На централната церемонија се обратија претседателот на Владата Христијан Мицкоски, генералниот извршен директор на Халкбанк Фатих Шахбаз и основачот на Business Leader Огнен Огненоски, а вечерта кулминираше со доделувањето на Business Leader признанијата за 2026 година.

Во Македонската филхармонија синоќа се одржа третото издание на Business Leader, кое годинава собра околу 600 гости – сопственици и директори на компании, претприемачи, претставници на институциите, дипломатскиот кор и бизнис-заедницата.

Компаниите претставени во салата заедно создаваат повеќе од две милијарди евра приходи и вработуваат повеќе од 50.000 луѓе, обединувајќи на едно место значаен дел од македонската економија.

Business Leader е создаден со цел да ги препознае и афирмира македонските компании зад кои стојат мерливи деловни резултати – раст, профитабилност, извоз, вработување и финансиска стабилност. Зад анализите и изборот на компаниите стои Бизнис Мрежа, организатор и аналитички партнер на Business Leader.

На централната церемонија се обратија основачот на Business Leader, Огнен Огненоски, генералниот извршен директор на Халкбанк АД Скопје, д-р Фатих Шахбаз, како и претседателот на Владата, проф. д-р Христијан Мицкоски.

Во своето обраќање Огненоски истакна дека идејата зад Business Leader од самиот почеток била „успехот во Македонија да престане да биде тивок“ - да им се даде видливост на компаниите што создаваат, на луѓето што преземаат ризик и на резултатите што заслужуваат да бидат препознаени.

„Македонија можеби е мала на светската карта. Но големината на една земја не се мери само во квадратни километри. Се мери и според она што нејзините луѓе се способни да го создадат. А вечерва, кога гледам во оваа сала, гледам доказ дека Македонија има свои високи врвови“, порача Огненоски.

Посебна благодарност беше упатена до Халкбанк, која трета година по ред е генерален партнер на Business Leader. Континуитетот на партнерството претставува доверба во идејата Business Leader да прерасне во платформа која го препознава, поврзува и афирмира успешниот македонски бизнис.

Од макроекономијата до AI и бизнисот во 2030

На свечената церемонија ѝ претходеше конференцискиот дел на Business Leader 2026, посветен на економијата, технологијата, податоците, вештачката интелигенција и предизвиците со кои ќе се соочуваат компаниите во следните години.

Програмата вклучи макроекономска анализа и три панел-дискусии со претставници на бизнис-заедницата, институциите, технолошкиот сектор и академската заедница.

Една од централните дискусии се одвиваше под наслов „Бизнисот во 2030: Податоци, AI и компании без слепи точки“, отворајќи ги прашањата како податоците и вештачката интелигенција ќе го менуваат начинот на кој компаниите носат одлуки и како македонскиот бизнис треба да се подготви за следната фаза на дигиталната трансформација.

Резултатите на големата сцена

Централниот дел од вечерта беше посветен на Business Leader признанијата, чиј избор се темели на реални деловни резултати и анализа на податоците за македонските компании.

Годинава признанија добија компании од индустријата, трговијата, фармацијата, технологијата, телекомуникациите, финансискиот сектор, логистиката, здравството и други значајни сегменти на македонската економија.

Посебното признание „Стартап на годината 2026“ го доби FACTUM. Компанијата за само две години се разви од околу 7.000 евра годишен приход до бизнис кој се движи кон 400.000 евра годишен повторлив приход и има повеќе од 500 активни корисници.

Сава пензиско друштво – Premium Business Leader 2026

Кулминацијата на вечерта беше доделувањето на највисокото признание - Premium Business Leader 2026.

Од анализата на Бизнис Мрежа на македонските компании, Сава пензиско друштво АД Скопје беше издвоено за достигнувањето - три последователни години со највисока бонитетна оцена во конкуренција меѓу македонските компании.

Највисокото деловно признание симболично го додели проф. д-р Златко Јаќовски - лекар, професор и алпинист кој во 2023 година се искачи на највисокиот врв на светот, Монт Еверест.

Признанието во име на Сава пензиско друштво го прими претседателката на Управниот одбор, Снежана Станковиќ.

Добитници на Business Leader признанијата за 2026 година

Меѓу компаниите и брендовите што годинава добија признанија се:

Signori, FACTUM, Davis Fabrics, МТЕЛ, Милкуз, ДМЦ Балканс, Завар Компани, Лав-Комерц, Термостил Даниел, Синцеритас, ММС Комуникации, АТУ Македонија, Хелиоцентрум, Sopro, Starcon Shipping, Liberty Скопје, Навико Шипинг, Ingram Micro Македонија, НЈСК Холдинг, Експанда, Интер-Констракшн, Отпад, Адвокат Александар Михајлоски, Condevo MK, Пуцко Петрол, SCM Retail / Skopje City Mall, DM Drogerie Markt, Ernst & Young – Услуги, КаСис, Алма-М, Зегин, Реплек, Аџибадем Систина, Wabtec МЗТ, КБ Прво пензиско друштво и Макстил, додека Сава пензиско друштво го понесе главното признание Premium Business Leader 2026.

Вечер во знакот на македонските „врвови“

Целата церемонија годинава беше изградена околу концептот на планината и врвот како симбол на деловниот успех – пат во кој нема кратенки и во кој резултатот се создава чекор по чекор.

Програмата ја водеше Игор Џамбазов, а музичкиот дел го предводеше Џијан Емин со оркестар, со повеќе музички изведби интегрирани во самата церемонија.

На крајот на церемонијата, сите добитници на Business Leader 2026 застанаа заедно на сцената – компании од различни индустрии, генерации и големини, обединети преку резултатите што ги создаваат.

Пораката со која беше заокружено третото издание на Business Leader беше дека секој достигнат врв е почеток на следниот предизвик.

Business Leader продолжува со својата мисија – успешните македонски компании и луѓето зад нив да ги стави таму каде што заслужуваат да бидат: на големата сцена.

За Business Leader

Business Leader е платформа за препознавање, афирмација и поврзување на успешните македонски компании и деловни лидери. Зад анализите и изборот на компаниите стои Бизнис Мрежа, која преку деловни и финансиски податоци ги анализира резултатите на македонските компании.

Генерален партнер на Business Leader 2026 е Халкбанк АД Скопје. Official Event & Marketing Partner е MS Creative Studio, организациски партнер Pari.com.mk, Mobility Partner Delfino Mobility Group, а Official Hospitality Partner Alikas. Златни партнери се БиМилк и Аџибадем Систина, додека меѓу останатите партнери на настанот се Макстил, Зегин, MyTime, Signori, KARA5, Delight, Сава Осигурување, Chesterfield, Тиквеш, Гемак, Пелистерка, Startup Club Skopje, Social Hair, Baking Bread и Elena Luka.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тоа го прави веќе две години, сака целосна контрола врз правосудството.

Бандата бара спас од одговорност за криминалот, и тоа во контролирано судство и обвинителство.

Еве кои предлозите се буткаат за нови членови на Судскиот совет.

Кандидатката Емилија Алексовска која добила најмногу бодови од ВМРО.

Позната по јавните фалби на Мицкоски на социјалните мрежи. „Македонија со Вас е жива, повторно наша и горда“, вака го фалела Алексовска Мицкоски.

Во изборот на свои кадри во судството Мицкоски очигледно најмногу бодови носат јавните фалби за него на социјалните мрежи. Каков критериум.

Вториот кандидат, Џоко Диков исто така се врзува со ВМРО. Но скандалот тука е поголем затота што имал и кривична пријава.

Има фотографии со членови на ВМРО-ОКГ, пратеници, градоначалници. Една од нив, на прослава на победата на градоначалникот на Ново Село, исто така од ВМРО.

Партиските критериуми ги задоволил. Ајде да видиме дали ги задоволил стручните.

Диков го застапувал градоначалникот на Ново Село, против еколошките активисти а имал и кривична пријава за злоупотреба на службената положба и овластување.

Граѓаните сами нека проценат.

Ова се кадрите на Мицкоски, новите кандидати за судии од тефтерчето со кои треба да продолжи партизацијата и да се воспостави целосна контрола на правосудството.

Јавноста веќе знае дека тој процес е започнат и трае.

Данка Ристова, сопруга на Ацо Ристов, поранешен градоначалник на Радовиш од ВМРО веќе беше избрана за членка на Судскиот совет.

Потоа, нејзиниот сопруг - Ацо Ристов Мицкоски си го избра за претседател на Регулаторната комисија за енергетика.

Поранешен градоначалник од ВМРО сега е на чело на регулатор кој треба да е независен, а неговата сопруга е во телото што одлучува за судиите.

Едни исти луѓе, врзани со Мицкоски треба да контролираат бизниси и судии.

Класична мафијашка структура.

Независните обвинители ги менува и ги нарекува медиокритети при телевизиско гостување, а новите ги поставува во живо. Нарачува процеси по телефон и од собраниската говорница.

Вториот извештај на ЕК во делот на судството е катастрофален. Наскоро се очекува третиот. Сето ова го прави затоа што не му е гајле за ЕУ. Се плаши од одговорност.

Со банда, нема независно судство. Има систем на контрола. Нема правда – напротив, има неправда.

СДСМ бара повлекување на овие предлози и избор на стручни и независни кандидати за судскиот совет.

Нашата порака е дека никој нема да се спаси, одговорност ќе има.

Кога власта ќе се врати во рацете на народот, целата бандата ќе одговара. Пред независно судство и пред европско обвинителство.

Прес конференција на СДСМ, Јон Фрчкоски – член на Извршниот одбор

Скопје, 16.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во добри услови и пријатна средина, мотивацијата за учење е поголема и затоа пред две години Владата и општините се обединија околу еден приоритет - да вложиме во инфраструктурата и да го зајакнеме овој столб на образованието. По две години делата се видливи. Ова училиште е резултат на тие заеднички заложби.

Ова го истакна министерката за образование и наука проф. д-р Весна Јаневска на денешното пуштање во употреба на новиот објект на основното училиште „Крсте Мисирков“ во населбата Ченто во општина Гази Баба, каде заедно со премиерот проф. д-р Христијан Мицкоски и градоначалникот Бобан Стефковски, на учениците и наставниците им посакаа многу успеси и убави спомени.

„Дојде моментот бараките зад нас да заминат во историјата. Со среќа нека се користи новиот училишен објект. Навистина е прекрасен и знам дека ќе биде инспирација и за учениците и за наставниците“, рече Јаневска додавајќи дека Владата и Министерството за образование и наука вложуваат подеднакво во сите региони на државата, затоа што, како што нагласи - сите деца заслужуваат еднаков пристап до квалитетни услови за образование.

„Ќе потсетам дека за две години реализираме 90 проекти во вредност од 70 милиони евра. Половина од средствата се обезбедени преку Министерството за образование и наука и другата половина преку повикот на Владата за финансирање на капитални проекти на општините. Еден таков проект е токму ова училиште и благодарност до градоначалникот што се ангажираше да го подготви, да аплицира за средства и да го опреми објектот. Благодарност и до премиерот кој ја покрена оваа иницијатива – одеднаш да градиме и да изградиме многу нови образовни и спортски објекти на целата територија на Македонија“, додаде Јаневска.

Новиот објект има два спрата со 30 училници и вкупна површина од 3.128 квадратни метри. Вредноста на инвестицијата е 170 милиони денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.