Вучиќ: Никој не разбира зошто е уапсен Сергеј Трифуновиќ, барам Хрватска да го ослободи - Канал 5

Балкан

Вучиќ: Никој не разбира зошто е уапсен Сергеј Трифуновиќ, барам Хрватска да го ослободи

Никој не разбира зошто е уапсен Сергеј Трифуновиќ, барам Хрватска што поскоро да го ослободи.

Вучиќ: Никој не разбира зошто е уапсен Сергеј Трифуновиќ, барам Хрватска да го ослободи

Претседателот на Србија Александар Вучиќ денеска на својот Инстаграм профил се огласи каде реагираше за апсењето на актерот Сергеј Трифуновиќ во Хрватска и побара од државните органи на Република Србија да направат се за тој да биде ослободен и вратен во Србија, јави дописникот на МИА од Белград.

Вучиќ во видео-обраќање на својот Инстаграм профил изјави дека Трифуновиќ вчера бил приведен, уапсен и одведен од граничниот премин, а никој не разбира зошто.

-Уапсен човек кој е мој политички противник, основач на Движењето на слободни граѓани (ПСГ), но е и државјанин на Србија, уапсен е и никој не ја разбра причината. Најпрво барам од претставници на властите во Србија да ги искористат сите дипломатски канали и да се изборат за правда и да се изборат за слобода на Сергеј Трифуновиќ, рече Вучиќ.

Тој посочи дека пред неколку дена била спроведена хајка против Србија бидејќи на граничен премин десет минути бил задржан естраден уметник од Хрватска.

-Пред неколку дена видовме општа хајка против државата Србија, организирана однадвор, одвнатре, само затоа што естрадна уметница од Хрватска (Северина Вучковиќ) беше задржана десетина минути на граничен премин (Батровци-Србија). Таа не беше приведена, не беше уапсена, не беше малтретирана. Исто така се молчеше и кога адвокатот (Немања) Бериќ од Белград беше затворен 15 дена, само поради некаква песна објавена на неговиот Фејсбук профил, рече Вучиќ во видео обраќањето на својот Инстаграм профил.

Северина по задржувањето беше пуштена, но реши да се врати во Хрватска, по што изјави дека никогаш повеќе нема да дојде во Србија додека Вучиќ е на власт.

Вучиќ во обраќањето апелираше до хрватските власти да разберат дека затворањето на Србите не води кон создавање подобри односи.

-Не сакам да изговарам остри зборови и квалификации кои тие ги кажаа за Србија поради десетминутното задржување, туку само молам и барам да се однесуваат рационално и Сергеј Трифуновиќ што поскоро да го ослободат, изјави Вучиќ.

Како што соопштија хрватските медиуми, општинскиот суд за прекршоци во Сплит му го одзеде пасошот на Сергеј Трифуновиќ, кој беше уапсен синоќа околу полноќ, на граничниот премин Бајаково додека поминувал од Србија кон Хрватска.

-Во судот е одржано рочиште, а пасошот е одземен „како мерка на претпазливост“, пишува Слободна Далмација.

Трифуновиќ пред судот ијавил дека не се чувствува виновен за она за што е обвинет, односно за прекршок против јавниот ред и мир.

Полицијата од судот побарала за Сергеј Трифуновиќ 30 дневен затвор и парична казна од 1.000 евра.

Судењето на српскиот актер продолжува денеска во 12:30 часот. Предмет на истражувањето е објава на социјална мрежа од 10 септември минатата година.

-Тој објави текст со недолична содржина, во кој истовремено грубо ги омаловажи полицајците и полициските службеници, наведувајќи дека сплитските полицајци изнудиле над илјада евра, соопшти ПУ на Сплитско-далматинската жупанија.

Сплитскиот весник потсетува дека Трифуновиќ пред една година беше уапсен и казнет во Сплит откако граѓани го пријавиле на сплитската плажа Каштел, бидејќи без надзор го чувал своето куче, што ги вознемирило присутните.

Тој тогаш е казнет со 500 евра и 50 евра судски трошоци, а неколку часа подоцна, според полицијата, истото куче го водел на улицата Босанска без надзор и без поводник, па бил казнет со нови 200 евра.

На Трифуновиќ му беше изречена едногодишна забрана за влез во Хрватска и во земјите од Европската економска област, а кога вчера со сопругата тргнал кај нејзиното семејство во Риека, беше запрен на Бајакова и донесен во Сплит.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено.

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено, што предизвика финансиски и социјални превирања во земјата, објави Си -Ен-Ен.

Дебатата за импичмент започна во парламентот утрово откако поранешниот претседател Орасио Картес, влијателен лидер на владејачката партија, јавно ја поддржа смената на Пења од функцијата.

Пратениците го обвинуваат Пења за судир на интереси, злоупотреба на пензиските фондови и институционално прикривање во врска со пропаѓањето на дигиталниот заемодавач Уено, поради што милиони Парагвајци не можеа да пристапат до своите сметки оваа недела.

Пења беше акционер во групата што го контролираше Уено до минатата година. Регулаторите ја презедоа контролата врз Уено претходно оваа недела и ги замрзнаа заштедите на милиони граѓани, вклучително и пензионери.

Овој потег предизвика масовни протести во земјата, каде што околу еден од тројца граѓани имал депозит во банката.

Кризата, исто така, предизвика сериозни поделби во владејачката партија Колорадо, која го донесе Пења на власт во 2023 година и со децении доминираше на политичката сцена во Парагвај.

Тагови: банка претседател

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс по трет пат стана татко на 58 години со 27 години помладата девојка

Холивудскиот актер Џејми Фокс стана татко по трет пат, на 58-годишна возраст.

Џејми Фокс по трет пат стана татко на 58 години со 27 години помладата девојка

Познатиот добитник на Оскар го пречека своето прво дете со својата партнерка Алис Хакстеп, која е 27 години помлада од него.

Извор ја потврди веста за списанието People, а името и полот на бебето сè уште не се познати.

Џејми и Алис првпат беа поврзани во 2023 година, кога започнаа шпекулациите за нивната романса. Нивната врска имаше свои подеми и падови, па дури и раскинаа минатата година.

Сепак, не можеа долго да издржат еден без друг, па се смирија истата година, а сега го имаат своето прво дете заедно.

„Го следев примерот на Ал Пачино“: Искрени зборови и шеги за возраста

Гостувајќи во емисијата на Џими Кимел (исто така на 58 години), познатиот актер зборуваше во својот препознатлив стил повторно за родителството во подоцнежните години:

- Моето бебе доаѓа... Сè уште го имам во себе! Повторно сум во ред да ги оставам моите деца на училиште. Немав никакви сомнежи за тоа, но имам 58 години... знаете што сакам да кажам?

Фокс откри дека добил дополнителна самодоверба од разговорот со актерската легенда Ал Пачино, кој на 83 години го доби синот, Роман, со Нур Алфалах (32), во 2023 година:

- Налетав на Ал Пачино. Ако некогаш се сомневав, откако разговарав со него веќе не бев.

Актерот потоа се пошегува за својата иднина со помладата партнерка:

- Дури и ѝ реков на девојка ми: „Слушај, само издржи 12 години“. Ако сега имам 58 години, за 12 години ќе имам 70... само ќе ми фрлаш ќебе преку нозете и ќе ми даваш пудинг од тапиока...

Актерот веќе има две ќерки од претходни врски: Корин (32), која ја имаше со поранешната девојка Кони Клајн, и Анелиз (18), која ја има со Кристин Гранис. Доаѓањето на трето дете го комплетира неговото семејство.

Фокс претходно имал сериозни здравствени проблеми, а неговите ќерки одиграле важна улога за време на неговото закрепнување.

Тагови: Џејми Фокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Маж сее смрт низ Турција- денеска убил осум луѓе, а се уште не е уапсен (ВИДЕО)

Осум лица загинаа денеска во пукотници во три села во централниот дел на западна Турција, според локалните власти.

Маж сее смрт низ Турција- денеска убил осум луѓе, а се уште не е уапсен (ВИДЕО)

Приватната телевизиска станица НТВ објави дека полицијата го бара осомничениот возач на црвениот автомобил, кој го виделе сведоци како бегаат од местото на настанот.

„Осум наши граѓани ги загубија животите, а друг е тешко ранет во вооружен напад во нашата покраина“, објави канцеларијата на гувернерот на Афјонкарахисар.

Инцидентот се случил рано навечер во рурална област во близина на Афјонкарахисар, град кој се наоѓа на половина пат помеѓу главниот град Анкара и крајбрежниот град Измир.

Жртви пронајдени во три села

Две жени со прострелни рани беа пронајдени на патот во селото Јукаритандир. И покрај тоа што беа итно префрлени во болница, двете им подлегнаа на повредите, забележа државната новинска агенција Анадолу.

Уште три тела беа пронајдени во селото Кијир, кое се наоѓа на половина час возење североисток, и уште три во селото Ајазини, уште половина час возење исток, продолжи Анадолу. Друго лице, кое е пронајдено во критична состојба, се бори за живот во болница, додаде агенцијата, без да прецизира каде е ранет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер