Вучиќ: Ќе побарам од Владата да им овозможи на опозициските партии увид во избирачкиот список - Канал 5

Балкан

Вучиќ: Ќе побарам од Владата да им овозможи на опозициските партии увид во избирачкиот список

Вучиќ на новинарите им рече дека ќе побара избирачкиот список да им биде доставен „не на странците, туку на српските политички противници“.

Вучиќ: Ќе побарам од Владата да им овозможи на опозициските партии увид во избирачкиот список

Претседателот на Србија, Александар Вучиќ, изјави дека е подготвен да влијае и да побара од луѓето од Владата на Србија да им излезат во пресрет на опозициските партии и во согласност со заштитата на личните податоци да им овозможат увид до избирачкиот список. Тој посочи и дека нема очекувања од утрешната рунда на дијалог меѓу Белград и Приштина, како и дека нема договор Белград да ја укине „сопствената валута динарот на своја територија“, јави дописникот на МИА од Белград.

Вучиќ на новинарите им рече дека ќе побара избирачкиот список да им биде доставен „не на странците, туку на српските политички противници“.

„Мораме да стекнеме целосна доверба во изборниот процес“, рече Вучиќ, кој посочи дека во Нови Сад во избирачкиот список додека на чело бил Борислав Новаковиќ се запишани повеќе луѓе отколку во изминатите 10 години.

– Премногу сте паметни да ги повторувате нивните глупости, рече Вучиќ и додаде дека ќе ја прифати поканата на опозициската коалиција НАДА да се формира експертска група која ќе изврши увид во избирачкиот список, почитувајќи ги законските норми, изјави тој

Вучиќ кажа дека нема очекувања од утрешната рунда дијалог меѓу Белград и Приштина на ниво на главни преговарачи, како и дека нема никаков договор Белград да ја укине „сопствената валута (динарот) на своја територија“.

-Ќе се снајдеме како да им ги доставиме парите на нашиот народ, ќе се мачиме, и тие ќе се мачат, изјави Вучиќ и доаде дека „ги чекам околу Советот на Европа на 27 март, па ќе откријам како овие западњаци ја лажеле и ја заведувале Србија, додека се претставувале како чесни посредници“, рече Вучиќ.

Тој одговори дека „нема посебен коментар“ за пишувањата на медиумите во регионот „дека е подготвен за капитулација“, а во однос на Косово „суштината е во тоа дека нема да има предавање“.

-А ако сакаат нешто да спроведат на сила, нема да добијат „зелено светло“ од Белград за тоа, рече Вучиќ.

На прашањето за објавените слики од проектот на американската компанија на местото на сегашната зграда на Генералштабот, рече дека за тоа е делумно информиран, но среќен е што проблемот во центарот на Белград конечно ќе се реши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна рудник за злато во Судан: Загинаа најмалку 67 лица

Најмалку 67 лица загинаа по уривањето на рудник за злато во Судан.

Се урна рудник за злато во Судан: Загинаа најмалку 67 лица

Несреќата се случила во рудникот „Ал-Зара“ во близина на градот Нухуд, во западната провинција Западен Кордофан. Областа е под контрола на паравоените Сили за брза поддршка (RSF), кои од 2023 година се борат против суданската армија, пренесува АП.

Според преживеаните, рудникот се урнал доцна синоќа, а потрагата по голем број рудари сè уште трае. Медицински извори наведуваат дека бројот на жртви може да се зголеми додека продолжуваат операциите за пребарување и спасување. Спасувачките екипи се обидуваат да стигнат до преживеаните и да ги извлечат телата заробени под урнатините.

Рударот Ал-Амин Сулиман потврди дека луѓе сè уште се заробени во рудникот. Еден од преживеаните, Каирал-Сајед Габара, го опиша уривањето како огромно и истакна дека на лице место немало тешка механизација за расчистување на земјата.

Чести несреќи поради ниските стандарди

Судан е еден од најголемите светски производители на злато, но несреќите во рудниците се чести поради слабите безбедносни стандарди.

Слични несреќи се случиле и во последните години. При уривање во 2023 година загинаа 14 рудари, додека во друга несреќа во 2021 година животот го загубија 38 лица.

Извор: Индекс.хр

Тагови: рудник Судан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Шасивари-Бочек

Шасивари оствари средба со вицегувернерот на Банката за развој на Советот на Европа , Томаш Бочек.

Средба Шасивари-Бочек

Министерот за правда Јетон Шасивари оствари средба со вицегувернерот на Банката за развој на Советот на Европа , Томаш Бочек, на која беа разгледани активностите за реализација на проектот „Реконструкција на казнено-поправните установи во Република Македонија“.

Проектот, кој се реализира со заем од ЦЕБ во износ од 46 милиони евра, има за цел унапредување на условите во казнено-поправните установи и обезбедување на современи услови за сместување, здравствена заштита, хигиена, работни и слободни активности на осудените и притворените лица, во согласност со европските стандарди.

Активностите во текот на 2026 година продолжуваат согласно предвидената динамика. Во јули 2026 година е склучен и договор за стручен надзор над изградбата, додека постапката за избор на изведувач за изградбата на предвидените објекти е во тек.

Министерството за правда останува посветено на унапредување на системот за извршување на санкциите и создавање современи и европски услови во казнено-поправните установи.

Тагови: Јетон Шасивари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем протест во Приштина- толпа граѓани се движи кон плоштадот, се очекуваат насилни протести (ВИДЕО)

Десетици Албанци се собраа денеска на улиците на Приштина за да го изразат своето незадоволство и револт по најновите случувања и пресудата на поранешните водачи на Ослободителната војска на Косово (ОВК) пред Специјалниот суд во Хаг.

Голем протест во Приштина- толпа граѓани се движи кон плоштадот, се очекуваат насилни протести (ВИДЕО)

Како што може да се види на улиците, голема толпа луѓе се движи кон централниот градски плоштад, кој е планиран како главна точка и епицентар на денешниот собир, објави Индексолајн.

Се очекува бројот на демонстранти да се зголемува како што одминува денот, а протестот е директна реакција на денешната одлука на судот во Хаг, која предизвика бурни реакции кај тамошната јавност.

Да потсетиме дека денеска, пред специјализираните комори во Хаг беше изречена првостепената пресуда против Хашим Тачи, Јакуп Красниќи, Реџеп Селими и Кадри Весељи.

Тачи и Красниќи беа осудени на 25 години затвор, Весељи на 18, а Селими на 13 години затвор.

Хашкиот судски совет утврди дека одговорноста на обвинетите е индивидуална и лична, но дека ниту еден од нив не можел сам да ја постигне заедничката криминална цел.

Хашим Тачи денеска беше осуден во Хаг од страна на Специјализираните совети на Косово на 25 години затвор. Тој беше осуден за злосторства, вклучувајќи убиство, тортура и незаконско затворање, извршени додека бил врховен командант на етничката албанска Ослободителна војска на Косово (ОВК) за време на насилното одвојување на таа територија од Србија во 1990-тите.

Судот денес објави дека Тачи е виновен за убиствата на 96 политички противници и лица за кои се верува дека соработувале со српските безбедносни сили, извршени од силите на Ослободителната војска на Косово за време на конфликтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер