Вучиќ: Ќе примиме 29 повредени Македонци (ВИДЕО) - Канал 5

Балкан

Вучиќ: Ќе примиме 29 повредени Македонци (ВИДЕО)

Претседателот Александар Вучиќ денеска при посетата на повредените во пожарот во дискотека во Македонија, кои се сместени во Универзитетскиот клинички центар на Србија, изјави дека 29 повредени лица ќе бидат згрижени во српските здравствени установи.

Вучиќ: Ќе примиме 29 повредени Македонци (ВИДЕО)

Претседателот Александар Вучиќ денеска при посетата на повредените во пожарот во дискотека во Македонија, кои се сместени во Универзитетскиот клинички центар на Србија, изјави дека 29 повредени лица ќе бидат згрижени во српските здравствени установи и истакна дека имаат најдобри услови во Европа, објавија српските медиуми.

„Имав можност да ги посетам луѓето кои беа повредени во страшната трагедија во Кочани, Македонија. Девет од нив лежат овде во Клиничкиот центар. Прво посетив двајца, а потоа заедно посетивме седуммикна. Последното лице што го посетивме е во животна опасност, а другите не се. Степенот на изгореници е четири проценти“, рече тој.

Тој рече дека кај неколку пациенти најголем проблем е респираторниот систем.

„Невозможно е да се најдат подобри услуги во Европа. Никаде во Европа нема интензивна нега со подобри услови од овде во Белград. А кај нас ќе дојдат уште 12 пациенти, ги имаме на ВМА, ги имаме во Клиничкиот центар во Ниш. Ќе дојдат уште 12 пациенти и како што сега стојат работите, вкупно 29 пациенти ќе бидат во Србија“, рече Вучиќ.

Тој порача дека Србија секогаш ќе стои покрај братскиот македонски народ.

„И мислам дека за нас се подразбира, бидејќи трагедијата во Кочани е како трагедија каде било во нашата земја. Уште еднаш, изразувам сочувство до братскиот македонски народ, до сите граѓани на Македонија. Верувам дека ќе можеме да им помогнеме на мнозинството од овие луѓе кои дојдоа со ужасно тешки повреди, а вие ги видовте само најсилните од нив кои можат да комуницираат“, рече тој.

Како што рече, сето тоа подоцна може да се среди со пластична хирургија, доколку нивните витални органи се во добра состојба.

„Само нека помине овој прв бран и тогаш сè ќе биде во ред. Ние им стоиме на располагање на нашите пријатели и браќа Македонци и сме подготвени да примиме повеќе луѓе, имаме уште доволно простор на интензивна нега и тоа не само овде туку и на ВМА и во сите наши болници кои, како што можете да видите, се одлично опремени“, нагласи Вучиќ.

Тој рече дека трагедијата што ја снајде Македонија е огромна.

На македонскиот народ нема да му биде лесно, ние ќе бидеме покрај него како што тие секогаш стоеле покрај нас“, рече Вучиќ, пренесе Танјуг.

Заедно со Вучиќ се и министерот за здравство Златибор Лоначар, како и директорката на Универзитетскиот клинички центар на Србија, Јелена Друловиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силно невреме се очекува во Италија- во Џенова се затворени сите училишта (ВИДЕО)

Силно невреме пристигнува во Италија, а обилни врнежи, интензивни врнежи, грмежи и силен јужен ветер најпрво ќе го зафатат северот на земјата, особено Лигурија.

Силно невреме се очекува во Италија- во Џенова се затворени сите училишта (ВИДЕО)

Силно невреме пристигнува во Италија, а обилни врнежи, интензивни врнежи, грмежи и силен јужен ветер најпрво ќе го зафатат северот на земјата, особено Лигурија, каде во некои области се очекуваат и до 200 милиметри дожд за неколку часа, соопштија метеоролозите.

Поради портокаловото временско предупредување, денеска во Џенова беа затворени сите образовни институции, додека во централна и западна Тоскана е издадено жолто предупредување поради можни силни грмотевици, пренесува Аднкронос.

Метеорологот на италијанскиот портал iLMeteo, Матеја Гусони изјави дека силно атмосферско нарушување од Атлантикот носи значително влошување на времето, кое прво ќе ги зафати северните, а потоа централните и јужните делови на Италија.

Според него, областа со низок притисок што ќе се продлабочи над италијанските мориња ќе извлече влажен воздух од Медитеранот и силни јужни ветрови, што може да доведе до развој на многу силни и долготрајни бури, особено пред брегот на Лигурија.

„Регенерирачките“ бури, односно системи со грмотевици кои речиси не се движат и носат обилни врнежи во истата област со часови, може да предизвикаат екстремни количини на дожд, до 200 милиметри за само неколку часа, во централните и западните делови на Лигурија.

Ова, како што изјави Гусони, е количината на врнежи што обично паѓа во текот на приближно два месеци.

Обилни и долготрајни врнежи денеска се очекуваат и на Алпите, предалпските области и рамнините на северна Италија, особено во Пиемонт, Ломбардија, Венето, Фриули-Венеција Џулија и Тоскана.

Во среда невремето треба да се придвижи кон централните и јужните делови од земјава, особено долж Тиренското Море, каде се можни пороен дожд и грмежи.

Метеоролозите предупредуваат и на силен јужен ветер, особено долж брегот, кој би можел да надмине 50 до 60 километри на час, поради што на граѓаните им се препорачува да бидат внимателни при патувањето и да ги следат предупредувањата од цивилната заштита.

Првото подобрување на времето се очекува во четврток на 22 октомври, кога во поголем дел од земјата ќе има повеќе сончеви периоди, но веќе во петок ново атмосферско нарушување може да зафати одредени делови од централна и северна Италија.

Во Џенова сите училишта се затворени поради портокаловото предупредување кое важи од 07:00 часот утринава до полноќ.

Градските власти ваквата одлука ја оправдаа со прогнозите на метеоролошката служба Арпал и фактот дека земјиштето е веќе заситено со вода по обилните врнежи во неделата, особено во источниот дел на градот.

„Центарот за оперативно управување одлучи за утре да ги затвори училиштата од сите нивоа, имајќи ја предвид прогнозираната состојба и големото оптоварување на теренот по интензивните врнежи“, се вели во соопштението на градската управа.

Градскиот советник за образование Рита Бруконе потврди дека сите училишта во Џенова ќе бидат затворени. Во Тоскана е издадено жолто предупредување за силни грмотевици, кое ќе важи од 15 часот. до полноќ.

Претседателот на Тоскана, Еугенио Џиани предупреди дека од попладневните часови, а особено во вечерните часови локално се очекуваат многу обилни врнежи, придружени со поројни поплави и силни налети на ветер, особено на островите, долж брегот и во западните делови од регионот.

Тагови: италија невреме

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се запали патнички авион во Перу непосредно пред полетувањето (ВИДЕО)

Моторот на патнички авион Ербас А320 се запали кратко пред полетувањето на Меѓународниот аеродром Хорхе Чавез во Лима, главниот град на Перу.

Се запали патнички авион во Перу непосредно пред полетувањето (ВИДЕО)

Снимките покажуваат густ црн чад како се издига од левиот мотор. Службите за итни случаи веднаш беа испратени на местото на настанот. Патниците беа евакуирани, а според потврдата од LATAM Airlines, никој не е повреден.

Покрената е истрага

Компанијата LATAM Airlines го опиша инцидентот како „непредвиден технички настан“.

Околностите на инцидентот и неговата причина сè уште се утврдуваат, а истрагата е во тек.

Тагови: авион Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре претпладне сончево и облачно, попладне дожд

Утре времето ќе биде променливо облачно со сончеви периоди, а попладне со врнежи од дожд, информираат од УХМР. 

Утре претпладне сончево и облачно, попладне дожд

МАКСИМАЛНА ТЕМПЕРАТУРА

12 Попова Шапка, 15 Крушево, 20 Берово, Претор, 21 Охрид, Маврови Анови, Крива Паланка, 22 Прилеп, Тетово, 23 Виница, Скопје – Зајчев Рид, Битола, Велес, 24 Кавадарци, Штип, Скопје – Петровец, Струмица, 25 Гевгелија, 26 Демир Капија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес сончево со мала локална облачност. Дуваше слаб до умерен ветер од северен правец, поизразен долж Повардарието. До крајот на денот ќе биде стабилно и ведро, наместа со мала облачност.

ВРЕМЕТО УТРЕ

Претпладне променливо облачно со сончеви периоди. Во попладневните часови, најпрво во крајните западни делови, а потоа на повеќе места ќе има услови за слаб локален дожд. Ќе дува слаб до умерен ветер од југоисточен правец, кој наместа долж Повардарието повремено ќе засилува. Минималната температура ќе биде во интервал од 0 до 10, а максималната ќе достигне од 20 до 26 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 6, а максималната ќе достигне до 23 степени.

ВРЕМЕТО ВО НАРЕДНИТЕ ДЕНОВИ

Под влијание на влажна и нестабилна воздушна маса, од утре до почетокот на следната работна седмица, времето ќе биде променливо облачно со врнежи од дожд кои повремено ќе бидат пообилни, а во четврток ќе бидат проследени и со појава на ретки грмежи. Утре и во четврток наместа ќе има услови за појава на утринска магла. Ќе дува слаб до умерен ветер од југоисточен правец, освен во петок кога ќе биде засилен и од северозападен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер