ќе биде проевропска - Канал 5

Регион

Вучиќ од Брисел: Ме прашаа дали идната српска влада ќе биде проевропска

Српскиот претседател Александар Вучиќ е во работна посета на Брисел. Тој денеска се сретна со еврокомесарката за соседство и проширување Марта Кос.

Вучиќ од Брисел: Ме прашаа дали идната српска влада ќе биде проевропска

„За нас е од големо значење ако можеме да очекуваме отворање на кластери, не еден туку два оваа година“, рече Вучиќ, „Треба да ја зголемиме нашата усогласеност со ЕУ со нивните декларации и некои други работи кои се од помала важност, но верувам дека можеме да го направиме тоа. Разговаравме за ситуацијата во регионот. Се согласивме да преземеме одредени активности за да ја смириме ситуацијата во Србија. Ме прашаа дали следната влада ќе биде проевропска.“, пренесе Телеграф.

„Имаме безброј теми со НАТО. Не знам дали разбирате колку е комплицирана ситуацијата во БиХ. Затоа е важно вечерва да имам разговори со Марк Руте.

„Нема смисла таа работа, да се добие влада без избори.

„Ако тоа се случи, јас повеќе не сум претседател, па не ми треба имунитет“, рече Вучиќ коментирајќи ги наводите за употреба на звучен топ. „Ќе продолжам да си ја работам работата, нема ништо од преодната влада.

„Купивме разни работи, нешто што го имаат сите земји во светот, Белгија, Италија, Шпанија, Грција, Унгарија, но никогаш не се користеше во Србија, никогаш до денес, се подготвуваше мегафон за употреба. Опозицијата го виде тоа, возилото каде што беше мегафонот не се движеше до 7 часот наутро. Ако беше употребен против демонстрантите, јас не сум претседател“, повтори Вучиќ.

Да потсетиме дека Вучиќ и Кос се сретнаа во Брисел во декември минатата година и по тој повод разговараа за забрзување на европскиот пат на Србија, спроведувањето на Европскиот план за раст за Западен Балкан, ситуацијата во Србија, реформските активности и резултатите.

Свет

Во базиликата Санта Марија Маџоре во Рим ќе биде погребан папата Франциск

По погребната миса, што ќе ја предводи деканот на Колеџот на кардинали, кардиналот Џовани Батиста Ре, на плоштадот Свети Петар во Ватикан ќе биде погребан папата Франциск во базиликата Санта Марија Маџоре во центарот на Рим.

Во базиликата Санта Марија Маџоре во Рим ќе биде погребан папата Франциск

Поглаварот на Римокатоличката црква почина на 88-годишна возраст на 21 април.

Се очекува 200.000 луѓе да присуствуваат на погребот на папата. Меѓу нив ќе бидат шефови на држави и влади, монарси, поранешни државници, политичари од Италија и други земји, интелектуалци, уметници. На погребот ќе присуствува и претседателката на Северна Македонија, Гордана Сиљановска-Давкова.

Поради погребот во Ватикан и во Рим воведени се драконски безбедносни мерки. Се очекува погребната поворка да трае околу половина час, а рутата на ковчегот со папата Франциск поставени се големи екрани, на кои верниците ќе можат да следат што се случува во секоја фаза од погребот. Големи екрани ќе бидат поставени и на плоштадот Свети Петар.

Верниците уште од утре ќе можат да го посетат гробот на папата во базиликата Санта Марија Маџоре, објави Ватикан.

Од 5 до 10 мај, 135-те кардинали, членови на конклавата, ќе треба да изберат нов папа. /MИА

Тагови: Ватикан Папа погреб Папата Франциск

Македонија

Променливо облачно и нестабилно, со повремени локални врнежи од дожд и грмежи

Времето денеска ќе биде променливо облачно и нестабилно со повремени локални врнежи од дожд и грмежи. 

Променливо облачно и нестабилно, со повремени локални врнежи од дожд и грмежи

Наместа процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град. Минималната температура ќе биде во интервал од 5 до 12, а максималната ќе достигне од 17 до 25 степени.

Во Скопје времето ќе биде променливо облачно, во делови од котлината нестабилно со пороен дожд, грмежи, засилен ветер и услови за изолирана појава на град. Минималната температура ќе се спушти до 12, а максималната ќе достигне до 23 степени.

Од УХМР најавија дека во деновите од викендот ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.

Во понеделник ќе има повремен локален дожд, а од вторник стабилизирање на времето.

Тагови: дожд УХМР

Македонија

Сообраќајот се одвива непречено, по наместа влажни коловози

Сообраќајот на државните патишта се одвива непречено, по наместа влажни коловози.

Сообраќајот се одвива непречено, по наместа влажни коловози

Од АМСМ денеска информираат дека интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Мостот на река Вардар на регионалниот пат Р1312, кај Башино село е затворен за секаков вид на сообраќај.

Тагови: АМСМ
притисни ентер