Вучиќ: Нема лиценца за НИС - Канал 5

Балкан

Вучиќ: Нема лиценца за НИС

- Српскиот претседател, Александар Вучиќ, денеска изјави дека државата не добила позитивна одлука и лиценца од американската влада за Нафтената индустрија на Србија (НИС).

Вучиќ: Нема лиценца за НИС

Српскиот претседател, Александар Вучиќ, денеска изјави дека државата не добила позитивна одлука и лиценца од американската влада за Нафтената индустрија на Србија (НИС).

-Очекувавме да добиеме лиценца за продолжување на снабдувањето со нафта на нашата рафинерија во Панчево, но не добивме позитивна одлука....Министерката за рударство и енергетика денеска ќе го информира НИС дека немаме индикации дека САД ќе доделат лиценца за работа на рафинеријата во Панчево, што ќе предизвика прекин на работата на рафинеријата. Хрватски ЈАНАФ не ни дозволи да увезуваме нафта што не би била наменета за рафинеријата во Панчево, туку за нашите стокови и задолжителни резерви, изјави Вучиќ.

-Се обидувам да рационализирам работите и без емоции да анализирам што точно прават, но не разбирам што прават, рече Вучиќ.

Денеска е 54. ден откако беа воведени санкциите за НИС.Во моментот рафинеријата на НИС во Панчево е во - „топла циркулација“.

- Недвосмислено е дека Русите не сакаат да продаваат, и тоа е нивно право - тие се сопственици, но ние имаме многу проблеми со тоа...Додека ја држат во топла циркулација, губат 370 илјади евра дневно, а нивна работа е кога ќе посакаат целосно да ја затворат рафинеријата.

Во врска со секундарните санкции поради неиздавањето лиценца од САД, тој рече дека секоја комерцијална банка може да биде казнета во секое време, што работи со НИС.

-„Нашата централна банка, поради тоа што не издаде обврзувачка инструкција за прекин на соработката со санкционирана компанија, може да добие секундарни санкции во секое време. Тоа е катастрофа за нашиот инвестициски рејтинг, катастрофа за функционирањето на целиот финансиски систем на нашата земја“, рече тој.

Како што рече Вучиќ, ова не е прашање само на една компанија, туку за цела Србија.

- Кога НИС ќе ги потроши своите оперативни резерви на бензиските пумпи, ние не можеме на нив да им даваме како држава, од стоковите резерви, ниту на НИС, ниту на Лукоил, по 13 декември.

Тој рече дека воздушниот сообраќај ќе функционира нормално.

Вучиќ изјави дека Србија се уште нема договор со Русија во врска со гасот за следниот период и дека доколку тој не се реши до петок, Србија ќе започне преговори в понеделник.

- Ќе набавиме гас на друга страна, пари се обезбедени, нагласи тој

Претседателот на Србија, Александар Вучиќ, денеска имаше средба со тимовите одговорни за енергетската стабилност и безбедност на државата.

Присутни беа премиерот Ѓуро Мацут, првиот вицепремиер и министер за финансии Синиша Мали, министерката за рударство и енергетика Дубравка Ѓедовиќ Хандановиќ, министерот за одбрана Братислав Гашиќ и други министри, потоа претставници од енергетскиот сектор, гувернерката на НБС Јоргованка Табаковиќ, началникот на ГШ на вооружените сили на Србија и други претставници на државни институции и компании.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер