Вучиќ: Изложени сме на навреди и најдиректни закани - Канал 5

Балкан

Вучиќ: Изложени сме на навреди и најдиректни закани

Тој оцени дека вчера имал можност да ги проследи настаните во Сребеница каде е одбележана „29-годишнината од масакрот“. 

Вучиќ: Изложени сме на навреди и најдиректни закани

Се обидуваат да ја испровоцираат Србија да направи нешто за што би требало да интервенира НАТО, вчера имаше недвосмислен повик за конфликт, а десетпати спомнувањето на наводната големосрпска политика е јасно таргетирање, а целта е уништување на Србија, изјави српскиот претседател Александар Вучиќ во денешното обраќање пред јавноста, јави дописникот на МИА од Белград.

-Конфликтот на територијата на Украина од 22 февруари, пред две и пол години, многумина во околината се обидоа да го искористат за конечен напад врз Србија, рече Вучиќ, додавајќи дека за нив е добродојдена само понижена Србија, економски уништена и политички растргната со поделени територии.

Тој оцени дека вчера имал можност да ги проследи настаните во Сребеница каде е одбележана „29-годишнината од масакрот“. Како што додаде, наместо тоа да биде можност за зборови на помирување и почит кон жртвите, граѓаните на Србија, српскиот народ и Република Српска беа изложени на навреди и на најдиректни закани.

Ако Србија прифати се што и се прави и што бараат, кажа Вучиќ, тоа е повик за војна.

-И она што беше кажано вчера беше отворен повик за војна, бидејќи во еден краток говор најмалку десет пати се споменува големосрпскиот протагонист, големодржавниот проект и великосрпската декларација, што е јасно таргетирање и покажува каков треба да биде одговорот на непостоечката големосрпска политика. Ова треба да заврши со конечен слом на Србија, бидејќи само таква Србија е добра за нив, онаа која работи по нивни диктат, кажа српскиот претседател.

Тој додаде „граѓаните на Србија сиве овие години слушале обвинувања дека Србија се вооружува, дека само чека да започне нова војна, дека сум слуга на Путин, се со цел морално да се осакати Србија“.

-И ова се случува преку изјави од регионот дека Србија е руски застапник, преку лажно обвинување на Србија дека сака војна, иако Србија тоа не го сака. И на крајот ни припишуваат недостатокот на демократија и дека овде владее диктатура, за да се покаже севкупниот антизападен пристап на Србија, за да се бара од Западот априори поддршка за понатамошни дејствија против нашата земја, рече претседателот на Србија.

Вучиќ порача дека Србија нема да падне на провокациите кои доаѓаат од Босна и Херцеговина, ниту ќе војува со Бошњаците.

-Ви велам сега отворено - нема да војуваме против вас, можете да правите што сакате, можете да измислувате, можете да провоцирате колку сакате, а ние нема да војуваме против вас. Ние несакаме да војуваме против Бошњаците А тоа е мојата порака и на Бошњаците во Србија и на Бошњаците во Босна и Херцеговина, нагласи Вучиќ.

Претседателот на Србија посочи дека Република Српска одлучила да ја одложи седницата за раздружување со Федерацијата Босна и Херцеговина.

-Забележавте дека ова никаде не е новост? Знаете ли зошто не е вест? Затоа што тие не сакаат да престане нешто такво, поради желбата за конфликт плус интервенција на НАТО. А тоа е заедничко и за Приштина и Сараево и многу други, рече Вучиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер