Регион

Вучиќ на средба со Ердоган во Анкара разговарале за кризата во БиХ

Очигледно е дека е неопходно да се дејствува заедно со меѓународната заедница за да се надмине кризата во БиХ, изјавил денеска турскиот претседател Реџеп Таип Ердоган по разговорот со српскиот претседател Александар Вучиќ во Анкара.

На заедничката прес-конференција, Ердоган истакнал дека сите страни мора да се воздржат од потези кои можат да и` наштетат на интегритетот и суверенитетот на БиХ во актуелната криза, поттикнати од пораките и однесувањето на лидерот на босанските Срби, Милорад Додик, кој ја смета БиХ за нефункционална држава и инсистира на независност за Република Српска..

Тој го посочил договорот со Вучиќ дека поддршката на Србија за интегритетот на БиХ е важна за мирот и стабилноста на целиот регион, јавуваат белградските медиуми од Анкара. Турција, рече Ердоган, ќе продолжи да прави напори и да прави се` што е можно за да ги намали тензиите на Балканот.

Вучиќ минатата недела се сретна со Додик во Белград и го повика него и сите политички сили во Република Српска да учествуваат во работата на заедничките институции во БиХ и најдобро да ги заштитат интересите на српскиот народ и РС, соопшти тогаш кабинетот на Вучиќ.

Турскиот претседател рече дека со Вучиќ е постигнат договор по изборите во Србија во април да се одржи заедничка седница со трипартитното претседателство на БиХ, во Белград или Истанбул.

„Со оваа средба ќе преземеме чекори за обезбедување на територијалниот интегритет на Босна“, рече Ердоган. Вучиќ рече дека е важно „да ги туркаме нашите земји напред, да извлечеме поуки од минатото и да изградиме подобра иднина за регионот“.

Свет

Остин разговараше со колегите од Блиски Исток и од Европа

Американскиот секретар за одбрана Лојд Остин разговараше со своите колеги од Блискиот Исток и од Европа, изразувајќи ја својата поддршка за Израел по нападите од Иран, но исто така ја истакна важноста на стабилноста во регионот.

Американскиот секретар за одбрана Лојд Остин разговараше со своите колеги од Блискиот Исток и од Европа, изразувајќи ја својата поддршка за Израел по нападите од Иран, но исто така ја истакна важноста на стабилноста во регионот за да се спречи ескалација на конфликтот, соопшти Пентагон.

Израел е под притисок од своите сојузници да покаже воздржаност и да избегне ескалација на регионалниот конфликт додека размислува како да одговори на масовниот ирански напад. Началникот на Генералштабот на израелската армија изјави дека земјата ќе одговори на иранскиот напад.

Остин одвоено разговараше со бахреинскиот престолонаследник и премиер Салман бин Хамад Ал Халифа, израелскиот министер за одбрана Јоав Галант, неговиот германски колега Борис Писториус и катарскиот министер за одбрана Калид бин Мохамед Ал Атијах. Тој во разговорите ги осуди нападите на Иран истакнувајќи оти Вашингтон не бара ескалација на конфликтот.

- САД не бараат ескалација, ние ќе продолжиме да го браниме Израел и американскиот персонал, наведе Остин.

Тој во разговорот со Галант изрази поддршка за одбраната на Израел и ја потврдил стратешката цел за воспоставување регионална стабилност.

Свет

Австралиската полиција соопшти дека нападот во црквата во Сиднеј е терористички акт

Австралиската полиција денеска соопшти дека вчерашниот напад со нож, за време на црковна служба во близина на Сиднеј, ќе се третира како терористички акт.

Полицијата вчера уапси 15-годишно момче откако во асирската црква во Вејкли, околу 30 километри западно од Сиднеј, избоде со нож четири лица, меѓу кои и епископот на црквата. Повредените, меѓу кои е и напаѓачот се здобиле со полесни повреди.

Нападот се случи за време на проповед што се емитувала во живо на интернет.

Тоа е втор напад со нож во Сиднеј во изминатите денови. На 13 април со нож беа усмртени шест лица во трговскиот центар „Вестфилд бондаи џанкшн“ (Westfield Bondi Junction) во Сиднеј. Напаѓачот беше застрелан од полицијата. Инцидентот не е означен како терористички акт.

Здравје

„Алкалоид“ ќе донира „Омепразол“ во течна форма на Детската клиника и болницата во Козле

На ЈЗУ Универзитетската клиника за детски болести и на ЈЗУ Универзитетската клиника за респираторни заболувања кај децата „Козле“, „Алкалоид“ ќе им донира од иновативниот лек „Омепразол“ во течна форма – готов за употреба. 

Детали за донацијата, компанијата ќе соопшти денеска, на прес-конференција на Медицинскиот факултет при УКИМ.

За иновативниот лек „Омепразол“ во течна форма, „Алкалоид“ АД Скопје неодамна го доби првиот интернационален патент за лек со додадена вредност.

- Поаѓајќи од нашиот врвен приоритет „Луѓето и здравјето пред сè“, во рамките на компаниската мисија за поздрав живот на секој поединец, потребните количини од овој уникатен и премиум производ ќе им бидат донирани на ЈЗУ Универзитетската клиника за детски болести и на ЈЗУ Универзитетската клиника за респираторни заболувања кај децата „Козле“, со цел олеснување на пристапот до соодветен третман во овој дел кај детската популација, велат од компанијата.

притисни ентер